2 TESALONIKA 3:1 - Nanduk Ngget Tul Pidnak Wene

¹ Nde, nenggamirak wa-e. Nit nenmanggim tepan yogolar-e, Nagawan Indo owene na-ge kit kennggendumu-nen kwat yid na nggal-et ndag-et nak wigak yosola, kek tak puwakluk, tepan yogolat wolmer-o.

2 TESALONIKA 3:1 ပူးပေါင်းရင်းမြစ်များ

NDAWI ENGGA 138:2

Kar-e tugup lak pempa nenabuwa kaso me, an nanggul-e kat kuwi ambigit ndimirik puruk, tud luk, kat kunu kek tak pusu-o. Kat-nen-e ap-nen yebet keyali iri-ge marik tak puruk, kat-nen kwat unpurak urul yak indidnak wene-ge kar-e mondok nggok tak poso-o.

MATIUS 9:38

Iri bem-e, ogore yidnak iri winde nap iri na emengen mbarogolar-e: ’Ogore yidnak iri ndagil mburuwakluk, ndagurak nap wirik inpi-o’ luk at emengen mbarer-o” luk yak indij-o.

LUKAS 10:2

Wirik onposolat-nen it yak ondosolar-e: ”Ogore yidnag-e kwarat worala-t nde, ndagurak nab-e wanarak nag-o. Iri bem-e, at umburu ndagurak nap ereb-e eyapmu wirik inpil lobok yuwakluk yabu winde Nagawan Indo na emengen mbarurag-o.

YIDNAK YIDNAK WENE 12:24

Nde, Mbal Pem Nagawan-nen yidnak wene-ge wigak yosolat, nggulok yij-o.

YIDNAK YIDNAK WENE 19:20

Iri nggal kwarogolar-e, Nagawan Indo-nen yidnak wene-ge mondok wigak yosolat, mondok amawi yij-o.

YIDNAK YIDNAK WENE 6:7

Nde, Mbal Pem Nagawan-nen yidnak wene iri-ge wigak yosolar-e, o Yerusalem-nen aid wene wanidnak nab-e misik nambek misik nambek irit kwarat yogolat, tepan omborak kwarat-nen na inndi Yesus ebem angin tubu yogolat kwariga-o.

OROMA 15:30

Nowe nowosi wa-e. Nenagawan Indo Yesus Kerisut ebem na, Konak Indi-nen enabuwa kaso elem wok nindidnak pem na, an-e kit kenmengen mbarusu-o. An totno-t an namanggim Mbal Pem Nagawan eram tepan kwara yogolat wolmog-o.

1 KORINTUS 16:9

Nit nenne eyak wurugwi nab-e kwarat worali-t nde, yu me-ge yabu nggok mondok ija wanurak tu kuwarak worasu-o.

2 KORINTUS 1:11

Kit-nen na yongga nondogolar-e, nenmanggim tepan yili-o. Nde, tepan kwarat nit nenmanggim yidnak na ndak tak posolar-e, Mbal Pem Nagawan-nen-e imbiringgat tak nonposola, nit nenpem ala, ap kwarat-nen Mbal Pem Nagawan wa yak togolat wolma-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

KOLOSE 4:3

Iri kwarogolar-e, nit-nen-e Kerisut owene kura wene aid wene iri-ge ap yak unduwok-nen Mbal Pem Nagawan-nen tu kuwara wok nunduwak-nen nit nenmanggim na tepan yogolat wolmer-o. An-e wene iri bem-nen kere kamat nibidnak worasu-o.

1 TESALONIKA 1:5

Nde, nit-nen-e aid wene kit kendam waruk lobok yige iri-ge, we nenne nak-nen yak kindigit lag-o. Are, Konak Indi amawi bem-nen na ”Yu-ge ndemeret wene-net yusu-o” luk, mondok nenaru yidnak pem-nen na yak kindige nar-o. Nde, kit kenmanggim ala, nir-e kit kennggendumu woragolat-nen yabu wanige na-ge kenaru nar-o.

1 TESALONIKA 1:8

Nagawan Indo owene-ge kit kendam-nen wigak yosolar-e, Makeronia min Akaya min nak mbirigir-e lag-o. Are, Mbal Pem Nagawan ebem kinndi angin tubu yidnak wene-ge yi wi ndi wi wigak yij-o. Iri bem-e, nit-nen wene mbi yurag-e lag-o.

1 TESALONIKA 2:1

Nenggamirak wa-e. Nir-e kit kendam lobok yige-ge we yeba-t lobok yiga-ge lag-o luk kir-e kenaru nar-o.

1 TESALONIKA 2:13

Nde, wene misik yu bem-nen na nir-e Mbal Pem Nagawan wa-o luk kundugu yak tili-o. Nir-e Mbal Pem Nagawan-nen yidnak wene-ge kit yak kindil lobok yogola-ge, kir-e wene na kuluruk wanogolar-e, ki nap-nen yidnak nggal wanigit lag-o. Are, Mbal Pem Nagawan-nen yidnak wene-o luk wanigep nar-o. Nde, wene iri-ge ndemeret Mbal Pem Nagawan-nen yidnak-nen yusu-o. Nde, Mbal Pem Nagawan-e kit kinndi angin tubu yidnak nap kenarem yabu wanusu-o.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 TESALONIKA 5:17

Tepan kundugu yogolat nak wolmer-o.

1 TESALONIKA 5:25

Nennggamirak wa-e. Nenmanggim tepan yogolat wolmer-o.

2 TIMOTIUS 2:9

An-e aid wene yoso iri bem-net andi bandi kasolat, meya kwaroso nap nggal tak nuburuk, posid kere bem kamat niwidnak worasu-t nde, Mbal Pem Nagawan-nen yidnak wene perak kamarigit lag-o.