2 SEMUEL 9:7 - Nanduk Ngget Tul Pidnak Wene

⁷ Yosoloma, Ndaut-nen yosolar-e: ”Kar-e kwiye kasu-ge meyog-o. Kat keid Yonatan iri na ebem-nen ndowaga an-nen-e kabuwa-t kasu-o. Nde, kombo Saul onggweyag-e oboksa tuguruk kat wok kirimin-o. Nde, kar-e pempa nunggwi mende-ge an woraso sa-nen totno nok tenak wulmul-o” yak tij-o.

2 SEMUEL 9:7 ပူးပေါင်းရင်းမြစ်များ

NDAK WIRIDNAK WENE 43:18

Nde, it yeba na wok unpuruk Yusup ama inmin nggosola-ge, kwiye kagolat-nen yebet kagolar-e: ”Nit yu me ninmin nggwili yu-ge nanduk lobok yigerik, mborogolat uang nunsum arem yarak kaige ereba na bem tena nonpogolat, nonowam kelerai wam min wanogolat, nit nenpe-ge it ndegel unpugwi nap kwarak nunpuwokluk-nen yili-o” luk peragolar-e,

NDAK WIRIDNAK WENE 43:23

Yak togolikma, Yusup ndegel oboso nap iri na-nen yosolar-e: ”Kir-e kunmud kagolat kwiye yili-ge meyog-o. Kit Kenmbal Pem Nagawan iri-ge kineid-nen erembel wanoso Kenmbal Pem Nagawan iri na-nen uang ereba-ge kunsum mu yarak pij-o. Nde, kit-nen mbato onggo pigep tol-e an-e abu wanukmu-o” yak indij-o. Iri lug-e Simeon na-ge it endam pil lobok yij-o.

2 SEMUEL 12:8

Saul-nen tena woraso wi min ogwela min-e an-nen kat wok kurukmu-o. Iri-nen an-net kar-e Isarael nap min Yewura nap min enanggul pem nagawan tak kubukmu-o. Nde, ereba nde te nggal ala-ge, mondok ereba nggal nag-et mberen pem nambena wok ketleb-o.

2 SEMUEL 19:28

Nde, an neid owe owot oboksa-ge kat-nen mondok pendega lak tak nunpurag-e ndag-et nde, an-e kat-nen ’An nimin nunggwi mende-ge norag-o’ yigenma, kat woraso sa iri me-nen naso me, an-nen tebesa yi mende ndi mende kebem nggi yurag-e kwiye-o” luk yij-o.

2 SEMUEL 19:29

Yosoloma, Nagawan Ndaut-nen onggo yosolar-e: ”Kat-nen tuguruk wene yilik ndilik yurak pug-o. Saul arengge yi mende ndi mende-ge an-nen kat min Siba min wok kindimin-o luk abu mbarak pigi iri nar-o” luk yak tij-o.

2 SEMUEL 19:33

Iri yidnak me, Nagawan Ndaut-nen at yak tosolar-e: ”Kar-e an nimin Yerusalem mburul-o. Kat-nen ukwe yugun mende-ge kamanggim lid lud tak pimin-o” luk yak tij-o.

2 SEMUEL 9:1

Nde, misik tarem-e Ndaut-nen kin wanosolar-e: ”Ap Saul-nen ndagidnak mbi worali, lak? Woragola-ge, Yonatan-nen ndowaga an-e ir-e konag-et kwat inpimin-o” luk yij-o.

2 SEMUEL 9:10

Iri ala-ge, kat kilirak min kat yongga kurugwi nap min-nen-e nggweyak tuguruk wok tusu iri me yabu wanuruk, ebe mbatlug-e, konggo bidnak nap Saul ilirak-nen ukwe lak, ndak wolmakluk wok ondosolat wolmomtag-o. Alat nde, Mebiboset iri-ge nunggwi mende-ge pempa an woraso sa-nen nasolat wolma-o” yak tij-o. (Nde Siba iri na-ge ambararak enpe-ge lima belas, nde, yongga wurugwi nap enpe-ge dua pulu (20) irit woraiga-o.)

2 SEMUEL 9:11

Yosoloma, Siba-nen onggo yosolar-e: ”Nagawan kat-nen nebem piger ereba-ge oboksa kwarimin-er-o” luk yak tij-o. Nde, Mebiboset iri na-ge Nagawan Ndaut ambik ambara nggal nunggwi mende-ge Ndaut imin ondoro misik me nasolat woragij-o.

2 SEMUEL 9:13

Iri nggal kwasa Mebiboset owak mberensa wat yidnak iri na-ge Yerusalem woralar-e, pempa nunggwi mende-ge nagawan woraso sa-nen nasolat woragij-o.

2 SEMUEL 9:3

Iri luk Ndaut-nen kin wok obosolar-e: ”Saul ilirak mbi worali, lak? Woragola-ge, an-nen Mbal Pem Nagawan imin urul posolat ’Konag-et kwat inpimin-o’ luk urul pigi ndak ndag-et konag-et kwat inpimin-o” luk yij-o. Yosoloma, Siba-nen yosolar-e: ”Yonatan ambara elepwak langgonak misiget worasu-o” luk yak tij-o.

1 NAGAWAN NAGAWAN-NEN KWARIDNAK WENE 2:7

Alat nde, an-e kowe Apsalom aye-nen mbirigirik worala-ge, it-nen-e konag-et kwat nibidnak me, Nggileat nap Mbarasilai iri na ambararak inmin-e kat-nen-e konag-et kwat onposolat, it-nen ukwe yuwa mende-ge yongga ondosolat wolmomtag-o.

2 NAGAWAN NAGAWAN-NEN KWARIDNAK WENE 25:29

Nde, Yoyakin iri-ge usum-e o kubu me woragolat-nen yurugwi sum-e yirigit lak, nunggwi mende na nagawan woraso sa iri me-nen nasolat, at-nen ukwe yidnak onggo purak na tol-e wog-et tosolat irit woragij-o.

YEREMIA 52:33

Nde, at iri na yak togolar-e: ”Kar-e o kubu me woragolat-nen yirik woragwi sum keya buruk, we sum yutluk, nunggwi mende-ge nagawan woraso sa iri me-nen pempa nasolat wolmomtag-o” luk yak tiga-o. Iri-nen at-nen ukwe pidnak onggo purak na tol-e pempa wok togolar-et woraiga-o.

MATIUS 6:11

Yawo norak mburu ndak yaga wok nindi-o.

LUKAS 22:30

An-nen tenagaidnak wi-nen nunggwi mende min yi min totno nul-o. Nde, kir-e nagawan-nen kore yugwi ondoro duabelas na bem kore luk Isarael nap enlem duabelas na tena unpuruk woragub-o” luk yij-o.

NAM PARA WENE 3:20

Yu ker-o. An-e tumende bem men yigirik, tu lel lel kasu-o. Ap mbi-nen an nene kuluruk, tu kuwarak posola-ge, an-e at ama nggwimindik, at imin totno nonggolat, nde, at-nen na an totno nonggolat wulmul-o.

1 SEMUEL 12:24

Nagawan Indo nak kek tak pogolat, kinndi misiget tak puruk tugup lak at nak ndegel tenak wolmer-o. Nagawan Indo nen kwiye worak kenmanggim kwarid ereba-ge meme rak purak pug-o.

1 SEMUEL 20:15

kat-nen an nimin tugup lak mot mot kwat noboso iri na nggal-et an-nen wigarak inmin-e pem irit kundik wolmomtag-o. Nagawan lndo-nen-e kat kuwim nap lak tak onposola-ge,