2 TESALONIKA 1:7 - Nanduk Ngget Tul Pidnak Wene

⁷ Iri kwarosolar-e, kit yawo andi bandi kali nap na, nit na, nenmanggim-e Nagawan Indo Yesus na-ge at-nen idnak aid nap amawi worak inmin luk aid arem-nen nam ma tarem-e Mbal Pem Nagawan-nen-e yamuksa woragwi elem wok nunduwa-o.

2 TESALONIKA 1:7 ပူးပေါင်းရင်းမြစ်များ

MBIRIGA WENE 19:18

Nagawan Indo-ge kanduk arem ndobo iri na bem mbuwaidnak me, Sinai Ndobo iri na-ge kule-nen nak muruk tak pij-o. Nde, kule-ge tirik kule nggal ndugunuruk lasolat, ndobo na-ge lele yosolat kwiye worak irit kwarij-o.

MBIRIGA WENE 3:2

Nde, iri na me wok yosoma-ge, Nagawan Indo-nen yidnak aid nab-e e sujwe ereba na enggendumu kan mare pagosola-ge, kan mare iri na arem-nen-e aid nab-e kenangga at imbiri bem nam yij-o. Nde, Musa-nen-e e suwje ereba na-ge pagosola kagij-et nde, kan-e ninggit lak kagij-o.

YESAYA 66:15

Nde, Nagawan Indo-ge ndemeret at isilepma-ge kanduk min wijakni min nggal irit lobok yosolar-e, at-nen isilepma enpem pidnak nap enpem nggilarak posolat, mondok amawi min enpem mbud ma-o.

YESKIEL 1:13

Nde, urugup worak ereya na ennggendumu-ge misik mende mbi yik kasolar-e, kan ngen kere rak nggal tal amare nggal mbi ndong yigit lak, muma nggal kwat tenak woragij-o. Kanduk iri na tinggi ringgi mbarosolar-e, tinggi ringgi ereba na arem-nen-e o binel yebek mbebek tenak worala kagi-o.

NDANIEL 7:9

Nde, an mondok yik kaginggal-e ap kek tak-nen koreyak woragwi ondoro siyak pogola yik kagi-o. Pogola-ge, pem-et uruk nak woraso iri na-ge ap kek tak-nen koreyak woragwi ereya na misik pem kore yosola, kagi-o. Nde, at iri usum min anggulsu min-e mondok loro yeben mbin nggal irit kagi-o. Nde, at koreyak woraso iri na min koreyak woraso ijok wukoma ijok nggal iri na min-e kanduk nggal kere yosolat, amare yirip wirip mbosola kagi-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 16:28

An-e ndemeret yak kendeyeg-o: Yu me worali nap ereb-e Ap Ambara na at-nen tenagaidnak wi imin lobok yosola kagit lak ma-ge wat ma bug-o” luk yij-o.

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 26:64

Yesus-nen wene erep nggarosolar-e: ”Wene iri-ge kat-nen yigen-o. Alat nde, an-nen yak kendeyeg-o: Yawo tarem-nen-e Ap Ambara na-ge Mondok Amawi Worak Nap inggi kigit nggwe koreyak-nen aid arem-nen nggan nggan arem lobok yosola, kagub-o” luk yij-o.

MARAKUS 14:62

Yosoloma-ge, Yesus-nen yosolar-e: ”An-e Kerisut-net yusu-o. Nde, Ap Ambara iri-ge Mondok Amawi worak Nap inggi kigit nggwe koreyak worala, kagub-o. Mbal pem-nen nggan nggan arem lobok yosola, kagub-o” luk yij-o.

MARAKUS 8:38

Yawo Mbal Pem Nagawan keya buruk, meya nak kwatli tarem-nen an min an-nen mul ondoso wene min para yurak ininggiri pasiyem tak puwa nab-e, abok Ap Ambara an-e Neid abinal min lenak inpidnak aid nap inmin lobok yosolar-e, iri yuwa nap na it onpok para yurak na an-nen ninggiri pasiyem tak pimin-o” luk yij-o.

LUKAS 16:25

Alat nde, Abaram-nen yosolar-e: ’Nambara wa-e. Kindi yebet ki-o. Kar-e kuruk woralar-e, konak mende nak wanosolat woraigen-o. Nde, Lasarus-e meya mende nak wanosolat woragaij-et nde, yawo-ge ar-e yu me alen pem worasu-o. Nde, kar-e andi bandi kasu-o.

