2 SEMUEL 7:3 - Nanduk Ngget Tul Pidnak Wene

³ Yosoloma, Natan-nen yosolar-e: ”Nagawan Indo-nen yongga korosola me, nagawan kat kindi-nen perasu-ge kwarurak nag-o” luk yak tij-o.

2 SEMUEL 7:3 ပူးပေါင်းရင်းမြစ်များ

2 SEMUEL 7:4

Alat nde, iri na tarem kubu Nagawan Indo-nen Natan yak tosolar-e:

1 NAGAWAN NAGAWAN-NEN KWARIDNAK WENE 1:8

Alat nde, tepan ombo Sandok min Yoyanda ambara Mbenaya min Mbal Pem Nagawan ene lomboksa yoso nap Natan min Simei min Erei min Nagawan Ndaut yik karok woragwi san ombo min it ereya-nen-e Andonia ambigir-e yigit lag-o.

2 NAGAWAN NAGAWAN-NEN KWARIDNAK WENE 4:27

Alat nde, kwe iri na Elisa eram lobok yosolar-e, Elisa owak tena buruk, erare nggwe tud yosola karuk, Nggekasi-nen-e kwe iri na langgara wirik peyekluk yij-et nde, Elisa-nen yosolar-e: ”Keya bi-o. Ar-e indi abi kalok yidnak-nen nggal kwarusu-o. Alat nde, Nagawan Indo-nen-e wene-ge marig-et tet yak nurusu bug-o” luk yak tij-o.

NDAWI ENGGA 37:4

It-nen kenalen pem wolmomtak elem-e Nagawan Indo eram kore yogolat wolmer-o. Kit kinndi-nen peragup mende-ge at-nen ndak tak kunpuwa-o.

1 YOANES 2:27

Alat nde, kit perak nde, Kerisut-nen Konak Indi-ge kit kenpem nggilara pil mbuwagaij-o. Nde, Konak Indi-ge kit kenarem woralar-e, yi mende ndi mende pidsa mul kundusu me, ap-nen mul kundurag-e meya-o. Nde, Konak Indi-nen mul kundusu wene-ge enesiget wene-ge lag-o. Ndemeret wene nak mul kundusu-o. Iri bem-e, kit-nen-e Konak Indi-nen yidnak yidnak nak kwarogolat, Kerisut imin kundik irit wolmer-o.

1 SEMUEL 10:7

Nde, kat-nen yenggerak purak mende ereba na oboksa kasolug-e, Mbal Pem Nagawan-e kimin worala me, kat-nen nde kwarurak ala-ge, kwarurak nag-o

1 SEMUEL 14:7

Yosoloma-ge ap sujwe iri na-nen onggo yosolar-e: ”Nab-o, kat kindi-nen peraruk kwarosola-ge, an-e kimbirik nag-o” luk yak tij-o.

1 SEMUEL 16:7

Alat nde, Nagawan Indo-nen Semuel yak tosolar-e: ”Kar-e enpe konak min enpe mot min yik kaidnak pem nak kindi purungsa ebem pusu-ge meyog-o. An nindi-nen pigi-ge at iri-ge lag-o. An-nen-e ki nap-nen enabut yik kagwi nggal-e yik eneyaso bug-o. Ki nap-nen-e enpage ombol nggwe nak yik kali-t nde, an-nen-e inndi nak kaso-o” luk yij-o.