2 SEMUEL 7:24 - Nanduk Ngget Tul Pidnak Wene

²⁴ Nde, Isarael nab-e pempa kat kondomok kilirak tak unpuruk, Nagawan Indo kar-e it Enmbal Pem Nagawan kwat yigen-o.

2 SEMUEL 7:24 ပူးပေါင်းရင်းမြစ်များ

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

NDAK WIRIDNAK WENE 17:8

Yawo kat ap sal nggal worasu nggweyak yu-ge kat min kat-nen wigarak min winde rak kinpimin-o. Nde, an-e it Enmbal Pem Nagawan kwatluk, o Kanaan nggweyak oboksa-ge kat-nen wigarak wok undumu, pem irit winde wolma-o” luk urul yak tij-o.

2 SEMUEL 7:23

Isarael nap nak perak nde kat-nen kondomok kilirak tak enpeyekluk anggun panggun tak unpugwi sa Mesira-nen wisirik inpigen iri nggal yi wi ndi wi oboksa ap enlem Isarael nap nggal mbi worali bug-o. Kat-nen kwat inpigen mende nggok ereba-nen ndowaga kat kanggu kobok yi wi ndi wi mburusu-o. Kat kilirak-nen ap enlem nin nap enpem kore yogola-ge, enpe min-et unkugwiwak min-et kat-nen maga wirik inpigen-o.

2 SEMUEL 7:25

Nagawan Indo Mbal Pem Nagawan wa-e. An min an-nen wigarak min nonowene-ge kat kemndam nggwe-nen urul pigen iri-ge pem irit wolmakluk kat-nen wat tak purak kindi kwat min-o. Kat-nen kwarurak urul pigen iri-ge mondok kwarurak kindi irit wolmag-o.

MBIRIGA WENE 15:2

Nagawan Indo-ge an nambigit yoso amawi ambik-nen yusu-o. At-nen nimiri yamu-o. Ar-e Nembal Pem Nagawan-nen yusu-o. An-e at erembel wanusu-o. Nomborak-nen kek tak pugwi Mbal Pem Nagawan-nen yusu-o. An-e at kek tak ubusu-o.

MBIRIGA WENE 6:7

Iri yosolar-e, kir-e an nilirak tak konposolat, nde, an-e kit Kenmbal Pem Nagawan kwat yimin-o. Nde, kit Mesira iri me-nen mumnggup manggi rak kinpili nap iri ininggem-nen wisirik konposola-ge, an nimin-e ”Ar-e nit-nen idnak Nagawan Indo Mbal Pem Nagawan-nen yusu-o” luk kenaru ma-o.

YEREMIA 31:1

Nagawan Indo-nen yosolar-e: ”An-e Isarael nap enlem oboksa Enmbal Pem Nagawan kwat yosolat, it na an nilirak kwat yurak tarem-e wog-et ma-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

OSEA 1:10

Nde, Isarael nab-e sisiri nggal kwat yogolar-e, ndak worogolat, wonarogolat yurag-e meya irit ma-o. Nde, yawo Mbal Pem Nagawan-nen it yak ondosolar-e: ”Kir-e an nilirag-e lag-o” luk yak undusu-o. Alat nde, abok at-nen yosolat: ”An-e kit Kenmbal Pem Nagawan nuruk nak woraso-nen yusu-o. Nde, kir-e an nilirak-nen yili-o” luk yurak tarem-e wok ma-o.

YOANES 1:12

Alat nde, ap erep-nen-e at wok uburuk, at ebem inndi angin tubu yiga nab-e Mbal Pem Nagawan ilirak kwat momtak amawi wok indij-o.

TUGURUK YIDNAK WENE 26:18

Nde, yawo-ge Nagawan Indo-nen-e: ’Nilirak tak kinpimin-o’ luk urul yid iri na ndak ndag-et at ondomok ilirak tak kunpusu-o. At-nen-e at-nen kenpem pidnak wene oboksa kwarobokluk kenpem pusu-o.

TUGURUK YIDNAK WENE 32:6

Kit wid, kinndi lak yu-ge wa-e. Kit-nen Nagawan Indo-nen konak kwat kinpidnak iri na onggo at konak kwat obogolar-e, iri kwatli irir-a? Nagawan Indo iri-ge kit Kineid ndak wat kunpuruk, ap enlem misik kwarak kinpid nab-e lag-a?

1 PETERUS 2:10

Nde, nanduk woragolar-e, kir-e Mbal Pem Nagawan ilirak woragit lag-et woraigep, nde, yawo-ge kir-e Mbal Pem Nagawan ilirak-nen yili-o. Nanduk Mbal Pem Nagawan-e kit kunpud kagit lag-et nde, yawo-ge kunpud kasu-o.