2 TESALONIKA 2:13 - Nanduk Ngget Tul Pidnak Wene

¹³ Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

2 TESALONIKA 2:13 ပူးပေါင်းရင်းမြစ်များ

NDAK WIRIDNAK WENE 1:1

Mondok mondog-e, Mbal Pem Nagawan-nen mbal min nggweyak min ndak worosolar-e,

2 SEMUEL 12:25

Nagawan Indo-nen la iri na abuwa kasoma, Nagawan Indo-nen la iri na unu yaruwakluk, Natan ebem pamu-ge, la iri na unu-ge Yerija yarij-o.

NGGOMO WENE 8:23

An-e o nanduk ereba-net kwarak nibidnak-nen yusu-o. Nanduk o yu ndak wirigit lak ma-net kwarak nebamu-o.

YESAYA 46:10

Abok-nen kwat momtak wene-ge nanduk-net yak kundukmu-o. Abok-nen kwat momtak wene-ge abuwokma nanduk-net urul pukmu-o. Iri yosolat-nen an-nen yosolar-e: ’An-nen irit kwarimin-o luk mbarigi wene-ge mondok kwar-et ma-o. Nde, an nindi-n pidnag-e mondok kwarimin-er-o’ luk yigi-o.

YEREMIA 31:3

an-e erepma-net nde, inmbiri bem nam yukmu-o. Isarael nap wa-e. O nanduk-net an-e kit kenabuwa kaso me, an-e kenabuwa kaso elem mirik konposolar-e, pem irit kenabuwa kasolat woramin-o.

NDANIEL 10:11

Iri yosoma, aid nap iri na-nen yak norosolar-e: ”Ndaniel wa-e. Kar-e Mbal Pem Nagawan-nen kabuwa-t kasu-o. Kar-e men luk yugundik, an-nen yak kirimin wene-ge kwara kuli-o. An-e Nagawan Indo-nen kat keram nibil lobok yamu-o” luk yij-o. Iri yak norosola, ereya na men yosoma-ge, nebem-e yugup tugup mbosola, irit men yigi-o.

NDANIEL 10:19

Iri yosola, at-nen yosolar-e: ”Mbal Pem Nagawan-nen-e kar-e kabuwa-t kasu-o. Kar-e kumud kalik, kwiye kalik yurak pug-o. Ndak kamawi kwat min-o” yak nirij-o. Iri na yak norosoma ereya na-net an-e namawi kwarat kwat yosolat, an-nen yosolar-e: ”Nab-o. Wene yi-o. Nap kat-nen namawi rak pigen-o” luk yak tigi-o.

NDANIEL 9:23

Kat-nen Mbal Pem Nagawan emengen mbaroso tel korosola, at-nen-e kene erep nggarij-o. At-nen kat kabuwa karuk, kat-nen nabi bem nggal kaigen ebe-ge iri nggal-o luk yak kereyekluk lobok yigi-o. Iri bem-e an-nen kat-nen nabi nggal pem kaigen iri na-ge iri nggal-o luk yak korosola-ge, kar-e kwara kuli-o.

LUKAS 1:75

kunluk woragolar-e, pempa an namanggim nak woragolat, an nindi nak alen tak pogolat yugub-o’ luk yak tij-o.

YOANES 1:1

Nanduk o yu ndak wirigit lak ma-net Wene irit woragaij-o. Wene iri na Mbal Pem Nagawan imin-et woragaij-o. Nde, Wene iri na Mbal Pem Nagawan-net yusu-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YIDNAK YIDNAK WENE 13:48

Yogolikma-ge, enlem nin nap na-nen iri wene kuluruk yigarig-e, enalen luk, Nagawan Indo-nen yidnak wene na erembel wanogolat woraiga-o. Nde, it unluk pem-et wolmag-o luk lenak inpidnak nap-nen-e wene iri bem inndi angin tubu yiga-o.

YIDNAK YIDNAK WENE 15:9

Mbal Pem Nagawan-nen-e it min nit min neneyasolar-e, arik tak nggal-e mondok lag-o. It inndi angin tubu yidnak pem-et it inndi mbek tak inpidj-o.

OROMA 6:17

Nde, nanduk kir-e meya kwarugwi elem ndegel ubugwi nap woraigeb-et nde, yawo-nen-e mul kindidnak ndemeret wene owak iri na wanogolar-e, kinndi min-et wene na wanili ala karuk, Mbal Pem Nagawan wiwa-o luk yak toso-o.

