2 SEMUEL 7:12 - Nanduk Ngget Tul Pidnak Wene

^12-13 Kat nde kindi worak luk wat yosola-ge, komborak endam-et yapma kubukmu, kat kambararak misig-e nagawan tak ibimin-o. At iri-nen-e an nuwi wuruwa-o. Nde, at-nen tenagidnak wi-ge an-nen tugup lak tak pumu, at-nen tenagidnak wi irit wolma-o. Worala-ge, at-nen wigarak mbi-nen nagawan irit woralat at-nen tenagidnak wi-ge pempa tena irit wolma-o.

2 SEMUEL 7:12 ပူးပေါင်းရင်းမြစ်များ

NDAK WIRIDNAK WENE 15:4

Yuruk worasoma, Nagawan Indo-nen tuguruk Abaram yak tosolar-e: ”Kat ndegel koboso nap Elieset iri-nen kat kimining angge-ge winde ma-ge mondok lag-o. Are, kat kondomok kiyema-n pugun-net kat kimining angge winde ma-o” luk yak tij-o.

2 SEMUEL 22:51

Mbal Pem Nagawan-nen-e at-nen mendak pidnak nagawan iri na mondok ombol nggwe rak ubusu-o. At-nen lenak pidnak nab-e pempa abuwa kasolat worasu-o. Iri-ge Ndaut min at-nen wigarak min pem irit enabuwa kasolat worasu-o.

1 NAGAWAN NAGAWAN-NEN KWARIDNAK WENE 1:21

Kat-nen nde wene iri nggal wirik pigit lak yugunmu-ge kat wat yugunmu-ge an min nambara Salomo min-e lugud tak kwarigepma-o luk waruk waruk tak nunpuwa-o” luk yij-o.

1 NAGAWAN NAGAWAN-NEN KWARIDNAK WENE 1:48

tepan yosolar-e: ’Nagawan Indo Isarael nap-nen kek tak kubugwi Mbal Pem Nagawan wa-e. Kat nak kerembel wanurag-o. Nde, yawo-ge an nambara misik an nondolma kat-nen mendak pigen-o. Kat-nen-e an nambara nagawan men yosola, nerengen-nen kujwakluk, an nuruk wolmomtak tena woraigen-o’ luk tepan yij-o” luk yij-o.

1 NAGAWAN NAGAWAN-NEN KWARIDNAK WENE 2:1

Nde, Ndaut na-ge at wat momtak abu panggo yosola karug-e, ambara Salomo iri na wene mbo ibij-o. Mondok wene nanu nggal woroksiyem Ndaut-nen nggomo worosolar-e:

1 NAGAWAN NAGAWAN-NEN KWARIDNAK WENE 2:10

Abok nggwe-ge Ndaut na-ge wat yamu Ndaut uwi silmu-t yapma ibiga-o.

1 NAGAWAN NAGAWAN-NEN KWARIDNAK WENE 2:4

Kat-nen nde Nagawan Indo-nen yidnak yidnag-et kwarosola-ge, at-nen an nimin urul posolat: ’Kat-nen wigarak-nen-e Isarael nap tena unpuruk wolma-o. Mbigija-ge it-nen inndi min enpe min ebis-et tugup lak pempa-nen an-nen yidnak yidnak kwat tenak wolma iri nag-o’ luk yid iri na-ge kwaruwar-o.

1 NAGAWAN NAGAWAN-NEN KWARIDNAK WENE 5:5

Nagawan Indo-nen neid Ndaut yak tosolar-e, yu nggal yak tij-o: ’Kat kondolma kambara men ma iri-nen an nerembel wanurak uwi-ge wuruwa-o’ yak tidnak me, iri bem-e nap Iram kunu worak wa-e. O yanem yu-ge an Salomo-nen Nagawan Indo Mbal Pem Nagawan erembel wanurak uwi wururak wat tak puruk worasu-o.

1 NAGAWAN NAGAWAN-NEN KWARIDNAK WENE 8:15

Iri yosolat-nen yosolar-e: ”Nagawan Indo-nen an neid Ndaut urul yak tosolat-nen yosolar-e: ’Nanduk an nilirak Mesira-nen wesera inmin lobok yosolar-e, Isarael woragwi sa oboksa-nen o siri misik me an nerembel wanurak o wururak mbi lenak pigit lak yigi-t nde, Ndaut kar-e an-nen nilirak tena unpuruk woranokluk lenak kubukmu-o’ luk yid iri na-ge at-nen urul pidnak ndak ndak tak pid iri bem-e Nagawan Indo Isarael nap Enmbal Pem Nagawan iri nak erembel wanurag-o!” luk yij-o.

