2 TIMOTIUS 1:4 - Nanduk Ngget Tul Pidnak Wene

⁴ An-e yip tigen iri na nindi yeberak woralat me, nindi mondok yamuk makluk, kat kiyudtag-e mondok nindingen-o.

2 TIMOTIUS 1:4 ပူးပေါင်းရင်းမြစ်များ

NDAWI ENGGA 126:5

Yip min uwi pil kali nab-e, ebe mbarogolar-e, enalen-nen kijik kijak worogolat-net mbaruwag-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

YEREMIA 31:13

Iri tarem-e kweyap ndugum-e kot kagolar-e, enalen pem irit kot kujwa-o. An-nen inndi yanggonosola me, ap indi worak min ap sujwe min lambuksa-t enalen kagolat wolma-o. Inndi puru bera woragwi-ge an-nen nden yaga inndi yek tak woragwi rak onposolat, nde, inndi abi kalak woragwi-ge enalen pem woragwi kwarak onposolat kwarimin-o.

YOANES 16:22

Iri nggal, kit yawo-ge kinndi puru pera yili-t nde, abok kendam wok yimin nggal-e, kenalin kenalen kwarat kamin-o. Nde, kenalen kagwi iri-ge ap misiger-o luk tet-nen kit kinndi arem-nen mengga wanurag-e meya-o.

YOANES 16:24

Kir-e nanduk-net an nunu bem yi mende ndi mende mbi nggi yigit lak worali-o. Kit kenalen na iminep mbal maklug-e, nggi yer-o. Nde, nggi yogola-ge, wanugub-er-o” luk yij-o.

YIDNAK YIDNAK WENE 20:19

Yawuri nap-nen an nuruwokluk yogolat-nen anggun panggun tak nibiga-t nde, nindi teberak pem-et yip lengen min-et Nagawan Indo ndegel posolat woragi-o.

YIDNAK YIDNAK WENE 20:31

Iri bem-e, kwil kwalsa wolmer-o. An-e olengen ebis-et kenan woralar-e, kubu-nen, lengge-nen yip lengen min-et kundugu kit pidsa nggomo kondosolat woragi na-ge kinndi yebet yebet tak wolmer-o.

OROMA 1:11

Kit kinndi wi ya burak pem Konak Indi-nen we wok ondoso mende wanobokluk, kit kiniyil lobok yurak mondok nindingen-o.

PILIPI 1:8

Mbal Pem Nagawan-e aru-o. Kerisut Yesus-nen kenabuwa kaso nggal, iri nggal-et an-e kit pidsa kenpem nindi mondok kwindik worasu-o.

PILIPI 2:26

At iri-ge kit oboksa kiniyudtak pem indingen kwarat kasu-o. Nde, at iri kugi wiridnak kuligep na bem at indi andi kwarat agaij-o.

1 TESALONIKA 2:17

Nenggamirak wa-e. Nir-e luru kit kendam-nen wud tak ma woragola-ge, nenlengen-nen keneyagit lag-et nde, ninndi arem worali nar-o. Nir-e kiniyudtak kunndulu kagolar-e, kinmin lambuk yurak pem mondok pabok pige-o.

2 TIMOTIUS 4:21

Kimamo yoso tarem wok yigit lak ma-net lobok yugun na-e. Ebulus min Pundes min Linus min Kelauria min nennggamirak erep oboksa-nen na wiwa-o yak kitli-o.

2 TIMOTIUS 4:9

Ndag-et nak at neram lobok yonok-nen mondok kamawi kwindi-o.

1 YOANES 1:4

Nit nenalen-e iminep mbal maklug-e, engga yu kenmanggim mbatli-o.

NAM PARA WENE 21:4

At-nen-e it iniyip lengen oboksa ndogwarak puwa-o. Wat yugwi elem na lag-et ma-o. Nde, indi puru yugwi min yip tugwi min andi kagwi min mondok lag-et ma-o. Nanduk-nen woraso oboksa lak yij-o” luk yij-o.

NAM PARA WENE 7:17

Iri kwat unpuwa iri-ge nagawan koreyak woraso ondoro bem enggendumu worasu Lomba Wam Marik iri-ge at olomba wam iri yik eneyarok woraso nap kwatluk, wok unpuruk, unluk nak wolmomtak yi pilana waso sa inmin mburuwa-o. Nde, Mbal Pem Nagawan-nen-e iniyip lengen oboksa ndogwarak unpuwa-o” luk yij-o.