2 SEMUEL 7:7 - Nanduk Ngget Tul Pidnak Wene

⁷ Nde, an-e Isarael nap inmin waring tenak woralar-e, an-nen Isarael nap ennggendumu enne kulugwi nap an-nen len inpigi ereba yak ondosolar-e: ’Kir-e noluk-nen e Libanon-nen ngaridnak pem namanggim o mbi witli bug-o? luk mbi yak ondoso bug-o.’

2 SEMUEL 7:7 ပူးပေါင်းရင်းမြစ်များ

2 SEMUEL 5:2

Nanduk-nen na irit, Saul-nen tena nunpuruk worala tarem-nen na irit, Isarael nap san ombo wim timbiril mborogola-ge, pempa kat-nen lit nunpuruk nosolat worasu iri nar-o. Iri-nen Nagawan Indo-nen kat yak korosolar-e: ’Kat-net an nilirak lit unpuruk nosolat, kar-et an nilirak ennggendumu nagawan men yugun-o’ luk yak kirid iri nar-o” luk yak tiga-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESAYA 66:1

Nagawan Indo-nen yosolar-e: ”Mbal iri-ge an koreyak woraso nondoro-nen yusu-o. Nde, nggweyag-e an nuwok poso ondoro-nen yusu-o. Iri ala karug-e, an namanggim-e o-ge ngge kwarak nggal wurugun-o? An wolmomtak nondoro-ge no nggal wurugun-o?

YEREMIA 23:4

An-nen-e it ndegel onpogolat wolmomtak nap lenak inpimin-o. Iri yumu, an nilirak-nen-e kwiye na lak, kwiye-nen lele yugwi na lak irit wolma-o. It ennggendumu-nen ap misiger-o luk tet mondok lak ma bug-o. Nagawan Indo an-net yusu-o” luk yij-o.

YESKIEL 34:15

An nondomog-et nolomba ereba na yik eneyarok woraso kwat yosolat, it enpabok kwarurak ondoro lid lud tak posolat kwarimin-o. Nagawan Indo Mondok Kek tak an-net yusu-o.

YESKIEL 34:2

”Nggweyakma nap, lak yoso wa-e. Isarael nap nagawan nagawan ereba innggiri wiri-o. It yak ondosolar-e, Nagawan Indo Mondok Kek tak an-nen it yak undusu wene yu kwara yak indi-o: ’Isarael nap yik eneyarok woragwi nap wa-e. Kir-e kit kondomok kenmanggim nak nggok tak pili-o. Alat nde, kit konlomba amanggim-e nggok tak pili bug-o. Iri kwatli bem-e mondok lak tak kinpimin-o.

YESKIEL 34:23

Nde, an-nen-e lomba ereba at nak-nen ndegel onposo nap kwat yosolat, kwara ndegel onposolat kwat tenak wolmaklug-e, an ndegel noboso nap Ndaut nggal nagawan misik lena mendak pimin-o.

MIKA 5:4

Nde, at-nen-e yamuksa woragwi elem wok unduwa-o.

MATIUS 2:6

”Kat Yewura nggweyak pem woraso Mbetleyem wa-e. Yewura nap nagawan ennggendumu-ge kar-e marig-e lag-o. Kat karem-nen nam yosolar-e, an nilirak Isarael nap ndemil unpuruk nosolat, togwat unpurak nap mbi nam ma-o” luk mbaridj-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 21:28

enne ngguloksa yogolar-e: ”Isarael nap wa-e! Yongga nender-o! At yu-ge o nin me wok, nin me wok, ap pidsa mul ondosolar-e, nit Yawuri nap nonpok posolat, imiri mbarak pidnak wene obok posolat, Mbal Pem Nagawan uwi ya na obok poso-o. Nde, yawo na Yunani nap ereb-e Mbal Pem Nagawan ama yu me inmin ngguwasolar-e, marak uwi yu-ge emben to rak pij-o” luk yiga-o.

1 PETERUS 5:1

An-nen na ogore yidnak nap-net yusu me, kit kennggendumu enne kulugwi ogore yidnak nab-e wene yu kwara kuluwag-o. Kerisut andi bandi kagaid iri-ge an nimbiri bem-et kagaij-o. Nde, Kerisut na kek tak woraso iri nam tak puwa tarem-e an totno kek tak nubuwa me, an-e kiri keresa yak kundusu-o: