2 SEMUEL 6:16 - Nanduk Ngget Tul Pidnak Wene

¹⁶ Nde, urul pidnak wene labu mbarak iri na waruk mondok Yerusalem nggogolar-e, Ndaut na-ge Nagawan Indo kek tak posolat kot kasolat kud mboksa lalik mbilik kwarosola-ge, Saul ara Mikal-nen papalo tu nggwe yik karug-e, siyak yik kudtak isili yij-o.

2 SEMUEL 6:16 ပူးပေါင်းရင်းမြစ်များ

2 SEMUEL 5:7

Yogoloma, Ndaut-nen at imin nugwi nap ereba na yak ondosolar-e: ”An-nen Yebus nap nisili rak unpuruk worasu yu nggal-e ap yu me-nen mbige Yebus nap kinsili rak unpuruk worali nap mbi worali, lak? Abu kinsili rak inpidnak me, mondok undugup, lak? Undurak nde ala-ge, yi uru bela pil mbiridnak nggwe nggugupndik, ya langgonak nugwi nap min enlengen ngguru min an-nen nisili rak unpusu ereba-ge mondok ender-o” yak indij-o. (Iri yidnak ala karuk, ap-nen yogolar-e: ”Ya langgonak nugwi nap min enlengen ngguru min-e Nagawan Indo ama-ge nggurak pug-o” luk yugwi-o.) Nde, Ndaut na-ge o kerep pak leget-nen wiridnak o Sion iri na-ge amawi bem-nen mengga wanuruk, unu yarosolar-e, ”Ndaut Uwi Siri-o” luk yarij-o. Nde, Ndaut nen o siri iri kerep pak leget ombol nggwe worosolar-e, mo luwaso ambigit (timur) nggwe nggweyak yala ndobo rak pidnak iri na bem-nen tel kworarik wiril mbirij-o.

2 SEMUEL 6:15

Iri nggal kwasa Ndaut min Isarael nap oboksa min-nen-e urul pidnak wene labu mbarak iri na-ge waga Yerusalem pil mborogolar-e, enalin enalen yogolat, kek kok pem-et posid poba ene min-et yil yil mbiriga-o.

2 SEMUEL 6:20

Iri rak purug-e, Ndaut iri na-ge at woraso sa ogwela wa yak endeyekluk ama mbirij-o. Mborosoma-ge, Mikal iri na Ndaut eram wasolat-nen yosolar-e: ”Yawo-ge Isarael nap nagawan-e mondok kek yij-o. Ap inndi lak-nen kwarugwi nggal-et nagawan ndegel ubugwi nap-nen onnggo pidnak kwami ereba na inmbiri bem inggiri lag-et ngenwa woragij-o” luk yak tij-o.

NDAWI ENGGA 69:7

Kat kebem-nen ndowaga an-e pesel nobogolat, ninggiri-nen tud tak nak nusu-o.

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

YIDNAK YIDNAK WENE 2:13

Nde, it erep-nen it na nda ondogolar-e: ”Lag-o. It yu-ge anggut engen amburu undu nektak me, inmbitsa ninggidnak-nen yili-o” luk yiga-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 SEMUEL 18:17

Saul-nen perasolar-e: ”Ndaut yu-ge an ninggi-nen wururag-e meya-o. Alat nde wim pem-nen Pilisin nap-nen wuruwag-o” perasolug-e, Saul-nen Ndaut yak tosolar-e: ”Kat nde an-nen idnak wim wari kwiye lak woralat, Nagawan Indo amanggim wim nggosola-ge, an nara ambap Merap iri-ge kat wok kirimin-o” yak tij-o.

1 SEMUEL 18:20

Nde, Saul ara Merap owot Mikal iri na indi-ge Ndaut ebem pidnak iri na kulurug-e, Saul na-ge alen kagaij-o.