2 TESALONIKA 2:2 - Nanduk Ngget Tul Pidnak Wene

² Ap-nen yogolar-e: ”Lag-o. Nagawan Indo lobok yurak Tarem irit kwat agaij-o” luk yogola na, kirimbi yogola na, ”Irit yamu-o” luk nit-nen mbaridnak engga nggal yak kondogola na, kulurug-e, kir-e ndag-et nak wendet luk, kinndi pok yurak pug-o.

2 TESALONIKA 2:2 ပူးပေါင်းရင်းမြစ်များ

YESAYA 7:2

Nde, Yewura nagawan iri na-nen kulidnggal-e, ”Siria nap san ombo-ge Isarael nap inmin lambuk yil ngguwagolat, Isarael nap enma worali-o” yogola kulurug-e, nagawan iri na min at-nen tenagidnak wi woragwi nap inmin-e kwiye kwarat yogolar-e, o wija-nen e sil kasola, lele yoso nggal yot kot mbiga-o.

MIKA 2:11

Kit-nen ennesiget yogolat, enmberam lagolat yugwi nap-nen ennesiget urul pogolar-e: ’Kir-e anggut min inndi nden kaso yi min kwarat ombo yugub-o’ luk yugwi nap ereba na kinndingen tak inpili-o” luk yij-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MARAKUS 13:7

Wim ngarogolat san ene tup min wim kirimbi min kulurug-e, wendet yurak pug-o. Iri-ge ndemeret kwat ma-t nde, worok tak purak tarem panggo yosolat-nen kwat ma-ge lag-o.

LUKAS 21:19

Kit-nen nde tugup lak mamak puruk woragup pem-e kinmiri yaga wanugub-o” luk yij-o.

LUKAS 21:9

Nde, wim obok min nari wari mbogola kulurug-e, kwiye kudtak pug-o. Worok tak purak tarem iri-ge awo worasola, iri mende-ge nandug-et kwat ma-o” luk yij-o.

YOANES 14:1

Yuruk, Yesus-nen yosolar-e: ”Kit kinndi kabak yili-ge meyog-o. Kinndi-ge Mbal Pem Nagawan ebem angin tubu yogolar-e, an nebem na kinndi angin tubu yer-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

1 KORINTUS 14:32

Mbal Pem Nagawan-nen yidnak wene lomboksa yugwi nap iri-ge it inndi-ge it-net tena woragwi-o.

1 KORINTUS 7:26

An-nen perasolar-e, yawo ya tarem-e anggun panggun worasu me, yu nggal wolmomtag-e ob-o. Ab-e worasu iri nggal-et wolmomtag-e konag-o luk perasu-o.

EPESUS 5:6

Ap-nen-e ebe lak wene iri na yak kondogolat, konmbol pem ludtag-e meya-o. Iri nggal kwarogolat woraidnak pem-e Mbal Pem Nagawan isilepma-ge at-nen yidnak wene kuruk tugwi nap enpem mbuma-o.

1 TESALONIKA 3:3

nit lel mberel ninpili yu karuk, kit misik-nen kinndi angin tubu yidnak keya buruk mburugup naru wirik ibige-o. Nde, lel mberel ninpili yu-ge, Mbal Pem Nagawan-nen ”Irit kwat unpuwag-o” luk yidnak pem kwat ninpili-o luk kir-e kenaru nar-o.

1 TESALONIKA 4:15

Wene yu yak kindili-ge, Nagawan Indo-nen yidnak wene bem-net yak kindili-o. Nagawan Indo lobok yuwa tarem nunluk wulmul nap nit nanduk mborogolat, it nanduk wat yidnak nap abok tak unpul pug-o.

1 TESALONIKA 5:2

Yariya wanoso nap-nen yariya waneyekluk kubu nggwe lobok yoso nggal, iri nggal-et Nagawan Indo lobok yurak Tarem-e wok ma-o luk kit na mondok kenaru nar-o.

2 TESALONIKA 2:15

Iri bem-e, nenggamirak wa-e. Kit mondok tugup lak woragolar-e, nit-nen mirik kinpidnak wene-ge nenne bem-nen yak kindidnak wene na irit, engga bem mbal kindidnak wene na irit, puksa tena wolmer-o.

2 TESALONIKA 3:17

Paulus an-net wa yak kundusu-o. An nondomok ninggi-nen mbarigi-o. Nde, an-nen mbara wirik pidnak engga oboksa yenggerak puwakluk an nunu-ge yu nggal mbaroso-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.