2 SEMUEL 7:23 - Nanduk Ngget Tul Pidnak Wene

²³ Isarael nap nak perak nde kat-nen kondomok kilirak tak enpeyekluk anggun panggun tak unpugwi sa Mesira-nen wisirik inpigen iri nggal yi wi ndi wi oboksa ap enlem Isarael nap nggal mbi worali bug-o. Kat-nen kwat inpigen mende nggok ereba-nen ndowaga kat kanggu kobok yi wi ndi wi mburusu-o. Kat kilirak-nen ap enlem nin nap enpem kore yogola-ge, enpe min-et unkugwiwak min-et kat-nen maga wirik inpigen-o.

2 SEMUEL 7:23 ပူးပေါင်းရင်းမြစ်များ

2 SEMUEL 7:24

Nde, Isarael nab-e pempa kat kondomok kilirak tak unpuruk, Nagawan Indo kar-e it Enmbal Pem Nagawan kwat yigen-o.

NEMIA 1:10

Nagawan Indo wa-e. Nit yu-ge kat ndegel kubugwi nap, kambik kilirak-nen yili-o. Nde, kat kumbunu kamawi kwiye worak iri na bem-nen ninmiri yigen-o.

NDAWI ENGGA 111:9

At-nen at ilirak wisirik onposolar-e, pem irit inmin kundik wolmomtak urul yak indij-o. Ar-e Nagawan Indo kek tak amawi worak-nen yusu-o!

NDAWI ENGGA 145:6

It-nen-e kat kamawi bem-nen kagwi buk mende kwaroso wene-ge wigarogolat wolma-o. Kat-nen kek tak woraso wene-ge an-nen naru karu rak posolat woramin-o.

NDAWI ENGGA 40:5

Nagawan Indo Nembal Pem Nagawan wa-e. Kat-nen-e kwarat kwat nonposo-o. Kat kimin ndak ndak wururag-e mondok lak-nen yusu-o. Kat-nen nit kwat nunpurak yusu-ge mondok wi yurak me, an-nen oboksa ndindururak na mondok meya-o.

NDAWI ENGGA 65:5

Kat-nen nenne erep nggarosolar-e, ombol nggwe rak nonposolat, kat-nen ninmiri yosolar-e, kwiye worak mende irit kwaroso-o. Ap enlem oboksa-nen na irit, yi koma erep pem erepma ereba-nen na irit, inndi-ge kat kebem wat tak puruk woragwi-nen yusu-o.

MBIRIGA WENE 12:12

Kubu iri tarem-et an-e Mesira wi mbenaril lobok yimin-o. An-e Nagawan Indo-t me, li marik-nen wam-nen nandug-et nderak iri-ge oboksa ondosolat, o Mesira-nen erembel wanugwi unkugiwak oboksa min ebe lak mende rak pimin-o.

MBIRIGA WENE 33:16

Kat nde nit ninmin mbirigit lak yosolar-e, kat-nen an min kat kelem yu min-e kalen nenpem pusu iri-ge nggesa-nen it mbepme nggwe-nen enaru ma-o? Kat nit nennggendumu worasu iri bem-nen nit nggweyak ma yu me woragola-ge, yi ap ndi ap ennggendumu-net nde, nir-e arik lenak nunpusu-o” luk yak tij-o.

MBIRIGA WENE 6:7

Iri yosolar-e, kir-e an nilirak tak konposolat, nde, an-e kit Kenmbal Pem Nagawan kwat yimin-o. Nde, kit Mesira iri me-nen mumnggup manggi rak kinpili nap iri ininggem-nen wisirik konposola-ge, an nimin-e ”Ar-e nit-nen idnak Nagawan Indo Mbal Pem Nagawan-nen yusu-o” luk kenaru ma-o.

MBIRIGA WENE 9:15

An-nen nde kat min kat-nen tenagidnak wi woragwi nap inmin kenpem wene mbarosolat-nen nde kugwi kenpem pelepnggalmu-nen-e mondok kowak ngget min lak tak kenpeleb-o.

MBIRIGA WENE 9:16

Alat nde, an-e namawi mirik konposola, yi wi ndi wi oboksa na nanggu nobok mburuwakluk-nen kunluk keya kunpusu-o.

WONARIDNAK WENE 6:27

Nagawan Indo-nen yosolar-e: ”Isarael nap imbiringgat tak onposolat, an nunu it enpem posola-ge, an-nen-e imbiringgat tak inpimin-o” luk yij-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

TUGURUK YIDNAK WENE 10:21

Ar-e kit Kenmbal Pem Nagawan me, at nak erembel wanurag-o. Nde, kit yongga kondosolar-e, at-nen kwiye worak, wi yurak mende kwarij-e kondomok kenlengen kit-nen kaigep iri nar-o.

TUGURUK YIDNAK WENE 33:29

Isarael wa-e. Kalen pem wolmin-o! Ap enlem ereb-e Nagawan Indo-nen kimiri yidnak worasu iri nggal mbi inmiri yidnak worali bug-o. Nagawan Indo iri-ge kat yongga korosolat, kat ombol nggwe rak kobosolat kwarosolar-e, keyalawi nggal, kundumno nggal-nen yusu-o. Nde, kat kuwim nab-e: ”Nenabuwa ki-o” luk kemengen mbaril lobok yogola-ge, kat-nen kuwok liri rak unpugun-o.

TUGURUK YIDNAK WENE 9:26

’Nagawan Indo kek tak wa-e. Kat kamawi kumbunu kwarat pem Mesira-nen wesera wok unpuruk lobok yigen kelem nap yu-ge lak tak unpurak pug-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

YOSUA 7:9

Nde, Kanaan nap min yu me nap oboksa min-nen wene yu kulurug-e, lop lop nunduwarik, mondok oboksa nunduwa-o. Iri ala-ge, kat kunu kek tak purak pem-e kar-e no kwarugun-o?” luk yak tij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.