2 TESALONIKA 1:9 - Nanduk Ngget Tul Pidnak Wene

⁹ Iri kwarugwi nap onggo wok ondosolar-e, Nagawan Indo eram-nen abu abu-t mbo unpuwama, woralik nalik woragolar-e, at-nen kek tak woraso amawi eram-nen ir-e nuruk tak irit wolma-o.

2 TESALONIKA 1:9 ပူးပေါင်းရင်းမြစ်များ

NDAK WIRIDNAK WENE 3:8

Nuruk worakmu-ge, keyama nggwe-ge Nagawan Indo Mbal Pem Nagawan-e yapmu iri na me onkore yil nosolat ene kuliga-o. Kuluruk yigarig-e, iniyujwa naru e ereba na ndumu kurak yil mbiriga-t nde,

NDAK WIRIDNAK WENE 4:16

Wirik obosola-ge, Kain na-ge Nagawan Indo eram-nen mberarik, Eren nggweyak pem-nen mo luwaso ambigit o unu-ge Waring Tenak Nak Woragwi sa iri me woragij-o.

NDAWI ENGGA 16:11

Kat-nen unluk woragwi sa tula mirik nubugun-o. Kat nak-nen enalen elem kobong tak nobosolat, pem-et enalen pem woragwi elem wok nurusu-o.

NDAWI ENGGA 51:11

Kat keram-nen an-e mbo nuburak pug-o. Kat kindi marak iri na-ge an narem-nen waburak pug-o.

YESAYA 1:28

Alat nde, meya yugwi nap at imin eyak wat tenak worali nab-e at-nen unduwa-o. Nde, at keya ibili nap oboksa-ge mondok lak tak unpuwa-o.

YESAYA 33:14

Nde, meya yugwi nap Sion woragwi nap-nen kwiye-nen lele yogolat-nen yogolar-e: ”Mbal Pem Nagawan-nen nggaruksa mbaroso wene-ge kan amare pempa lasolat nak woraso iri na nggal-nen yusu-o. Nde, nit nennggendumu-nen-e lak tak poso kanduk iri arem-et lembe luk wolmomtag-e ndag-er-a?” luk yili-o.

YESAYA 66:24

”Nde, it mburukmu-ge, ap an nimin eyak wat tenak woragwi-ge worak iniyujwa-o. Ubugwe it nok unpuwa ereba na-ge mondok war-e ma bug-o. It kan unpuwa kandug-e mondok nigi yuwa bug-o. Ap oboksa-nen iri yik kagolar-e, mondok kwiye-nen unmunggum linggi yogolat wolma-o” luk yij-o.

NDANIEL 12:2

Nde, wat yidnak nap ennggendumu-nen ap kwarar-e tuguruk unluk ma-o. Nde, it ereb-e pem-et unluk woralik nalik irit wolma-o. Nde, ereb-e teberak enlengenma nggal tak irit onpogolat, kwiye-nen enaboro lera mboso mende arem irit pem-et woralik nalik irit wolma-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 22:13

Iri ala-ge, nagawan na-nen ndegel ubugwi nap yak ondosolar-e: ’At yu-ge inggi ijok kere kamarak puruk ndamuk nak woraso sa iri me mbo bil nggwer-o. Iri me-ge yip nggu marogolat, eneyak nggirit marogolat woragwi sa-o’ luk yak indij-o.

MATIUS 24:30

Iri rak puruk, mbal pem-nen Ap Ambara lobok yusu-o. Yenggerak purak mende iri-ge nam ma-o. Iri ala-ge, nggweyak ma woragwi nap enlem pidsa-ge yip togolat-nen yik kujwa nggal-e, Ap Ambara-ge mbal pem woraso nggan nggan pem amawi min abinal kwarat min lobok yosola, yik kujwa-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 25:46

Iri ala-ge, it iri na-ge pempa andi bandi kagolat woragwi sa inpil ngguwa-o. Nde, lud tak nak kwarugwi nap na-ge pempa unlug-et woragwi sa iri me ngguwa-o” luk yij-o.

MATIUS 26:24

Ap Ambara na wat yosolar-e, Mbal Pem Nagawan engga mbarak pem-nen ’Iri nggal kwasa wat ma-o’ luk yidnak na ndak ndak irit wat ma-t nde, Ap Ambara wesel ubuwa nap iri-ge abuwa-o! Ap iri-ge ndakit lak yelep nggal-e mondok konag-o!” luk yij-o.

MATIUS 7:23

Iri yogola-ge, an-nen nam-et it yak ondosolar-e: ’Kir-e an naru bug-o. Kit meya nak kwat tenak woragwi nap wa-e. An neram-nen mberer-o’ ” luk yak indi-min-o.

LUKAS 13:27

Yogola-ge, at-nen tuguruk yak kondosolar-e: ’Kir-e ngge me-nen lobok yigeb-o? An naru bug-o. Meya nak kwarugwi nap kir-e an neram yu me-nen mberer-o!’ luk yak kunduwa-o.

YOANES 5:14

Misik tarem-e Yesus na-ge Mbal Pem Nagawan ama-nen ap iri na karuk, at yak tosolar-e: ”Yawo kar-e ki yigenma-o. Nanduk kebem mbid iri-ge te nggal-et nde, terak mena kebem mbuma naru, meya mbi kwarurak puk na-e” luk yak tij-o.

TUGURUK YIDNAK WENE 33:2

”Nagawan Indo-ge Sinai ndobo bem-nen lobok yosolat, mo nggal o Erom ebem yemberak pij-o. At ilirag-e ndobo Paran pem-nen yaya rak inpij-o. At imin-e aid nab-e sepulu ribu (10.000) lobok yiga-o. Nde, inggi kigit ambigir-e kan amare yosolat woragij-o.

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

1 TESALONIKA 5:3

Nde, ap-nen yogolar-e: ”Lag-o. Pidsa yamuksa konak nak worali-o” luk yogola, ereya na-net it lak tak unpurak mende-ge mimo enpem mbuma-o. Kwami enabila-nen li ndaguwokluk, mimo yane witli nggal, iri nggal-et it enpem mbuwasolar-e, it na mengga mburuwa bug-o.

2 TESALONIKA 2:8

iri tarem-e Meya nak Kwaroso Nap iri na nam yosola-ge, Nagawan Indo Yesus-nen at emende pu-nen at mondok worosolat, at lobok yosolat abinal-nen at iri lak tak puwa-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

2 PETERUS 2:17

Nde, it enesiget siget mul undugwi nab-e yi ulusu eberek yidnak nggal, wijakni-nen nggan nggan puk kaso nggal-nen yili-o. It enmanggim-e Mbal Pem Nagawan-nen mondok ndamuk nak woraso sa lid lud tak pidnak worasu-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.

YURAS 1:13

It iri-ge yi koma nggulok-nen yi nggweyerep nggwayarep lobok yosolar-e, yi eragup nam tak poso nggal, it ondomok innggiri kagwi mende nam tak pili-o. It iri-ge kasa waring kaso wonaru nggal-nen yili-o. Nde, Mbal Pem Nagawan-nen it onndoro-ge pem-et mondok ndamuk nak woraso sa iri me it enmanggim lid lud tak pidnak worasu-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.

NAM PARA WENE 20:14

Iri luk, wat yugwi elem min wat luk ndok wiril mbugwi sa min-e kan mare arem mbo bil nggwij-o. (Nde, kan mare arem iri-ge mberen pem tak posolat wat yugwi elem-nen yusu-o.)

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.