2 TESALONIKA 3:4 - Nanduk Ngget Tul Pidnak Wene

⁴ Nde, nit-nen yak kindidnak wene-ge yawo na kwatli-o, nde, abok na iri nggal-et kwarogolat wolma-o luk Nagawan Indo ebem ala, ninndi-ge kit kenpem mbung mbung tak worali-o.

2 TESALONIKA 3:4 ပူးပေါင်းရင်းမြစ်များ

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

OROMA 15:14

Nowe nowosi wa-e. Kir-e konak kwarurak nak peragolat, enaru yugwi mende pidsa kenaru yogolat, kit na kit-net nggomo wat kerak mburag-e ndak worali-o luk an-e mondok kenperasu-o.

OROMA 15:18

An-e kwiye lag-et wene yusu yu-ge, yu bem-nen yusu-o. Kerisut an narem worala-nen-e enlem nin nap iri-nen Mbal Pem Nagawan-nen yidnak yidnak kwarugwi nap makluk, nene bem-nen na, kwaroso bem-nen na,

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

1 KORINTUS 14:37

Ta-nen nde: ”An-e Mbal Pem Nagawan ene lomboksa yoso nap, Konak Indi-nen we tembet ondoso mende wanigi-o” luk perasu nab-e, an-nen mbal kundusu wene yu-ge ndemeret Nagawan Indo-nen yidnak wene-net yusu-o luk yebet kujwag-o.

1 KORINTUS 7:19

Iniye ambasap wabugwi min wabugwi buk min iri-ge ija-ge lag-o. Are, Mbal Pem Nagawan-nen ”Irit kwaru-o” yidnak iri na-t yidnak yidnak kwarurak iri perak nggulog-o.

2 KORINTUS 2:3

Iri bem-e, engga mbal kindigi iri-ge yu yosolat-nen mbarigi-o: An-e kit kendam lobok yosola-ge, an nalen tak purak nab-et nde, an nindi puru pera rak puwa-o luk-nen yigi-o. An nindi-nen yebet keneyasolar-e, an nalen kasu yu ereb-et kit na kenalen kali-o luk yebet keneyasu-o.

2 KORINTUS 2:9

Wene yu bem-nen engga iri mbal kindigi-o: yi mende ndi mende oboksa ndak ndak kwarugup, lak? luk kinndi ngarosolat-nen mbarigi-o.

2 KORINTUS 8:22

Iri bem-e, it mberen nap inmin-e nit nennggam misik ibil lobok yili-o. Nit-nen at iri indi ngal tenak woraige nggal-e, ap yongga undurak pem-e indi embem nde kaige-o. Nde, yawo-ge mondok at indi kit kenpem pidnak me, kit yongga kendeyekluk at amawi kundusu-o.

NGGALATIA 5:10

Alat nde, Nagawan Indo ebem ala kir-e an nimin kundik worali me, an-nen yebet kasu irit kit-nen na yebet kagub-o luk perasu-o. Nde, nari wari rak kunpusu nab-e, ebe-ge an naru bug-et nde, Mbal Pem Nagawan-nen-e ap iri na ebem wene mbaruwa-o.

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

1 TESALONIKA 4:10

Nde, kit-nen-e nabuwa kabuwa yugwi elem-e Makeronia woragwi nennggamirak oboksa inmin ndemeret kwatli-t nde, nennggamirak wa-e. Iri bem-e, it-nen kwatli iri-ge mondok kwara kwarogolat wolmer-o luk kenmengen mbatli-o.

2 TESALONIKA 3:12

Nit-nen iri kwatli nap enmanggim Nagawan Indo Yesus Kerisut unu bem-nen wene wosa pogolat, nggomo ondogolar-e, ir-e kondoksa woragolat-nen ondomok ininggi-nen yabu wanuruk, nunggwi mende nonggolat wolmag-o.

2 TESALONIKA 3:6

Nennggamirak wa-e. Nennggamirak perari worak nap min nit-nen kit yak kindidnak wene iri na-nen yidnak yidnak kwarugwi buk nap min it endam-nen nuruksa wolmer-o luk, nir-e Nagawan Indo Yesus Kerisut unu bem-et kiri keresa yak kindili-o.

PILEMON 1:21

An-nen nggi yak kurusu mende iri-ge mondok wog-et nurugun-o peraruk engga yu-ge mbarusu-o. Nde, kat-nen siyak terak menna-t kwarugun-o luk keberasu-o.