OROMA 8:33

Mbal Pem Nagawan-nen len ninpidnak nap nir-e ta-nen nonpok puwa-o? Mbal Pem Nagawan-nen lud tak nak ninpidnak me,

OROMA 9:11

Li ap ereya ndesa na mbigit lak ma, it-nen-e konak min meya min mondok kwarigit lak ma-net Mbal Pem Nagawan-nen it iniya yak tosolar-e: ”Owe-ge owot ndegel oboso nab-et ma-o” luk yak tij-o. Iri yid iri-ge yu bem-nen yij-o. Mbal Pem Nagawan-nen ap len onposolar-e, it-nen kwarugwi bem len onposo-ge lag-o, Are, Mbal Pem Nagawan at indi-n pidnak pem-et ap wene mbo unpuruk, len onposo-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

NGGALATIA 3:1

Wid inndi worak Nggalatia nap wa-e! No mende kenarem nggwij-o? Yesus Kerisut na e lang pang tak pem wat yidnak wene kinmbiri bem nam-et yak kindidnak nar-o!

EPESUS 2:8

Nde, kinndi angin tubu yogola, Mbal Pem Nagawan-nen we wok ondoso elem pem-net kinmiri yid iri-ge kit-nen kwaridnak pem kinmiri yij-e lag-o. Are, Mbal Pem Nagawan-nen we wok kindidnak pem-ner-o.

TUGURUK YIDNAK WENE 33:12

Enlem Mbenyamin nap inmbiringgat tak onposolar-e: ”It enlem yu-ge Nagawan Indo-nen indi kundik-nen yusu-o. Ar-e ennggendumu woralat, lengge-nen kubu-nen nggetlel unpuruk worasu-o” luk yij-o.

KOLOSE 1:5

Kit kenmanggim aid arem lid lud tak pidnak mende iri bem kinndi mbung mbung tak worasu-o. Nde, iri wene-ge kir-e nanduk-net ndemeret wene aid wene iri na bem-nen kuligeb-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

1 TESALONIKA 1:4

Nennggamirak wa-e. Mbal Pem Nagawan-e kit kenabuwa karuk, at arengge rak kenpeyekluk len kinpij-o luk nenaru yili-o.

1 TESALONIKA 2:12

Mbal Pem Nagawan-nen tenagaidnak wi min at unu kek tak pidnak min at totno wanobok-nen wene mbo kinpid Mbal Pem Nagawan na alen tak pobokluk-nen nit-nen-e nggomo kondogolat, keneyak marogolat, kiri keresa yak kondogolat yige-o.

1 TESALONIKA 4:7

Nir-e mbilaro ngin mende kwaruwakluk-nen Mbal Pem Nagawan-nen wene mbo ninpij-e lag-o. Are, nir-e marak nak wolmakluk-nen wene mbo ninpij-o.

1 TESALONIKA 5:9

Mbal Pem Nagawan-nen len ninpij-e, at isilepma nenpem peyekluk-nen len ninpigit lag-o. Are, Nenagawan Indo Yesus Kerisut ebem-nen ninmiri yekluk len ninpij-o.

2 TESALONIKA 1:3

Nenggamirak wa-e. Kit kenpem ala, nir-e mondok pempa Mbal Pem Nagawan wa yak tili-o. Nde, kir-e kwara kinndi angin tubu yili iri bem-nen na, kit na kit-net kwara nabuwa kabuwa yili iri bem-nen na, nir-e ob-et Mbal Pem Nagawan wa yak tili-o.

2 TESALONIKA 2:10

meya nak kwarugwi mende bem lak tak unpurak nap onmbol pem lasolat ma-o. Nde, it lak tak unpuwa iri-ge, it-nen-e it inmiri yurak ndemeret wene iri na insili rak puruk, wanigit lak yidnak pem-nen kwat unpuwa-o.

2 TESALONIKA 2:12

Iri-ge ndemeret wene bem inndi angin tubu yugwi buk nap, meya kwarugwi elem indingen tak pugwi nap oboksa enpem wene mbaruwa-o.

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

2 TIMOTIUS 2:15

Mbal Pem Nagawan-nen: ”An neyabu wanoso nap ndag-o” luk kuburujwaklug-e, kar-e ndemeret kamawi kondosolat wolmin-o. Nde iri-ge kat-nen yabu wanidnak na bem kinggiri kagun naru, ndemeret wene iri-ge mot mor-et mul ondosolat wolmin-o.

2 TIMOTIUS 3:15

Kar-e la marik pem-net Mbal Pem Nagawan engga karu woraigen iri-ge mondok yeberak wolmin-o. Mbal Pem Nagawan engga-nen-e Kerisut Yesus ebem kindi angin tubu yusola, kimiri yuwakluk kat kindi nggat nggat worak tak purag-e ndag-o.

IBERANI 1:10

Mbal Pem Nagawan-nen tuguruk yosolar-e: ”Nagawan Indo wa-e. Tel korosolat-net nggweyak yu-ge kat-net ndak worak puruk, kat kondomok kinggi-net mbal na ndak worak pigen-o.

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

1 YOANES 4:10

Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.

1 YOANES 4:19

Mbal Pem Nagawan nanduk-nen nit nenabuwa kaidnak pem, nit-nen na enabuwa kagwi-o.