2 TESALONIKA 2:10 - Nanduk Ngget Tul Pidnak Wene

¹⁰ meya nak kwarugwi mende bem lak tak unpurak nap onmbol pem lasolat ma-o. Nde, it lak tak unpuwa iri-ge, it-nen-e it inmiri yurak ndemeret wene iri na insili rak puruk, wanigit lak yidnak pem-nen kwat unpuwa-o.

2 TESALONIKA 2:10 ပူးပေါင်းရင်းမြစ်များ

NGGOMO WENE 1:7

Enaru yugwi mende enaru yurak pem-e mondok nanduk tak posolar-e, mondok tebe luk Mbal Pem Nagawan indi aye worak irit wolmomtag-o. Nde, ap wid-nen-e inndi nggat nggat elem iri na-ge nggok tak pigit lak, it mul undurak na insili yugwi-o.

NGGOMO WENE 8:17

An-nen-e an nabuwa kali nab-et enabuwa kasu-o. An nogore yili nab-e niyujwar-o.

MATIUS 13:11

Yogolikma-ge, at-nen wene erep nggarosolar-e: ”Kit perak nde Mbal Pem Nagawan-nen tenagaidnak wi kura wene iri kenaru momtak we wok ondoso mende wok kindij-et nde, ir-e wok indigit lag-o.

YOANES 3:17

Nde, Mbal Pem Nagawan-nen-e at Ambara an nggweyak ma nibil mbuwagaij-e ki nap pidsa lak tak unpurak pem enpem wene mbaruwakluk nibil mbuwagit lag-o. Are, ki nap pidsa inmiri yaga wok unduwakluk nibil mbuwagaij-o.

YOANES 5:34

Nde, kit nap-nen an nowene kunggururak iri-ge an-e nimbir-o. Are, kit kinmiri yaga wanobokluk-nen wene yu-ge yusu-o.

OROMA 10:1

Nowe nowosi wa-e. An nindi mbung mbung tak lombog-e an nelem nap inmiri yuwakluk, an-e kiri keresa it enmanggim Mbal Pem Nagawan emengen mbaroso-o.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

OROMA 6:17

Nde, nanduk kir-e meya kwarugwi elem ndegel ubugwi nap woraigeb-et nde, yawo-nen-e mul kindidnak ndemeret wene owak iri na wanogolar-e, kinndi min-et wene na wanili ala karuk, Mbal Pem Nagawan wiwa-o luk yak toso-o.

1 KORINTUS 1:18

Kerisut e lang pang tak pem wiridnak wene na-ge it lak momtak tula mbitli nap-nen-e wid-nen yugwi wene nggal tak pili-t nde, nit ninmiri yurak tula mbitli nap-nen-e wene iri-ge Mbal Pem Nagawan amawi kwat yusu-o.

1 KORINTUS 16:22

Nagawan Indo abuwa kaso buk nap perak nde, imbiri lamut mag-o! Maranata! yogolar-e: ”Nenagawan Indo wa-e. Lobok yi-o!”

2 KORINTUS 11:13

Iri kwatli nap iri-ge ennesiget wirik inpidnak nap nggal kwatluk, yabu enesiget siget wanogolar-e, Kerisut-nen wirik inpidnak nap nggal luk kwatli-o.

2 KORINTUS 11:15

Iri bem-e, Ser ndegel ubugwi nab-e lud tak nak kwaroso ndegel ubugwi nap nggal kwat yogola, wi yurak pug-o. Nde, woroksiyem-nen-e it-nen kwaruwa iri na onggo ndak ndag-et wanuwa-o.

2 KORINTUS 2:15

Kerisut-nen idnak emben konak mende Mbal Pem Nagawan amanggim pidnag-e nit-nen yili me, emben iri-ge inmiri yurak nap min lak momtak nap min ennggendumu mburusu-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

1 TESALONIKA 2:16

Inmiri yurak wene-ge nit-nen enlem nin nap yak unduwa naru, it Yawuri nap-nen larok tak nunpuwokluk yiga-o. Iri nggal kwarogolar-e, it meya yidnag-e mondok kwarat ligik piga-o. Nde, yawo-ge Mbal Pem Nagawan isilepma-ge it enpem mondok pil mbuwasu-o.

2 TESALONIKA 2:12

Iri-ge ndemeret wene bem inndi angin tubu yugwi buk nap, meya kwarugwi elem indingen tak pugwi nap oboksa enpem wene mbaruwa-o.

2 TESALONIKA 2:13

Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

1 TIMOTIUS 2:4

Ap pidsa inmiri yosolat, lud tak nak kwarugwi elem iri na enaru yogolat yurag-e Mbal Pem Nagawan indi-nen perasu-o.

IBERANI 3:13

Are, kit kennggendumu ap misiger-o luk tet meya yugwi elem-nen konmbol pem lasola, keneyanggo lak yugup naru kit na kit-nen pempa kinndi eyak wat kerak mbogolat woragolar-e, ”Yanem-er-o” luk unu yaridnak tarem worala ya-t iri nggal kwat tenak wolmer-o.

2 PETERUS 2:12

Alat nde, it iri na-ge indi lak wam nggal-et kwatli-o. It ap iri-ge tenaguruk, wururak pem nak ndesa mbidnak anggam naso ndakngge nggal-nen yili-o. Ir-e kwara inndi yebet kagit lag-et nggweyel inpili-o. Nde, anggam naso ndakngge wurugwi nggal, it ondomok-nen kwarugwi iri-net it lak tak unpuwa-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.