1 NAGAWAN NAGAWAN-NEN KWARIDNAK WENE 8:19

iri-ge kat-nen wururag-e lag-o. Kat kambik kambara-net wuruwa-o’ yak tij-o.

1 NAGAWAN NAGAWAN-NEN KWARIDNAK WENE 8:20

Nde, yawo-nen-e Nagawan Indo-nen yid iri na ndak ndag-et kwat yosolat an-e neid ondolma Isarael nap ennggendumu nagawan men yigi-o. Iri yosolat Nagawan Indo Isarael nap Enmbal Pem Nagawan erembel wanurak uwi wirigi-o.

1 NAGAWAN NAGAWAN-NEN KWARIDNAK WENE 9:5

an-nen keid Ndaut urul yak tosolar-e: ’Kat-nen wigarak lolo nak-nen Isarael nap tena unpuruk wolma-o’ luk yak tigi iri na-ge kwarag-et kinpimin-o.

NDAWI ENGGA 89:29

Nggweyak anggul pem mbal eid worala-ge, at-nen nagawan woraso ondoro iri-ge an-nen pem irit tena woramin-o. At ilirak-nen nderag-e ap pem lud pem irit nagawan mendak wolma-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

NDANIEL 12:2

Nde, wat yidnak nap ennggendumu-nen ap kwarar-e tuguruk unluk ma-o. Nde, it ereb-e pem-et unluk woralik nalik irit wolma-o. Nde, ereb-e teberak enlengenma nggal tak irit onpogolat, kwiye-nen enaboro lera mboso mende arem irit pem-et woralik nalik irit wolma-o.

MATIUS 1:1

Engga yu-ge Yesus Kerisut eid ombo nderak lolo mbenasa mbaridnak wene-nen yusu-o. Yesus iri-ge Ndaud-nen wigarak lolo-nen nderag-o. Nde, Ndaud iri-ge Abaram-nen wigarak-nen nderag-o.

LUKAS 1:32

Nde, at iri-ge ap nggulok irit ma-o. Ap-nen at imin-e: ’Kar-e Kek tak Woraso Mbal Pem Nagawan Ambara-o’ luk yuwa-o. Nagawan Indo Mbal Pem Nagawan-nen-e at ombo Ndaud ondolma irit nagawan tak puwa-o.

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

YIDNAK YIDNAK WENE 13:36

Nde, Ndaud iri-ge at woragaid tarem woralar-e, Mbal Pem Nagawan indi-n pidnag-et kwat tenak woraruk, wat yamu-ge at omborak entalu yapma pikma, piri yij-et nde,

YIDNAK YIDNAK WENE 2:30

Iri bem-e at Ndaud na-ge Mbal Pem Nagawan ene lomboksa yoso nap me, Mbal Pem Nagawan-nen owak mbatluk urul posolar-e: ’Kat-nen ndakun lolo misig-e an-nen nagawan tak pumu-ge, nagawan kat kore yoso ondoro ebem-et kore yuwa-o’ luk yidnak wene iri-ge Ndaud na aru woragaij-o.

1 KORINTUS 15:51

An-nen kura wene yu nam tak paga yak kindimin yu koler-o. Nit pidsa wat mul-e lag-o. Alat nde, nit pidsa nin nggal tak nunpuwa-o.

TUGURUK YIDNAK WENE 31:16

Nagawan Indo-nen Musa yak tosolar-e: ”Yawo kat wat momtag-e mondok panggo yusu-o. Kat nde abu mborosola-ge, Isarael nap-nen an-nen urul yak indigi na keya bogolat, an-nen yidnag-e kwaruwa bug-o. Ir-e o it abok ngguwa sa iri me woragwi nap-nen erembel wanugwi unkugiwak erembel wanogolat, an-e keya nubuwa-o.

1 TESALONIKA 4:14

Yesus na wat luk, tuguruk uruk yij-o luk iri bem-e nit ninndi angin tubu yili-o. Iri bem-e, Mbal Pem Nagawan-nen-e Yesus ebem inndi angin tubu luk wat yidnak nab-e at imin totno wolmakluk unluk tak puwa-o luk, ninndi angin tubu yili-o.