2 TIMOTIUS 1:7 - Nanduk Ngget Tul Pidnak Wene

⁷ Nde, Mbal Pem Nagawan-nen-e kwiye yurak indi wok nundusu-ge lag-o. Are, Konak Indi-nen-e nenmawi rak posolat, ap enabuwa kagwi rak nonposolat, nondomok mamak puruk wolmomtak elem wok nondosolat, yusu-o.

2 TIMOTIUS 1:7 ပူးပေါင်းရင်းမြစ်များ

NGGOMO WENE 8:14

Inndi arem wene mbal ondoso-ge an-net yusu-o. An-net ebe kwarak pusu-o. An-e inndi tenggerak elem min amawi elem min-nen yusu-o.

YESAYA 11:2

Nagawan Indo indi-ge at ebem woralat, indi ngarak, indi nggat nggat worak tak ubuwa-o. ”Yu nggal kwarurag-o” luk kwaroso abam irit kwarak puwa-o. Mbal Pem Nagawan indi-n pidnak aru yosolat, at indi aye worak irit wolma-o.

MIKA 3:8

Alat nde, an perak nde, Nagawan Indo-nen at indi narem posolat, amawi wok norosolat kwarusu-o. At-nen wok norosolar-e, mot mot kwarurak yebet kagwi elem wok norosolat, iri-nen Isarael nap-nen meya kwatli ereba na ”Iri kwatli meyog-o” luk yak undurak amawi kwiye lak elem wok norosolat kwarusu-o.

LUKAS 10:19

Wene yu yebet ker-o. Nde, kir-e waro min kigaru min-et nde, kunuwok yemen kagolat, kit kunuwim nap enmawi lak tak pogola, it-nen andi bandi rak kinpigit lak momtak amawi-ge wok kundukmu-o.

LUKAS 15:17

Iri kwarosolat woralar-e, at indi yebet kasolar-e: ’An neid ndegel ubugwi nap oboksa-ge nunggwi mende kwarat inmbitsa nili-t nde, an-e yu me-nen nere-nen wat yekluk yusu-o.

LUKAS 24:49

Nde, an Neid-nen urul pidnak na-ge an-nen kendam pil lobok yimin-o. Alat nde, Mbal Pem Nagawan-nen idnak amawi-ge kin kenpem mbumakluk, o siri yu me-t towarak wolmer-o” luk yak indij-o.

LUKAS 8:35

Nde, wene na kuluruk, ap ereba-nen-e iri kwarid iri na kujwokluk mbiriga-o. Mbirigarik, Yesus eram wok yiganggal-e, kugi arem-nen wirik pidnak nap na-ge usum yutluk, indi min-et Yesus eralu koreyak worala, yik kaiga-o. Kagolug-e, it pidsa kwiye kaiga-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 20:24

Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.

YIDNAK YIDNAK WENE 21:13

Alat nde, Paulus-nen yosolar-e: ”Kir-e noluk yip togolat-nen an nindi pidnak mborok tak puwokluk yili-o? Yerusalem-nen Nagawan Indo Yesus unu bem ala, kere kamat nuburak nag-e lag-o. Are, mondok wat momtak na ob-er-o” luk yij-o.

YIDNAK YIDNAK WENE 26:11

Yawuri nap-nen tepan yugwi ma pidsa-nen-e an-nen pempa it ereba na andi bandi rak inpil nosolat, ’Kinndi angin tubu yidnak na keya ber-o’ luk yak ondosolat woragi-o. It enpem nisilepma kwarat purug-e, nin nap enma-t nde, langgal unpuruk mboroso-o.

YIDNAK YIDNAK WENE 26:25

Yak tosoloma-ge, Paulus-nen onggo yosolar-e: ”Kunu worak Pestus wa-e. An-e nindi wawa-nen yusu-ge lag-o. An-e ndemeret wene-ge nindi-net mengesa yusu-o.

YIDNAK YIDNAK WENE 6:8

Nde, Sepanus na-ge Mbal Pem Nagawan-nen we wok ondoso elem min amawi min arem kobong tak ibidnak nap me, ar-e ap kwarat ennggendumu-nen kwiye worak mende nggulok min kagwi buk mende min irit kwarosolat woragaij-o.

YIDNAK YIDNAK WENE 9:22

Alat nde, Saulus-nen yidnak wene iri-ge amawi kondosolar-e: ”Yesus iri-ge Kerisut-net yusu-o” luk watsa-t yosola karuk, Ndamsik woragwi Yawuri nap na wene onggo yurag-e nggeyok yiga-o.

OROMA 5:5

Mbal Pem Nagawan-nen Konak Indi wok nindid iri na bem-nen enabuwa kaso elem nggilara nit nenarem yebet tak pidnak me, ninndi ebem mbung mbung tak woragwi iri na wolma me, ninndi nggwirik yul pug-o.

OROMA 8:15

Mbal Pem Nagawan-nen wok kindidnak Indi iri-nen-e ndegel ubugwi nap tak kunpuruk, kwiye yugwi nap tak kunpusu bug-o. Are, Konak Indi iri-nen-e Mbal Pem Nagawan ilirak tak konposolat, Konak Indi iri amawi bem nit-nen wene mbo bogolar-e: ”Neid wa-e! Kar-e an Neid-nen yusu-o!” luk yili-o.

1 KORINTUS 2:4

An-nen yoso wene min an-nen tomboroso aid wene min-e ap inndi tenggerak pem inndi lunugwi wene bem-nen yigi-ge lag-o. Alat nde, Konak Indi amawi-nen mirik onposo bem-nen yak kindigi-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

KOLOSE 1:8

Konak Indi bem-nen wok kindidnak ap enabuwa kagwi elem iri-ge at-nen yak nindij-o.

IBERANI 2:15

Iri kwarid iri-ge, ap pidsa pempa woragolat wat momtak kwiye kagwi iri na-nen urugwe nggwe rak inpidnak inggem-nen weserak enpeyekluk irit kwarij-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 YOANES 4:18

Enabuwa kagwi elem iminep mbarak iri-nen-e kwiye kagwi elem na lak tak poso me, enabuwa kagwi elem pem woragolar-e, kwiye lag-et woragwi-o. Ta-nen nde kwiye kasola-ge, Mbal Pem Nagawan-nen enabuwa kaso elem iminep mbarak na-ge at arem-e lak me, an meya yidnak pem nebem wene mbaruwa-o luk kwiye kaso-o.