2 TESALONIKA 3:6 - Nanduk Ngget Tul Pidnak Wene

⁶ Nennggamirak wa-e. Nennggamirak perari worak nap min nit-nen kit yak kindidnak wene iri na-nen yidnak yidnak kwarugwi buk nap min it endam-nen nuruksa wolmer-o luk, nir-e Nagawan Indo Yesus Kerisut unu bem-et kiri keresa yak kindili-o.

2 TESALONIKA 3:6 ပူးပေါင်းရင်းမြစ်များ

MATIUS 18:17

Alat nde, at-nen nde it iri na enne na kuligit lak ala-ge, wene iri-ge lambuk tak inpidnak nap inmbiri bem-net yurag-o. Yukmu nde, at-nen-e lambuk tak inpidnak nap na enne na kuligit lag-et ala-ge, at iri na-ge Mbal Pem Nagawan aru buk nap nggal, pemerinta enmanggim tol ndok woroso nap nggal irit yik kagolat wolmomtag-o.

OROMA 16:17

Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

1 KORINTUS 11:2

Kir-e pempa kinndi-nen yebet yebet tak woragolat, an-nen nggomo kindidnak wene wanogolat yili bem-e an-e kit kentembel wanusu-o.

1 KORINTUS 5:4

Kir-e Nagawan Indo Yesus unu bem ndok worogola, an-e nindi min-et kinmin lambuksa ndok wurulndig-e, nit Nagawan Indo Yesus amawi bem-net

1 KORINTUS 5:9

An-e engga kenmanggim mbarigi na bem-nen yak kondosolar-e: ”Kir-e mbabi yugwi nap inmin erep kundik wolmomtak pug-o” luk yak kindigi-t nde,

2 KORINTUS 2:10

Kit-nen nde ap misik-nen meya yidnak kenmberam tak pogola-ge, an-nen na nemberam tak pimin-o. Nde, an-nen nde ap meya yidnak nemberam tak posola ge, – an-e nemberam tak purak mbi mondok worala-ge – iri-ge kit kenpem ala Kerisut inmbiri bem-et nemberam tak pimin-o.

EPESUS 4:17

Iri bem-e, an-e wene yu yak kondosolar-e, Nagawan Indo unu bem nene amawi min-et yak kundusu-o: Kir-e tuguruk Mbal Pem Nagawan enaru buk nap-nen kwarugwi mende kwatli-ge meyog-o. It inndi-n perali mende-ge ebe lak mende-net yusu-o.

KOLOSE 3:17

Yi kwatlik ndi kwatlik kwarogolat na, yi wene ndi wene yogolat na, Nagawan Indo Yesus unu bem-net iri pidsa kwarogolar-e, at ebem-nen Nineid Mbal Pem Nagawan imin-e ”Wiwa-o” luk yak togolat woragup na-e.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 TESALONIKA 4:11

”Nir-e yamuksa wolmog-o” luk kinndi-nen peragolat, kit kondomok konowene mbarogolat, kit kondomok kininggi-nen yabu wanogolat wolmer-o luk nanduk-nen na yak kindige nar-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

2 TESALONIKA 2:15

Iri bem-e, nenggamirak wa-e. Kit mondok tugup lak woragolar-e, nit-nen mirik kinpidnak wene-ge nenne bem-nen yak kindidnak wene na irit, engga bem mbal kindidnak wene na irit, puksa tena wolmer-o.

2 TESALONIKA 3:7

Nit-nen kwarugwi nggal kit-nen kwarogolat wolmomtak iri-ge kir-e kenaru-o. Nir-e kit kinmin woragolar-e, perari min-e woragit lag-o.

1 TIMOTIUS 5:21

Mbal Pem Nagawan min Kerisut Yesus min lenak inpidnak aid nap min inmbiri bem-et wene yu-ge nene amawi min-et yak kurusu-o. Mirik kubusu wene yu nak kat-nen kwarosolar-e, ap misig-e kindingen tak puruk, op tak posolat, nde, ap misig-e kisili rak puruk, meya rak posolat yurak pug-o. Are, mot mot nak kwarosolat wolmin-o.

1 TIMOTIUS 6:5

yebet kagwi mende lak yidnak nap min ndemeret wene kabak tak pidnak nap min-nen pempa kundugu neyak puk keyak puk tenak worali-o. It-nen peragolar-e, aid wene iri bem-e silobulo terak lesa wanugwi-o luk perali-o.

2 TIMOTIUS 3:5

Enaboro nak-nen aid wene wanili-t nde, aid wene amawi-ge it enarem nggurag-e insili ma-o. Iri nggal kwarugwi nab-e kombol wok indi-o.

2 TIMOTIUS 4:1

Mbal Pem Nagawan imbiri bem min unluk worali nap min wat yidnak nap min enpem wene mbaruwa nap Kerisut Yesus imbiri bem min at lobok yuwa bem-nen na, at-nen tenagaidnak wi bem-nen na, an-e wene yu mondok kiri keresa yak kurusu-o:

2 YOANES 1:10

Iri bem-e, nin nap-nen lobok yuwarik, nin wene owak yak kondogola-ge, kenma rak unpurak puk, wa na yak undurak puk na-e.