2 TIMOTIUS 1:10 - Nanduk Ngget Tul Pidnak Wene

¹⁰ Alat nde, at-nen we wok ondoso elem iri-ge Ninmiri Yoso Nap Kerisut Yesus na lobok yid iri-nen nam tak pij-o. Nde, Kerisut-nen-e wat yugwi elem na lak tak puruk, aid wene bem-nen unlug-et woralik nalik momtak elem na nam tak pij-o.

2 TIMOTIUS 1:10 ပူးပေါင်းရင်းမြစ်များ

YESAYA 43:3

An-e Nagawan Indo Kembal Pem Nagawan, Kimiri Yoso Nap Mondok Marak Isarael Kembal Pem Nagawan-nen yusu-o. Kat lerak kubuwakluk onggo-ge Mesira pimin-o. Kat kondolma uwi yaga-ge Sundan min Seba min pimin-o.

YESAYA 45:15

Isarael nap inmiri yoso Mbal Pem Nagawan iri-ge kura nak woraso Mbal Pem Nagawan-nen yusu-o.

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

OSEA 13:14

It enlem yu-ge wat yugwi elem ininggiyapma-nen inmiri yimin pug-o. Wat yugwi elem wa-e. Kat-nen idnak wat momtak kugwi-ge wigari-o! Kat keyabu yigisa lak tak poso iri na mondok wanosolat wolmin-o! An-e it enlem yu-ge tuguruk enabuwa yimin pug-o.

LUKAS 11:36

Nde, kit kenpe-ge ndamuk mondok lak, pidsa yaya rak kinpidnak ala-ge, kenpe pidsa-ge tal eyaya nggal eyaya worak-nen yili-o” luk yij-o.

LUKAS 13:7

Iri ala-ge, at eyabu yik karok woraso iri na yak tosolar-e: ’Yu nde ki-o. E ara yu engen pij-o luk kil lobok yosolar-e, olengen kenan woragi-t nde, engen mbi pigit lag-o. E yu-ge ndarak pi-o! Wewesa yu me ya wolmomtag-e lag-o’ luk yak tij-o.

LUKAS 2:11

Yawo kubu-ge kit kinmiri yurak nap, Nagawan Indo Kerisut iri-ge Ndaud ama-nen ndet yij-o.

YOANES 1:9

Nde, ndemeret yaya na-ge nggweyak ma yu me mbuwasolar-e, ap pidsa yaya rak unpusu-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 4:42

it-nen kwe na yak togolar-e: ”Yawo ninndi angin tubu yili yu-ge kat-nen yidnak pem nak-nen yili-ge lag-o. Are, nit na nondomok-net at-nen yidnak wene kuluruk, at yu-ge ndemeret ki nap pidsa Inmiri Yoso Nap-nen yusu-o luk nenaru yili-o” luk yak tiga-o.

YOANES 5:40

unlug-et wolmomtak elem wanuwokluk an neram lobok yurag-e kinsili yili-o.

YIDNAK YIDNAK WENE 13:23

Nde, Mbal Pem Nagawan-nen ’Irit yimin-o’ luk urul pidnak ndak ndak tak posolar-e, Ndaud lolo-nen nderak Yesus iri-ge Mbal Pem Nagawan-nen Isarael nap Inmiri Yoso Nap tak pij-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

OROMA 16:26

Nde, yawo-nen-e pem-et woraso Mbal Pem Nagawan-nen-e ”iri nggal mag-o” yidnak pem yi nap ndi nap oboksa-nen enaru luk inndi angin tubu yogolat, at-nen yidnak yidnak nak kwarogolat makluk-ge, Mbal Pem Nagawan ene lomboksa yugwi nap-nen mbaridnak engga bem-nen-e kura yidnak wene iri-ge nam tak pili-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

OROMA 3:31

Iri ala-ge, ninndi angin tubu yili iri-ge imiri mbarak pidnak wene iri-ge lak tak purak pem kwatli-a? Mondok lag-o! Are, Musa-nen imiri mbarak pidnak wene na-ge mondok tugup lak tak puwokluk-nen yili-o.

OROMA 6:6

Nde, wene yu-ge nenaru nar-o. Nit meya kwarugwi nenpage iri na yigisa lak tak peyekluk, nit nenpage nanduk mende iri-ge Kerisut imin e lang pang tak pem worak pamu-o. Iri kwarid iri-ge, nir-e meya kwarugwi elem na ndegel pogolat wolma naru-nen kwarij-o.

1 KORINTUS 15:26

At imin sirid nap woroksiyem-nen lak tak puwa na-ge wat yugwi elem irir-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 5:4

Nir-e nggweyak ma yu me luru wolmomtak wi na arem woragolar-e, angin worak mende nenpem pidnak iri bem-nen yane witli-o. Iri-ge nit nenpe, nggweyak ma mende yu yungguruwakluk-nen yili-ge lag-o. Are, nenpe ngget mende-ge taro iri na ombol pem yesa wok nondosola, pem-et unlug-et wolmomtak mende-nen luru wolmomtak mende iri lungguk mberak puwakluk-nen yili-o.

