2 TESALONIKA 3:16 - Nanduk Ngget Tul Pidnak Wene

¹⁶ Nit lambuk tak nonposo elem Nagawan Indo at-nen-e pempa yi mende ndi mende bem-e lambuksa woragwi elem wok kondosolat wolmag-o. Nagawan Indo-ge kit pidsa kinmin wolmag-o.

2 TESALONIKA 3:16 ပူးပေါင်းရင်းမြစ်များ

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 46:7

Nagawan Indo amawi worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 72:3

Nit nunuwi nggweyak pem-e yi mende ndi mende bem-e ndak nak enalen pem woragolat, ap enlem oboksa mondok mot mot nak kwat onpogolat wolmag-o.

NDAWI ENGGA 72:7

At-nen mot mot kwaroso-ge at worala tarem-e nggok yosolat wolmag-o. Waneya worala tarem-e at-nen tenagidnak wi-ge yi mende ndi mende bem-e liring liring mborosolat wolmag-o.

YESAYA 45:7

Yaya min ndamuk min-e an-net ndak woroso-o. Imbiri lamut min inmbiringgat min-e an-net enpem poso-o. Ereba oboksa kwaroso-ge Nagawan Indo an-net yusu-o.

YESAYA 54:10

Ndobo min ndobo amun min ereba-ge lewo yuwa-t nde, an-nen kit kenabuwa kasu yu-ge pok tak pimin pug-o. Lambuksa konak wolmomtak urul pigi iri-ge mborok tak pimin pug-o” luk kit kenabuwa yoso Nagawan Indo-nen yij-o.

YESAYA 66:12

Nagawan Indo-nen yosolar-e: ”Yi mborosolat nak worasu iri na nggal yamuksa woragwi elem-e wok kindimin-o. Nde, yi nap ndi nap insilobulo-ge, yi ulusu nggal kundik kat keram waruk lobok yogolat wolma-o. Kir-e li marik kamo nunggwi iniyarak-nen yaruk unpuruk nugwi nggal, ena bem kogo wat kenperenak wolma-o.

YESAYA 8:10

”Iri nggal kwaruwog-o” luk, wene mbarer-o! Alat nde, iri-ge oboksa ebe kwat ma bug-o. Mbal Pem Nagawan-e nit ninmin worala me, kit-nen wene nggaruk tak pugub-et nde, meya ebe lak nde ma-o.

WONARIDNAK WENE 6:26

Nagawan Indo-nen kenabuwa karuk, yamuksa wolmomtak wok kunduwag-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

OROMA 1:7

Iri bem-nen an-e Mbal Pem Nagawan-nen kenabuwa worak nap at ilirak len kinpidnak nap tobok-nen yonggo kinpidnak nap kit Oroma woragwi pidsa kenmanggim engga yu mbarusu-o. Nineid Mbal Pem Nagawan min Nagawan Indo Yesus Kerisut min-nen we wok ondoso elem min yamuksa woragwi elem min kinmin wolmag-o.

OROMA 15:33

Ap lambuk tak onposo elem Mbal Pem Nagawan iri-nen-e kit oboksa kinmin wolmag-o. Amen.

OROMA 16:20

Nde, lambuk tak onposo elem Mbal Pem Nagawan-nen-e ndaget nak kit kunuwok ma Sere iri na yigisa keya buwa-o. Nenagawan Indo Yesus-nen we wok ondoso elem-e kit kinmin wolmag-o.

1 KORINTUS 14:33

Mbal Pem Nagawan-e nari wari yurak iri perasu bug-o. Are, kona yamuksa wolmomtak nak peraso-o. Nde, lambuk tak inpidnak marak nap pidsa ennggendumu-nen kwatli nggal,

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

EPESUS 6:23

Nineid Mbal Pem Nagawan min Nagawan Indo Yesus Kerisut min-nen wok ondoso lambuksa woragwi elem min ap enabuwa kagwi elem min inndi angin tubu yugwi elem min-e nennggamirak oboksa inmin wolmag-o.

1 TESALONIKA 3:11

Nineid Mbal Pem Nagawan at-nen na, Nenagawan Indo Yesus-nen na kit kendam lobok yuwok-nen tu mirik nunpuwag-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

2 TESALONIKA 3:18

Nit Nenagawan Indo Yesus Kerisut-nen we wok ondoso elem-e kit oboksa kinmin wolmag-o.

2 TIMOTIUS 4:22

Nagawan Indo-ge kat kindi imin wolmag-o. Nde, Mbal Pem Nagawan-nen we wok ondoso elem-e kit pidsa kinmin wolmag-o.

PILEMON 1:25

Nagawan Indo Yesus Kerisut-nen idnak we wok ondoso elem-e kit pidsa kinmin wolmag-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

IBERANI 7:2

Nde, Abaram-nen Melkisendek wok tosolar-e, at arengge pidsa enggep lombok wonasa sepulu sepulu rak puruk, karetkwe-nen yidnak ndok wosa Melkisendek wok tij-o. Melkisendeg-o nanduk nandug-er-e: ”Lud tak nak yoso Nagawan-o” luk yogolar-o. Nde, iri-nen ar-e o Salem iri me nagawan ala karuk, at unu misig-e: ”Ap Lambuk tak Onposo Nagawan-o” luk yogolar-o.

WENE MBENARUGWI NAP-NEN KWARIDNAK WENE 6:24

Yosoloma, Nggireyon-nen-e Nagawan Indo amanggim kan purak ondoro misik konuruk, unu yarosolar-e, ”Nagawan Indo iri-ge mondok yamuksa woragwi elem-nen yusu-o” luk yarij-o. Nde, Nagawan Indo amanggim wam wosa kan purak ondoro konid iri na-ge Abieset nap enma o siri Opera iri me worasu-o.

URUT 2:4

Nggeret mbaril mburukmu-ge, Mboas na-ge Mbetleyem nggwe-nen lobok yosolat-nen nggandum mbato mbatli ereba na wa yak ondosolar-e: ”Nagawan Indo-ge kinmin wolmag-o” yak ondosola, it-nen onggo at wa yak togolar-e: ”Nagawan Indo-ge nonmbo kimin wolmag-o” luk yiga-o.

1 SEMUEL 17:37

Nagawan Indo-nen isilepma worak singa min mberuang min emendam-nen perak nimiri yoso-o. Iri nggal-et Pilisin nap iri inggem-nen na nimiri-t yuwa-o” luk yij-o. Yosoloma, Saul-nen at yak tosolar-e: ”Iri ala-ge, wiril mbiri-o. Nagawan Indo-nen yongga kuruwag-o” luk yij-o.

1 SEMUEL 20:13

At-nen nde indi-ge kat kururak indi karug-e, kat kurak yonokluk an-net yak kirimin-o. An-nen nde iri nggal kwarigit lak ala-ge, mondok Nagawan Indo-nen nuruwag-o. Nagawan Indo-nen an neid ndegel obosolat woragid nggal-et Nagawan Indo-net kat na ndegel kubuwag-o.