2 SEMUEL 9:1 - Nanduk Ngget Tul Pidnak Wene

¹ Nde, misik tarem-e Ndaut-nen kin wanosolar-e: ”Ap Saul-nen ndagidnak mbi worali, lak? Woragola-ge, Yonatan-nen ndowaga an-e ir-e konag-et kwat inpimin-o” luk yij-o.

2 SEMUEL 9:1 ပူးပေါင်းရင်းမြစ်များ

2 SEMUEL 1:26

Nanggam Yonatan wa-e. Kar-e an nimin-e konak nak yoso me, an-e mondok nindi abi kalok yusu-o. Kat-nen nebem kindi kundik woraso-ge mondok nggok-nen yusu-o. Kwami-nen inndi ap enpem pugwi iri-ge te-t nde, kat-nen an nebem kundik woraso iri-ge mondok nggok-nen yusu-o.

2 SEMUEL 9:7

Yosoloma, Ndaut-nen yosolar-e: ”Kar-e kwiye kasu-ge meyog-o. Kat keid Yonatan iri na ebem-nen ndowaga an-nen-e kabuwa-t kasu-o. Nde, kombo Saul onggweyag-e oboksa tuguruk kat wok kirimin-o. Nde, kar-e pempa nunggwi mende-ge an woraso sa-nen totno nok tenak wulmul-o” yak tij-o.

1 NAGAWAN NAGAWAN-NEN KWARIDNAK WENE 2:7

Alat nde, an-e kowe Apsalom aye-nen mbirigirik worala-ge, it-nen-e konag-et kwat nibidnak me, Nggileat nap Mbarasilai iri na ambararak inmin-e kat-nen-e konag-et kwat onposolat, it-nen ukwe yuwa mende-ge yongga ondosolat wolmomtag-o.

NGGOMO WENE 27:10

Kar-e kat kenggamirak min keid enggamirak min-e keya unpurak pug-o. Anggun panggun kebem mbidnak tarem-e kowe kowot ereba na-ge ”Yongga nerer-o” luk yak undurak pug-o. Kat winde erepma worali-ge te-t nde, kenggamirak kat keralu worali ereba-ge mondok ija lombok-nen yusu-o.

MATIUS 10:42

An-nen yak kendeyeg-o: ’Yu-ge Yesus imin nugwi-o’ luk an nimbirik noso nap marik komosa-t nde, yimbe marik arem yi eyak worak kenangga mak tuwa nap iri-ge onggo lag-e lag-o. Onggo-t wanuwa-o.”

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MARAKUS 9:41

Kwara yebet yebet tak wolmer-o. Kar-e Kerisut imin kundik-nen yusu-o luk yi marig-et kenangga mak kunduwa-t nde, ndemeret Mbal Pem Nagawan-nen-e ap iri-ge onggo-t wok tuwa-o” luk yij-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 SEMUEL 20:42

Iri lug-e, Yonatan-nen Ndaut yak tosolar-e: ”Nagawan Indo-ge kimin wolmag-o. Nde, nit mberen-nen: ’Pem irit kundik wolmog-o’ luk Nagawan Indo erengen pem owak mbarige iri na Nagawan Indo-nen yik karok worala me, nit mberen min nit-nen wigarak min-e mondok kundik irit wolmog-o” yogolug-e, Ndaut na mborosola-ge, Yonatan na-ge o silmu nggwe-t mbirij-o.