LUKAS 17:30

Ap Ambara an lobok yimin tarem-e iri nggal-et kwat ma-o.

YOANES 1:3

Mbal Pem Nagawan-nen at ebem-net yi mende ndi mende oboksa ndak worak pij-o. Nde, at lak nggal-nen-e ndak worak pidnak mende yeba-ge misiger-o luk tet ndak worak pelep pug-o.

YOANES 1:51

Iri luk, Yesus-nen at yak tosolar-e: ”An-e ndemeret yak kurusu-o. Aid arem tu kuwak yosola, Mbal Pem Nagawan-nen idnak aid nab-e Ap Ambara an nebem lagolat, mbuwagolat yogola kagun-o” luk yij-o.

YIDNAK YIDNAK WENE 1:11

it yak ondogolar-e: ”Nggalilea nap wa-e. Kir-e noluk mendak-nen mbal nggwe lik karok worali-o? Kit kendam-nen keya kunpuruk lek karuk aid arem lagaid Yesus yu-ge aid arem lasola kaigep iri na nggal-et kwasa mbuma-o” luk yak indiga-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

OROMA 8:17

Nde, nir-e at ilirak nde ala-ge, Mbal Pem Nagawan-nen at ilirak tembesa wok undurak lid lud tak pidnak mende iri-ge nit na winde mul-o. Nde, Mbal Pem Nagawan-nen Kerisut wok turak lid lud tak pidnak mende na nit na at totno winde mul-o. Nde, Kerisut yane worosola, at totno yane wurul nde ala-ge, at unu kek tak posolar-e, nit na irit totno nunnu kek tak puwa-o.

1 KORINTUS 3:13

o enarik tak wiridnak iri-ge Kerisut-nen idnak Tarem-net nam tak posola, kujwa-o. Iri Tarem-e kanduk pem-nen tel korosolar-e, kanduk iri-nen ap-nen enarik tak o wiridnak mende iri-ge nam tak posolat, lombonosolat ma-o.

2 KORINTUS 4:17

Nde, yawo luru nenpem mbusu andi bandi mende te iri-nen-e woralik nalik momtak kek tak mende terak minik irit kwarak nunpusu-o.

EPESUS 1:2

Nineid Mbal Pem Nagawan min Nagawan Indo Yesus Kerisut min-nen we wok ondoso elem min lambuksa woragwi elem min-e kenpem mbuwag-o.

KOLOSE 1:16

At ebem-nen Mbal Pem Nagawan-nen ndak worak posolar-e, mbal pem mende oboksa min nggweyak ma mende oboksa min kagwi mende min kagwi buk mende min nggweyak ma tenagaidnak wi nde pemerinta nde nagawan nagawan nde amawi worak ese mendak inpidnak nde oboksa ndak worak pij-o. Mbal Pem Nagawan-nen yi mende ndi mende oboksa ndak worak posolar-e, Kerisut ebem-nen at amanggim ndak worak pij-o.

1 TESALONIKA 3:13

Nde, at-nen kit kinndi amawi rak posola-ge, nit Nenagawan Indo Yesus na at winde nap oboksa inmin luk lobok yuwa tarem-e kir-e Nineid Mbal Pem Nagawan imbiri bem-e kenpem kop kap lak, mondok marak nab-et worabog-o.

2 TIMOTIUS 2:12

Nde, nir-e neneyak linggirik nde wulmulndig-e, at imin nagawan wulmul-o. Nde, nit-nen nde at imin-e ’Naru bug-o’ luk yogola-ge, at-nen na nit ninmin-e ’Naru bug-er-o’ luk yuwa-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

IBERANI 10:27

Are, Mbal Pem Nagawan imin wim pugwi nap enabuwog-e misiget nak worasu-o. Nde, iri-ge, enpem wene mbatluk, kan amare kwiye worak-nen nok unpuwa-o.

IBERANI 12:29

Nde, nit Nenmbal Pem Nagawan iri-ge lak tak poso kanduk-nen yusu-o.