NGGALATIA 5:4

Imiri mbarak pidnak wene-nen lud tak nak nunpuwa-o luk kinndi mbung mbung tak worali nap kir-e Kerisut ebem-nen penggel yidnak nap-nen yili-o. Kir-e Mbal Pem Nagawan-nen we wok ondoso elem na ombol nggwe-t worali-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

2 TESALONIKA 2:8

iri tarem-e Meya nak Kwaroso Nap iri na nam yosola-ge, Nagawan Indo Yesus-nen at emende pu-nen at mondok worosolat, at lobok yosolat abinal-nen at iri lak tak puwa-o.

2 TIMOTIUS 1:1

Kerisut Yesus ebem unlug-et wolmomtak aru pidnak wene yak unduwakluk, Mbal Pem Nagawan indi-n pidnak pem Kerisut Yesus-nen idnak wirik nibidnak nap Paulus an-nen-e

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

2 TIMOTIUS 4:1

Mbal Pem Nagawan imbiri bem min unluk worali nap min wat yidnak nap min enpem wene mbaruwa nap Kerisut Yesus imbiri bem min at lobok yuwa bem-nen na, at-nen tenagaidnak wi bem-nen na, an-e wene yu mondok kiri keresa yak kurusu-o:

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

TITUS 2:11

Ap pidsa inmiri yekluk, Mbal Pem Nagawan-nen we wok ondoso elem nam tak pij-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

TITUS 3:4

Alat nde, Ninmiri Yoso Mbal Pem Nagawan-nen-e indi konak elem min nenabuwa kaso elem min mirik nonposolar-e,

IBERANI 10:32

Nanduk woraigep iri na kinndi yebet ker-o. Iri tarem-e Mbal Pem Nagawan eyaya wanigep pem-e anggun panggun kwarat kenpem mbosola-t nde, kir-e mamak puruk woraigeb-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

2 PETERUS 1:11

Iri kwarak woragola-ge, Nenagawan Indo Ninmiri Yoso Yesus Kerisut-nen tenagaidnak wi, pem-et woralik nalik wolmomtak wi iri me nggurak nap ndak tak kunpuwa-o.

2 PETERUS 1:3

Nir-e at ondomok unu kek tak woraso min at lud tak nak kwaroso min at imin winde yuwakluk wene mbo ninpid nap na nenaru yidnak pem nir-e Mbal Pem Nagawan indi konak-nen kwaroso na ndak kwaruwakluk, Mbal Pem Nagawan-nen idnak amawi-nen-e yi mende ndi mende pidsa wok nindid irir-o.

2 PETERUS 2:20

Nde, ap-nen-e Nenagawan Indo Ninmiri Yoso Yesus Kerisut na enaru yidnak pem-nen nggweyak ma yu-nen kopkap tobok tak woragwi inggem-nen wesera labuk yidnag-et nde, iri mende-nen tuguruk it kamat unpuruk, urugwe nggwe rak onposola-ge, ap iri na nanduk meya kwarogolat woraidnag-e meya-t nde, abok-nen kwatli iri-ge mondok meya lombog-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

2 PETERUS 3:2

An yak kundusu yu-ge nanduk Mbal Pem Nagawan ene lomboksa yugwi marak nap-nen yidnak wene min Nagawan Indo Ninmiri Yoso Nap-nen yidnak wene wirik inpidnak nap-nen yak kindidnak wene min yeberak worabokluk yak kundusu-o.

1 YOANES 1:2

Urug-et woraso iri-ge ap-nen kujwakluk nam tak posola-ge, nit-nen kaige-o. Iri bem-e, at owene iri yak kondogolat, Eid imin woraso pem-et urug-et woralik nalik wolmomtak elem nit ninmbiri bem nam tak pid iri na kenggel kondogolat yili-o.

1 YOANES 4:14

Mbal Pem Nagawan Ambara na nit nenlengen karuk, nit-nen ap erep yak ondogolar-e: ”At Ambara na-ge nggweyak ma nap inmiri yuwak-luk Eid-nen Ambara na pil mbuwagaij-o” luk yak indili-o.

NAM PARA WENE 18:1

Iri luk, an yik kaginggal-e, aid nap misik aid arem-nen mbuwasola kagi-o. Nde, at iri-ge amawi kwarat worak me, at abinal-nen nggweyak ma yu me oboksa yaya rak pij-o.

NAM PARA WENE 2:7

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, unluk nak wolmomtak e Mbal Pem Nagawan Eyapmu-nen mbiridnak engen iri na mak timin-o.”

NAM PARA WENE 20:14

Iri luk, wat yugwi elem min wat luk ndok wiril mbugwi sa min-e kan mare arem mbo bil nggwij-o. (Nde, kan mare arem iri-ge mberen pem tak posolat wat yugwi elem-nen yusu-o.)

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.