2 TIMOTIUS 1:18 - Nanduk Ngget Tul Pidnak Wene

¹⁸ Onesiporus-nen-e o Epesus-nen an kwarat yongga nirid wene-ge kar-e karu nar-o. Iri kwarid pem-e, woroksiyem ap enpem wene mbaruwa Tarem-nen-e Nagawan Indo-nen at ubud kujwag-o.

2 TIMOTIUS 1:18 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 17:20

mondok ene nggoksa tepan yosolar-e: ”Nagawan Indo Nembal Pem Nagawan wa-e. Noluk-nen inndi kalok tak poso mende yu-ge kwe togwe yu ebem pil lobok yigen-o? At-nen-e an luru wok yosola wolmomtak ondoro wok nirij-et nde, kar-e at ambara yu wirigen-o!” luk tepan yij-o.

LUKAS 1:72

Kit kenlawingga unpud kasolat, konak wene tul paga yak indigi na ndak tak pimin-o’ luk yij-o.

LUKAS 1:78

Nde, nit Nenmbal Pem Nagawan-e indi konak, enabuwa kaso me, nit ninmiri yeklug-e, o kuplila molengen kona pil wasu iri nggal lobok yij-o.

LUKAS 8:3

kwe misig-e Yoana, Erores urugom nap Kusa na ogwe na min; kwe misig-e Susana na min; kwami erep kwarat-nen-e it enarengge bem-nen Yesus owosirak inmin yongga ondogolat woraiga-o.

YIDNAK YIDNAK WENE 18:19

Iri rak purug-e, it na-ge Epesus wok lug-e, it mberen na iri me keya unpuruk, at Paulus ariget nak Yawuri nap-nen tepan yugwi ma nggwarik, Yawuri nap inmin wene yosolat woragaij-o.

YIDNAK YIDNAK WENE 18:21

Are, it na keya unpuruk mbereyekluk-nen yosolar-e: ”Mbal Pem Nagawan indi-nen nde, ’Tuguruk mbiri-o’ yak norosola-ge, tuguruk kendam lobok yimin-o” luk, Epesus-nen e koma arem mbirij-o.

YIDNAK YIDNAK WENE 19:1

Apolos-e Korintus worala-ge, Paulus-e o siri anggul nggwe ereba waring kil kil-e Epesus wok yij-o. Iri me-ge Yesus ene wanugwi nap erep inmin lambuk lug-e,

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

1 KORINTUS 16:8

Alat nde, Pentakosta tarem wok maklug-e, an-e Epesus yu me woramin-o.

1 KORINTUS 3:13

o enarik tak wiridnak iri-ge Kerisut-nen idnak Tarem-net nam tak posola, kujwa-o. Iri Tarem-e kanduk pem-nen tel korosolar-e, kanduk iri-nen ap-nen enarik tak o wiridnak mende iri-ge nam tak posolat, lombonosolat ma-o.

2 KORINTUS 9:1

Marak nap yongga undurak pem yu nggal-o luk an-nen engga mbal kundurag-e lag-o.

EPESUS 2:4

Alat nde, Mbal Pem Nagawan-nen ap unpud kaso elem iri mondok kwarat ala, ar-e nit nenabuwa mondok nggulog-et kaso me,

1 TESALONIKA 2:19

Nde, nit ninndi ebem mbung mbung tak woragwi-ge tarag-o? Nit nenalen eneyagwi-ge tarag-o? Nit Nagawan Indo Yesus lobok yosola tarem-nen at imbiri bem nit nunnu kek tak purak wirik iri-ge tarag-o? Iri-ge kir-er-o.

1 TIMOTIUS 1:3

Nde, an-e Makeronia nggwe mbereyekluk yosolar-e, ”Kar-e mondok Epesus wolmin-o” luk yak kirigi nar-o. Nde, Epesus woralar-e, iri me-nen ap kabak tak unpugwi wene mul indili nap ereba na inmin-e ”Wene iri yurak pug-o” luk met unpurag-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

2 TIMOTIUS 1:16

Pempa an nindi kondok tak posolat woraidnak me, Nagawan Indo-nen-e Onesiporus ama woragwi nap inmin-e unpud kasolat wolmag-o. An-e o kubu me worasu yu bem-e Onesiporus na inggiri kagit lag-o.

2 TIMOTIUS 1:17

Alat nde, Onesiporus na-ge Oroma wok yosolat-net an nogore nid nid neyagaij-er-o.

2 TIMOTIUS 4:12

Tikikus iri-ge Epesus wirik pigi-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

1 PETERUS 1:10

Kit kinmiri yurak wene iri-ge Mbal Pem Nagawan ene lomboksa yugwi nap-nen-e wene na kwara mbenarogolat, kore yogolar-e: ”Mbal Pem Nagawan-nen we wok ondoso elem wok kunduwa-o” luk urul pogolat woraiga-o.

NAM PARA WENE 2:1

”Epesus woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at inggi kigit nggwe wonaru tuju na tenaga, emas-nen konidnak tal tuju na enggenggerak waring kasu nap iri-nen yidnak wene-o.