2 TESALONIKA 1:4 - Nanduk Ngget Tul Pidnak Wene

⁴ Kit iri nggal kwarogola me, Mbal Pem Nagawan-nen idnak lambuk tak inpidnak nap oboksa ennggendumu-nen nir-e kentembel wanili-o. Angin worak mende nin tak nan tak kenpem mbosola na, andi bandi mende kagolat na, kir-e kinndi angin tubu luk, mamak puruk worali me, nir-e kentembel wanili-o.

2 TESALONIKA 1:4 ပူးပေါင်းရင်းမြစ်များ

OROMA 12:12

Kenalin kenalen pem-et kinndi-ge at ebem mbung mbung tak wolmer-o. Anggun panggun kenpem mbosola-t nde, kinndi luruk puruk, tepan nak kundugu yogolat wolmer-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

OROMA 8:25

Alat nde, nenlengen-nen kagit lak mende bem ninndi mbung mbung tak woragolar-e, ninndi luruk puruk, yik karok woragwi-o.

1 KORINTUS 7:17

Ap pidsa-ge Nagawan Indo-nen it wolmomtak wok indidnak iri na bem-et woragolat, Mbal Pem Nagawan-nen wene mbo inpidnak iri na bem-et woragolat mag-o. ”Irit kwasa wolmer-o” luk an-nen-e lambuk tak inpidnak nap oboksa yak undusu-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

2 KORINTUS 7:14

An-nen Titus imbiri bem kit kentembel kwarat wanigirik me, kit-nen an ninggiri rak pigit lak yigeb-o. Nir-e pempa ndemeret wene nak yak kondogolat woraige-o. Iri nggal, nit-nen Titus imbiri bem kentembel wanige wene na lud tag-et yij-o.

2 KORINTUS 7:4

An-e kit kinmin-e wene nam-et nak yoso-o. An-e kit kenpem-nen na nindi kek tak poso me, anggun worak mende kwarat nenpem mbidnak worasu-t nde, an nindi mondok yanggonak woralar-e, nalin nalen kwarat worasu-o.

2 KORINTUS 9:2

It yongga undurak pem kit kenalen yili iri-ge naru me, an-e Makeronia nap inmbiri bem kit kentembel wanosolar-e: ”Akaya nap iri-ge olengen nanduk woraige bem-net yongga undurak lid lud tak puruk woraiga-o” luk yak ondosolakmu-ge, kit kenmawi kwindigep iri na karuk, ap kwarat inndi te rak pigeb-o.

2 KORINTUS 9:4

Kit lid lud tak pigit lak worakmu-ge, Makeronia nap nde an nimin lobok yelep nggal-e, nir-e kit kentembel kwarat wanugwi me, nit ninnggiri kwarat kagolat, kit na kinnggiri kagolat yeleb-o.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

1 TESALONIKA 2:14

Nanggamirak wa-e. Mbal Pem Nagawan-nen idnak lambuk tak inpidnak nap, Kerisut Yesus arengge Yurea woragwi nap iri na kwat inpiga nggal, kit na iri nggal-et kwat kinpiga-o. It enlem Yawuri nap-nen it andi bandi rak inpiga nggal, kit na kenma nap-net iri nggal-et andi bandi rak kinpiga-o.

1 TESALONIKA 2:19

Nde, nit ninndi ebem mbung mbung tak woragwi-ge tarag-o? Nit nenalen eneyagwi-ge tarag-o? Nit Nagawan Indo Yesus lobok yosola tarem-nen at imbiri bem nit nunnu kek tak purak wirik iri-ge tarag-o? Iri-ge kir-er-o.

2 TESALONIKA 3:5

Nagawan Indo-nen kit kinndi ndemel konposolar-e, Mbal Pem Nagawan abuwa kagolat, Kerisut-nen mamak poso nggal mamak pugwi nap tak kunpuwag-o.

IBERANI 10:36

Mbal Pem Nagawan indi-n pidnak kwarobok-nen kir-e mondok mamak puruk wolmer-o. Nde, iri kwarugup pem-e Mbal Pem Nagawan-nen urul pidnak mende na-ge wanugub-o.

IBERANI 6:12

Nde, kir-e kenperari yurak iri-ge ninsili-o. Are, it inndi angin tubu luk, Mbal Pem Nagawan-nen urul pidnak na wanul-er-o luk mamak puruk towarak worali nap iri nggal woragup iri-ge nindingen-o.

IBERANI 6:15

Nde, Abaram na-ge indi luruk puruk towarak woragaid pem-e Mbal Pem Nagawan-nen urul paga yak tidnak na-ge mondok wanid nar-o.

YAKOBUS 5:11

Ir-e mamak puruk woraidnak me, ir-e imbiringgat-nen yili-o luk nir-e yugwi-o. Ayub-nen mamak puruk woragaij-e kir-e kulugwi nar-o. Nagawan Indo iri-ge mondok enabuwa kaso, indi konak me, abok nggwe-ge Ayup na imbiringgat tak pid iri-ge kenaru nar-o.

2 PETERUS 1:6

Nde, enaru yugwi mende min lombok tak pogolar-e, kondomok-nen kinndi tena woragwi na lambuksa waner-o. Nde, kondomok-nen kinndi tena woragwi na min lombok tak pogolar-e, kinndi tugup lak woragwi na lambuksa waner-o. Nde, kinndi tugup lak woragwi na min lombok tak pogolar-e, Mbal Pem Nagawan-nen kwaroso nggal kwarugwi irit lambuksa waner-o.

NAM PARA WENE 14:12

Wene yu bem-e Mbal Pem Nagawan ilirak at-nen yidnak yidnak nak kwarogolat, Yesus ebem inndi puksa-t angin tubu yogolat yugwi nab-e mondok tugup lak wolmomtag-o.