2 TIMOTIUS 1:8 - Nanduk Ngget Tul Pidnak Wene

⁸ Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

2 TIMOTIUS 1:8 ပူးပေါင်းရင်းမြစ်များ

NDAWI ENGGA 19:7

Nagawan Indo-nen idnak imiri mbarak pidnak wene iri-ge inndi uruk tak poso iminep mbarak-nen yusu-o. Nagawan Indo-nen ”Irit kwarurag-o” yidnak wene iri-ge ndemerer-o luk ebem inndi wat tak pugwi-nen yusu-o. Inndi lak ala, inndi nggat nggat worak tak poso-nen yusu-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

MARAKUS 8:38

Yawo Mbal Pem Nagawan keya buruk, meya nak kwatli tarem-nen an min an-nen mul ondoso wene min para yurak ininggiri pasiyem tak puwa nab-e, abok Ap Ambara an-e Neid abinal min lenak inpidnak aid nap inmin lobok yosolar-e, iri yuwa nap na it onpok para yurak na an-nen ninggiri pasiyem tak pimin-o” luk yij-o.

LUKAS 9:26

Ta-nen nde an min an-nen yidnak wene min yurak inggiri pasiyem tak puwa nab-e, Ap Ambara an-nen-e an namawi bem Neid min lenak inpidnak aid nap min enmawi bem lobok yimin tarem-nen-e ap iri na obok para yurak na ninggiri pasiyem tak pimin-o.

YOANES 15:27

Nde, kir-e nandug-et an nimin woragwi me, kit-nen na an nowene kenggel ondogolat woragub-o.

YOANES 19:35

Iri kwarogola kagi nap Yoanes an-nen-e iri kwaridnak kunggurusu yu-ge kit kinndi angin tubu yobok-nen ndemeret wene yu-ge an-nen yusu-o. Nde, an-nen kunggurusu wene yu-ge ndemeret wene-o luk naru-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

OROMA 8:36

Mbal Pem Nagawan engga mbarak pem-nen yosolar-e: ”Kat kebem ala, pempa nir-e wat yidnak waring kali-o. Wururak lomba wam kwat ubu nggal kwat ninpili-o” luk yij-o.

OROMA 9:33

Kerep iri wene-ge Mbal Pem Nagawan engga bem-e yu nggal mbarak worasu-o: ”Kwara yebet ker-o. O Sion iri me-ge ap unuwok abis pijaksa mburak kerep an-nen pusu-o. Kerep nggulok na bem-e ab-e pijaksa mbud yuwa-o. Alat nde, kerep na ebem inndi angin tubu yuwa nab-e abog-e innggiri wuruwa bug-o” luk yij-o.

1 KORINTUS 1:6

Kerisut-nen yidnak wene kinggiridnag-e kit kinndi arem tugup lak worasu me-ge,

2 KORINTUS 6:7

lud tak nak kwarugwi wene yak undugwi bem na, Mbal Pem Nagawan amawi bem na, irit kwarugwi-o. Nde, lud tak nak kwarugwi nensan-e ninnggi kigit nggwe, kware nggwe wanugwi-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

EPESUS 3:13

Iri bem-e, an-e kit kenpem-nen anggun worak mende nebem mbusu iri na bem-e kinndi pil suk pil lag-e yurak pug-o luk kenmengen mbarusu-o. Iri-ge nit nunnu kek tak purak pem-net yusu kagi luk peragub-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

EPESUS 4:17

Iri bem-e, an-e wene yu yak kondosolar-e, Nagawan Indo unu bem nene amawi min-et yak kundusu-o: Kir-e tuguruk Mbal Pem Nagawan enaru buk nap-nen kwarugwi mende kwatli-ge meyog-o. It inndi-n perali mende-ge ebe lak mende-net yusu-o.

PILIPI 1:7

An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

PILIPI 3:10

An nindingen kaso mende-ge yu-o: Kerisut na naru yosolat, at uruk yidnak amawi iri na naru yosolat, at andi bandi kagaid nggal an na andi bandi kasolat, at wat yid nggal an na iri nggal wat yosolat yurag-e nindingen-o.

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.

KOLOSE 1:11

Enpem mboso mende oboksa kenpem mbosola-ge, kinndi luruk puruk woragolat, kenalen min-et woraboklug-e, at amawi kwarat iri-nen kenmawi rak posola-ge, kit kenmawi yugub-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

1 TESALONIKA 3:4

Nde, nit nanduk kit kinmin woragolar-e, abuwok ma-net ”Lel mberel nunpuwa o” luk mondok yak kindige-o. Nde, yak kindige iri na nggal-et ndemeret kwat ninpili-ge kir-e kenaru yili-o.

1 TIMOTIUS 2:6

Ap pidsa meya inggem-nen wisirik enpeyekluk onnggo posolar-e, Yesus-e at ambikpebe iminep wisirik pamu-o. At wat yid iri-ge, Mbal Pem Nagawan-nen ap pidsa inmiri yurak yidnak iri na yenggerak purak pem iri tarem-et wat yij-o.

2 TIMOTIUS 1:10

Alat nde, at-nen we wok ondoso elem iri-ge Ninmiri Yoso Nap Kerisut Yesus na lobok yid iri-nen nam tak pij-o. Nde, Kerisut-nen-e wat yugwi elem na lak tak puruk, aid wene bem-nen unlug-et woralik nalik momtak elem na nam tak pij-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

2 TIMOTIUS 1:16

Pempa an nindi kondok tak posolat woraidnak me, Nagawan Indo-nen-e Onesiporus ama woragwi nap inmin-e unpud kasolat wolmag-o. An-e o kubu me worasu yu bem-e Onesiporus na inggiri kagit lag-o.

2 TIMOTIUS 2:3

Kar-e Kerisut Yesus uwim tomboroso nap konak nap yosolar-e, kat na andi bandi-t kudtak ob-o.

2 TIMOTIUS 2:8

Wene yu yeberak wolmin-o: An-nen yoso aid wene iri-ge Ndaud-nen wigarak nap Yesus Kerisut, wat yidnak nap ennggendumu-nen uruk yidnak nap owene-t yoso-o.

2 TIMOTIUS 2:9

An-e aid wene yoso iri bem-net andi bandi kasolat, meya kwaroso nap nggal tak nuburuk, posid kere bem kamat niwidnak worasu-t nde, Mbal Pem Nagawan-nen yidnak wene perak kamarigit lag-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

2 TIMOTIUS 4:5

Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.

1 YOANES 4:14

Mbal Pem Nagawan Ambara na nit nenlengen karuk, nit-nen ap erep yak ondogolar-e: ”At Ambara na-ge nggweyak ma nap inmiri yuwak-luk Eid-nen Ambara na pil mbuwagaij-o” luk yak indili-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

NAM PARA WENE 1:2

Yoanes na at erengen-nen kaidnak mende oboksa konggorosolar-e, Mbal Pem Nagawan-nen yidnak wene min Yesus Kerisut-nen nam tak pidnak wene min engga yu bem kenggel indij-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.

NAM PARA WENE 12:11

Nde, nit nennggamirak-nen-e Lomba Wam Marik eyabi bem-nen na, Mbal Pem Nagawan-nen yidnak aid wene it-nen yugwi na bem-nen na ar-e urugwe nggwe rak ibiga-o. Nde, ir-e wat momtag-et nde, it inndi abuwa lak tak puruk wat yiga-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.