IBERANI 4:1

Iri bem-e nir-e Mbal Pem Nagawan indisep kwaroso sa nggurak obok yak nindid na-ge worasotla me, kit kennggendumu-nen ap mbi-ge iri me nggwigit lak ma-o luk kwara wolmog-o.

IBERANI 4:11

Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.

IBERANI 4:9

Iri bem-e, Mbal Pem Nagawan-nen tuju bem tak posolat ababok kwarid iri nggal Mbal Pem Nagawan ilirak enmanggim enpabok kwarurak tarem-e worasur-o.

IBERANI 9:28

Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.

YURAS 1:7

Nde, o Sorom min Nggomora min inggi inggi woragwi o siri erep min yebet yebet tak wolmer-o. Aid nap-nen kwariga nggal, o iri me nap-nen-e mbabi kwarogolat, kwarugwi buk mende mondok meya na kwarigarik pem-e, lak momtak puk kanduk iri-nen nok inpid iri-ge ap pidsa inndi wanuwakluk kwat enpamu-o.

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.

NAM PARA WENE 14:10

iri yidnak nap-nen-e Mbal Pem Nagawan-nen idnak anggut engen amburu iri nujwa-o! Anggut engen amburu iri-ge Mbal Pem Nagawan isilepma na-ge mariget tet nin tak pigit lak iniksa-t idmbe arem woranggasa pil nggwidnak iri na nujwa-o! Nde, it iri na oboksa-ge andi bandi rak onposolar-e, lenak inpidnak aid nap min Lomba Wam Marik min enlengen pem-et kanduk min kule emben meya (belerang) min-nen andi bandi rak onposolat wolma-o.

NAM PARA WENE 14:13

Iri luk, an kuliginggal-e, aid arem-nen ene misik-nen yosolar-e: ”Wene yu engga bem mbari-o. Yawo kuri-net Nagawan Indo eyabu wanukmu wat yuwa nab-e enalen kujwag-o!” luk yij-o. Nde, Konak Indi-nen yosolar-e: ”Ndemerer-o. It-nen yabu wanidnak ebe-ge pempa it inmin wolma me, it eneyabu anggun panggun wanugwi na keya buruk, enpabok kwaruwa-o” luk yij-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.

NAM PARA WENE 21:4

At-nen-e it iniyip lengen oboksa ndogwarak puwa-o. Wat yugwi elem na lag-et ma-o. Nde, indi puru yugwi min yip tugwi min andi kagwi min mondok lag-et ma-o. Nanduk-nen woraso oboksa lak yij-o” luk yij-o.

NAM PARA WENE 22:16

”Yesus an-nen-e kit lambuk tak kinpidnak nap kenmanggim wene yeba yak kunduwakluk an-nen idnak aid nap ibil lobok yigi-o. An-e Ndaud-nen lolo-nen wigarak-nen yusu-o. An-e o nda nda wonaru yaya worak-nen yusu-o.”

NAM PARA WENE 22:6

Iri luk, aid nap iri-nen an yak norosolar-e: ”Wene yeba-ge ndemerer-o luk, inndi angin tubu yurak wene-nen yusu-o. Nde, Nagawan Indo Mbal Pem Nagawan-nen at Indi-ge at ene lomboksa yugwi nap wok unduruk, mondok yanem-et kwat ma ereba na at ndegel ubugwi nap mirik unpuwaklug-e, at-net at-nen idnak aid nab-e endam pil lobok yij-o” luk yak nirij-o.

NAM PARA WENE 22:9

at-nen an yak norosolar-e: ”Kar-e an nerembel wanurak pug-o. Mbal Pem Nagawan nak erembel wani-o. An na at ndegel oboso nap kat min kanggamirak Mbal Pem Nagawan ene lomboksa yugwi nap ereba min engga yu arem mbarak worasu wene ereba kwara wonatluk yidnak yidnak kwatli nap oboksa min ndak ndak at ndegel oboso nap-net yusu-o” luk yak nirij-o.

NAM PARA WENE 6:11

It enambiktak wok ondosolar-e, sum loro wok indij-o. Wok unduruk, it yak ondosolar-e: ”Kit kindiga nggal kit kenggamirak yabu misiget erep wanugwi nap unduwakluk enmemet kir-e siyag-et kenpabok kwarogolat wolmer-o” luk yak indij-o.