2 TIMOTIUS 1:1 - Nanduk Ngget Tul Pidnak Wene

¹ Kerisut Yesus ebem unlug-et wolmomtak aru pidnak wene yak unduwakluk, Mbal Pem Nagawan indi-n pidnak pem Kerisut Yesus-nen idnak wirik nibidnak nap Paulus an-nen-e

2 TIMOTIUS 1:1 ပူးပေါင်းရင်းမြစ်များ

YOANES 10:28

An-nen-e unlug-et woralik nalik momtak elem wok undusu me, ir-e pem-et lak ma bug-o. Ap misiger-o luk tet-nen an ninggem-nen ming unpurak na meya-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

YOANES 6:54

Nde, an nebe min neyabi min nasu nab-e, urug-et woralik nalik momtak elem tena worasu-o. Nde, i woronosolat tarem-nen-e an-e uruk tak ibimin-o.

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

OROMA 5:21

Iri ala-ge, meya kwarugwi elem urugwe nggwe woragolar-e, wat yugwi nap woraige nggal, iri nggal-et we wok ondoso elem urugwe nggwe woragolar-e, lud tak nak nunpuruk, Nenagawan Indo Yesus Kerisut ebem-e nunlug-et woralik nalik momtak elem wok nundusu-o.

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

1 KORINTUS 1:1

Mbal Pem Nagawan Indi-nen pidnak pem wene mbo nebaga Kerisut Yesus-nen wirik inpidnak nap tak nibidnak an Paulus min nit nennggam Sotenes min-nen

2 KORINTUS 1:1

Mbal Pem Nagawan indi-n pidnak pem Kerisut Yesus-nen idnak wirik nibidnak nap an Paulus min nennggam Timotius min-nen-e Mbal Pem Nagawan-nen idnak lambuk tak inpidnak nap Korintus woragwi kit kenmanggim na, Akaya uwi oboksa woragwi marak nap kit pidsa kenmanggim na, engga yu mbatli-o.

2 KORINTUS 1:20

Mbal Pem Nagawan urul pidnak wene oboksa min-e Yesus-e: ”Ob-o” yidnak-nen yusu-o. Iri bem-e, nit-nen-e Mbal Pem Nagawan unu kek tak pogolar-e, Yesus Kerisut ebem-et ”Amen-o” luk yili-o.

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

EPESUS 3:6

Kura wene iri na-ge yu-o: Aid wene bem-nen it enlem nin nab-e Mbal Pem Nagawan imbiringgat mende na Yawuri nap min it totno winde yogolat, ebe misiget na inggi ijok kwat yogolat, Mbal Pem Nagawan-nen Kerisut Yesus ebem urul paga yak indidnak wene na lambuksa winde yogolat yili-o.

1 TIMOTIUS 6:19

Iri nggal kwarogolar-e, it abok wolmomtak amanggim pem-et wolmomtak silobulo kwarat it enmanggim ndok wuruwa-o. Iri kwatli iri-ge ndemeret unlug-et wolmomtak elem na wanuwa-o.

2 TIMOTIUS 1:10

Alat nde, at-nen we wok ondoso elem iri-ge Ninmiri Yoso Nap Kerisut Yesus na lobok yid iri-nen nam tak pij-o. Nde, Kerisut-nen-e wat yugwi elem na lak tak puruk, aid wene bem-nen unlug-et woralik nalik momtak elem na nam tak pij-o.

2 TIMOTIUS 1:13

An-nen ndemeret wene mul kirigi iri na-nen yidnak yidnak kwara kwarosolat wolmin-o. Nde, Kerisut Yesus imin kundik worasu me, kindi angin tubu yidnak worasolat, ap enabuwa kasolat wolmin-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

2 TIMOTIUS 2:1

Nambara wa-e. Nir-e Kerisut Yesus imin misiget yogola, we wok ondoso elem wok nundusu iri na bem kamawisa wolmin-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

2 TIMOTIUS 2:3

Kar-e Kerisut Yesus uwim tomboroso nap konak nap yosolar-e, kat na andi bandi-t kudtak ob-o.

2 TIMOTIUS 3:15

Kar-e la marik pem-net Mbal Pem Nagawan engga karu woraigen iri-ge mondok yeberak wolmin-o. Mbal Pem Nagawan engga-nen-e Kerisut Yesus ebem kindi angin tubu yusola, kimiri yuwakluk kat kindi nggat nggat worak tak purag-e ndag-o.

TITUS 1:2

Enesiget yoso buk Mbal Pem Nagawan-nen o ndak wirigit lak ma-net: ”Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.

TITUS 1:4

Kat min an min Yesus ebem ninndi angin tubu yigerik me, ndemeret nambara Titus kamanggim mbarusu-o. Nineid Mbal Pem Nagawan min Ninmiri Yoso Kerisut Yesus min-nen idnak we wok ondoso elem min yamuksa woragwi elem min-e kimin wolmag-o.

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.

1 YOANES 2:25

Nde, Kerisut at-net urul yak nondosolar-e: ”Kunlug-et pem-et woralik nalik woragub-o” luk yak nindik nar-o.