2 TESALONIKA 2:9 - Nanduk Ngget Tul Pidnak Wene

⁹ Meya nak Kwaroso Nap lobok yuwa iri-ge Sere amawi min eyabu wanosolar-e, kwiye worak mende nin tak nan tak kwarosolat, enesiger-et nde, yenggerak purak mende min wi yurak mende min kwarosolat,

2 TESALONIKA 2:9 ပူးပေါင်းရင်းမြစ်များ

MBIRIGA WENE 7:22

Alat nde, Mesira woragwi nap kagwi buk mende kwarugwi nap-nen na enaru yidnak pem kagwi buk mende iri na nggal-et kwarogola-ge, nagawan iri na-ge indi amawi irit woragij-o. Iri kwarid iri-ge Nagawan Indo-nen yosolar-e: ”Musa min Arun min kenne-ge kuluwa bug-o” yid iri na ndak ndag-et kwarosolat kwarij-o.

MBIRIGA WENE 8:18

It Mesira nap, kagwi buk mende kwarugwi-nen na enaru yidnak mende bem nggurun kwarat tak purak pem enmawi kundiga-t nde, ebe kwat yigit lag-o. Nde, nggurun ereba na-ge nin me nan me irit woragij-o.

MBIRIGA WENE 8:7

Alat nde, o iri woragwi nap-nen na, it-nen enaru yidnak mende bem kagwi buk mende kwarogolat Mesira uwi iri me mangge kwarat tak piga-o.

MATIUS 12:22

Iri luk, ap-nen-e kugi arem nggwidnak nap erengen ngguru, ene lak yidnak nap mbi Yesus eram waruk lobok yiga-o. Waruk lobok yogolikma-ge, Yesus-nen ap iri na ki rak posola, ap iri-nen ene yosolat, erengen-nen kasolat yij-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MATIUS 4:10

Yosoloma-ge, Yesus-nen at yak tosolar-e: ”Kat Sere yu-ge mbiri-o! Mbal Pem Nagawan Engga mbarak pem-nen yosolar-e: ’Kat-nen-e Nagawan Indo Kembal Pem Nagawan nak kek tak uburuk, at arig-et nak ndegel obosolat wolmin-o’ luk yij-o” luk Yesus-nen yak tij-o. [

MARAKUS 13:22

Enesiget siget Kerisut min enesiget siget Mbal Pem Nagawan ene lomboksa yugwi nap min-e men ma-o. Nam yogolar-e, Mbal Pem Nagawan ilirak na enmberam ludtak ndak ala-ge, enmberam lujwoklug-e, wi yurak mende min kwiye worak mende min kwaruwa-o.

LUKAS 11:25

At na mbiridnaknggal-e, o iri na o liri kora mondok konidnak kaso-o.

YOANES 4:48

Yosoloma-ge, Yesus-nen at yak tosolar-e: ”Kit-nen nde kagwi buk mende min kwiye worak mende min kagit lak-nen-e kinndi-ge an nebem angin tubu yugup pug-o” luk yak tij-o.

YOANES 8:41

Kit-nen-e kineid-nen kwaroso mende irit kwatli-o” luk yak indij-o. Iri yosoloma-ge, it-nen at yak togolar-e: ”Nir-e mbabi-n nderag-e lag-o. Nit Nineij-e misiget nak, Mbal Pem Nagawan-net yusu-o” luk yiga-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

YIDNAK YIDNAK WENE 13:10

yak tosolar-e: ”Kar-e Sere ambara-nen yusu-o. Kar-e lud tak kwarugwi min wim poso-o. Kat karem-e ap onmbol pem laso yi meya ndi meya nin tak nan tak kobong tak worasu-o. Kar-e Nagawan Indo-nen ndung tak pidnak tula-ge mbisik tak pusu-ge mepme-nen kondok yugun-o?

2 KORINTUS 11:14

Iri kwatli iri bem-e wi yurak pug-o. Sere-nen na eyaya worak aid nap nggal kwat yoso-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

2 TIMOTIUS 3:8

Yanes min Yamberes min-nen Musa-nen yidnak wene eyak wiriga nggal, iri nggal-et ap iri kwarugwi na-nen ndemeret wene na eyak witli-o. Iri kwatli nap iri-ge inndi yebet kagwi na lak yidnak me, it inndi angin tubu yidnak na mborok tak pili-o.

YAKOBUS 3:15

Inndi nggat nggat elem iri nggal iri-ge aid arem-nen mbuwaidnag-e lag-o. Are, nggweyak ma mende-nen yusu-o. Konak Indi-nen idnag-e lag-o. Sere-nen idnak-nen yusu-o.

NAM PARA WENE 12:17

Iri ala karuk, waro na kwe iri na ebem isilepma kwarat puruk, kwe iri-nen wigarak erep inmin wim peyekluk mbirij-o. Nde, it iri-ge Mbal Pem Nagawan-nen yidnak yidnak nak kwarogolat, Mbal Pem Nagawan-nen yidnak wene Yesus-nen nam tak pidnak wene na wanugwi nab-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 18:23

O siri iri me-nen-e tal yaya na kujwa bug-o. Nde, kwe wok kerak mbugwi tarem sakolat inni enne na o iri me-nen-e kuluwa bug-o. O iri me woragwi toko winde-ge nggweyak ma yu-nen mondok anggu obok worak woraiga-o. Nde, o iri me woragwi kwal ombo-nen-e nggweyak ma nap enlem pidsa onmbol pem laiga-o” luk yij-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.

NAM PARA WENE 20:10

Iri rak puruk, it onmbol pem laso Sere iri na-ge emben worak kule (belerang) laso kan mare arem mbo bil nggwid iri-ge ndakngge isilepma worak min enesiget Mbal Pem Nagawan ene lomboksa yoso nap min-e nandug-et iri me mbo inpil nggwij-o. It iri andi bandi kagolar-e, lengge-nen kubu-nen pem-et woralik nalik wolma-o.

NAM PARA WENE 9:11

Sil ereba na tena unpuruk woraso nagawan iri-ge wat yugwi mbun iri tena woraso aid nap irir-o. Nde, at iri unu-ge Iberani wene bem-e ”Abandon-o”, nde, Yunani wene bem-e ”Apolion” irir-o. (Iri-ge Lak tak Onposo yogolar-o.)