2 SEMUEL 5:7 - Nanduk Ngget Tul Pidnak Wene

^7-9 Yogoloma, Ndaut-nen at imin nugwi nap ereba na yak ondosolar-e: ”An-nen Yebus nap nisili rak unpuruk worasu yu nggal-e ap yu me-nen mbige Yebus nap kinsili rak unpuruk worali nap mbi worali, lak? Abu kinsili rak inpidnak me, mondok undugup, lak? Undurak nde ala-ge, yi uru bela pil mbiridnak nggwe nggugupndik, ya langgonak nugwi nap min enlengen ngguru min an-nen nisili rak unpusu ereba-ge mondok ender-o” yak indij-o. (Iri yidnak ala karuk, ap-nen yogolar-e: ”Ya langgonak nugwi nap min enlengen ngguru min-e Nagawan Indo ama-ge nggurak pug-o” luk yugwi-o.) Nde, Ndaut na-ge o kerep pak leget-nen wiridnak o Sion iri na-ge amawi bem-nen mengga wanuruk, unu yarosolar-e, ”Ndaut Uwi Siri-o” luk yarij-o. Nde, Ndaut nen o siri iri kerep pak leget ombol nggwe worosolar-e, mo luwaso ambigit (timur) nggwe nggweyak yala ndobo rak pidnak iri na bem-nen tel kworarik wiril mbirij-o.

2 SEMUEL 5:7 ပူးပေါင်းရင်းမြစ်များ

2 SEMUEL 6:10

Iri lug-e, urul pidnak wene labu mbarak iri na-ge Yerusalem waruk mbururag-e isili yosolar-e, urul pidnak wene labu mbarak iri na-ge Nggat nap Obet-Erom iri na ama iri na me pij-o.

2 SEMUEL 6:12

Iri kwarosola, Ndaut nen kolosolar-e, Nagawan Indo-nen ap Obet-Erom min at arengge oboksa min imbiringgat tak ubusu wene iri na kulurug-e, mberarik, urul pidnak wene labu mbarak iri na-ge ap Obet-Erom iri na ama-nen waga Yerusalem pil mborogolar-e, enalin enalen pem-et nggok sagil sagil mbiriga-o.

2 SEMUEL 6:16

Nde, urul pidnak wene labu mbarak iri na waruk mondok Yerusalem nggogolar-e, Ndaut na-ge Nagawan Indo kek tak posolat kot kasolat kud mboksa lalik mbilik kwarosola-ge, Saul ara Mikal-nen papalo tu nggwe yik karug-e, siyak yik kudtak isili yij-o.

1 NAGAWAN NAGAWAN-NEN KWARIDNAK WENE 2:10

Abok nggwe-ge Ndaut na-ge wat yamu Ndaut uwi silmu-t yapma ibiga-o.

1 NAGAWAN NAGAWAN-NEN KWARIDNAK WENE 3:1

Salomo na woralar-e, Mesira nagawan iri na ara wanosolar-e, Mesira nap inmin kundij-o. Nde, ogwe iri na-ge wanuruk, Ndaut uwi silmu iri na me waruk lobok yarik irit worasolar-e, nagawan wolmomtak sa min Nagawan Indo uwi min Yerusalem siri kerep pak leget min iri na-ge abu irit worak pij-o.

1 NAGAWAN NAGAWAN-NEN KWARIDNAK WENE 8:1

Iri rak purug-e, Nagawan Salomo-nen-e Iserael nap enlem lombok-nen enne kulugwi nap ereba na oboksa-nen Ndaut woraso sa o siri Sion iri me-nen urul pidnak wene labu mbarak iri na-ge waga Nagawan Indo uwi iri na me pil mbururak at eram Yerusalem lobok yuwakluk yonggo inpij-o.

NDAWI ENGGA 132:13

O Sion iri-ge Nagawan Indo-nen lena bamu-o. At wolmomtak ondoro-ge iri me-t wolmomtak peraruk,

NDAWI ENGGA 2:6

Iri yosolat-nen yak ondosolar-e: ”Nondobo Sion marak iri na bem-nen an-nen idnak nagawan irit mendak pigi-o” luk yak undusu-o.

NDAWI ENGGA 51:18

Mbal Pem Nagawan wa-e. Kat-nen konak kwat onposo elem pem Sion iri kwat ibi-o. Iri kwarosola, Yerusalem kerep pak leget iri na-ge tuguruk wiri-o.

NDAWI ENGGA 87:2

Isarael iri me o siri oboksa enggendumu-nen-e mondok indi kundugu-ge Yerusalem iri nag-o.

MIKA 4:2

It oboksa-nen yogolar-e: ”Isarael Embal Pem Nagawan iri na ama lagolar-e, Nagawan Indo ondobo bem lujwog-o! At-nen nit-nen kwarurak wene-ge mul nunduwa-o. Nagawan Indo-nen mul nondoso wene iri-ge Yerusalem-nen lobok yoso me, nir-e at urula nak mborogolat wulmul-o. Sion-nen at-nen-e at ilirak inmin wene yak ondoso-o” luk yuwa-o.

OROMA 9:33

Kerep iri wene-ge Mbal Pem Nagawan engga bem-e yu nggal mbarak worasu-o: ”Kwara yebet ker-o. O Sion iri me-ge ap unuwok abis pijaksa mburak kerep an-nen pusu-o. Kerep nggulok na bem-e ab-e pijaksa mbud yuwa-o. Alat nde, kerep na ebem inndi angin tubu yuwa nab-e abog-e innggiri wuruwa bug-o” luk yij-o.

IBERANI 12:22

Alat nde, iri-ge kit-nen wok yogolar-e, Sion ndobo bem urug-et woraso Mbal Pem Nagawan uwi siri, aid arem wi Yerusalem iri me-ge aid nap kere kwarat woragwi sa iri me-t wok yigeb-o.

NAM PARA WENE 14:1

Iri luk, yik kaginggal-e, Lomba Wam Marik na-ge Sion ndobo bem mendak worala kagi-o. Nde, at imin-e at unu nde at Eid unu nde it inmbiriwak pem mbarak nab-e seratus empat pulu empat ribu (144,000) irit woraiga-o.