2 SEMUEL 5:2 - Nanduk Ngget Tul Pidnak Wene

² Nanduk-nen na irit, Saul-nen tena nunpuruk worala tarem-nen na irit, Isarael nap san ombo wim timbiril mborogola-ge, pempa kat-nen lit nunpuruk nosolat worasu iri nar-o. Iri-nen Nagawan Indo-nen kat yak korosolar-e: ’Kat-net an nilirak lit unpuruk nosolat, kar-et an nilirak ennggendumu nagawan men yugun-o’ luk yak kirid iri nar-o” luk yak tiga-o.

2 SEMUEL 5:2 ပူးပေါင်းရင်းမြစ်များ

NDAK WIRIDNAK WENE 49:24

it yik eneyarok woraso Mondok Amawi Ambik Yakup Embal Pem Nagawan Isarael kura buruk Noso, iri na-nen yongga worosola, Yusup iri-ge pem inggi abis lembe irit woralat, esan-e pem irit mendak wolma-o.

2 SEMUEL 6:21

Yosoloma, Ndaut-nen yosolar-e: ”Nagawan Indo-nen kat keid min owe owot min keya unpuruk, at ilirak Isarael nap lit unpuruk nuwakluk lenak nibid Nagawan Indo iri na abi wanosolat-net kot kagi-o. Iri bem-e, an-e Nagawan Indo irit abi wanosolat pem irit kot tenak woramin-o.

2 SEMUEL 7:7

Nde, an-e Isarael nap inmin waring tenak woralar-e, an-nen Isarael nap ennggendumu enne kulugwi nap an-nen len inpigi ereba yak ondosolar-e: ’Kir-e noluk-nen e Libanon-nen ngaridnak pem namanggim o mbi witli bug-o? luk mbi yak ondoso bug-o.’

2 SEMUEL 7:8

Iri bem-e Natan kat-nen an ndegel noboso nap Ndaut iri yak ti-o. An-e Nagawan Indo Nemawi Worak-nen at yak tosolar-e: ’An-nen kat len kibigi iri-ge kar-e nembaga ereba-nen lomba wam ndogorosoma, len kuburug-e, an nilirak enanggul pem nagawan mendak kubukmu-o.

2 NAGAWAN NAGAWAN-NEN KWARIDNAK WENE 20:5

”Nagawan Indo an nilirak-nen idnak Nagawan Isikia iri eram mburugundik, wene yu yak ti-o: ’Nagawan Indo Kembal Pem Nagawan kombo Ndaut-nen kek tak poso Mbal Pem Nagawan an-nen-e kat-nen yip tigen kasolat, tepan yigen na kolosolat yusu-o. Nde, kar-e ki rak kibimin-o. Iri yumu, kup woraruk, kup iri-ge an nama mburugun-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESAYA 55:4

Ap enlem erep-nen an namawi iri na at ebem kujwaklug-e, an-nen-e Ndaut iri-ge ndemeret nagawan tak posolat, san ombo onowe rak posolat kwarukmu-o.

YESKIEL 34:23

Nde, an-nen-e lomba ereba at nak-nen ndegel onposo nap kwat yosolat, kwara ndegel onposolat kwat tenak wolmaklug-e, an ndegel noboso nap Ndaut nggal nagawan misik lena mendak pimin-o.

MIKA 5:4

Nde, at-nen-e yamuksa woragwi elem wok unduwa-o.

WONARIDNAK WENE 27:17

Kat kelem nap yu-ge lomba ombo lak nggal nggilarak keya unpurag-e meya-o. It wim nggogola, anggul tak purak nap wim wari misik lenak pi-o” luk yij-o.

MATIUS 2:6

”Kat Yewura nggweyak pem woraso Mbetleyem wa-e. Yewura nap nagawan ennggendumu-ge kar-e marig-e lag-o. Kat karem-nen nam yosolar-e, an nilirak Isarael nap ndemil unpuruk nosolat, togwat unpurak nap mbi nam ma-o” luk mbaridj-o.

YOANES 10:11

Lomba wam ombo konag-e an-net yusu-o. Nde, lomba wam ombo konak-nen-e at olomba enmanggim at na at-net iminep wisirik pusu-o.

IBERANI 2:10

At ondomok amanggim at-nen yi mende ndi mende oboksa ndak worak pid Mbal Pem Nagawan iri na-nen Yesus-e at andi bandi kagaid iri bem-net iminep mbarak ibid iri-ge yurag-et kwarij-o. Iri bem-nen-e at ilirak kwarar-e at unu kek tak pidnak na erep wanuwakluk andi bandi kagaij-o. Nde, iri yid nap Yesus iri-ge ap inmiri yurak tula nggwe lit eneyaruk mboroso nap-net yusu-o.

1 SEMUEL 13:14

Kar-e Nagawan Indo-nen kebem pidnak wene iri na-ge kwid tidnak me, kat kebem pidnak yabu iri na-ge pem wolma bug-o. Nde, yawo-ge Nagawan Indo-nen at ilirak tena unpuruk wolmomtak at indi-n pidnak nap mbi mondok abu lenak pij-o” luk yak tij-o.

1 SEMUEL 16:1

Nde, siyak woraruk misik tarem-e Nagawan Indo-nen Semuel yak tosolar-e: ”Kar-e Saul yebet karuk, kindi andi kerenak worasu-a? Nde, Saul iri-ge Isarael nap ennggendumu nagawan woraso iri na-ge lak tak pigi nar-o. Kar-e saitun engen amburu kenanggo waruk Mbetleyem ap misik unu-ge Isai iri eram-et mbiri-o. At iri ambararak ennggendumu misig-e nagawan wolmakluk an-nen lenak pukmu-o” luk yak tij-o

1 SEMUEL 18:13

Aye yosolar-e, Ndaut na-ge at Saul woraso sa worasu iri na lak tak uburuk, san ombo ebamu, san ombo lit eneyaruk wim timbiril nosola-ge,

1 SEMUEL 18:16

Alat nde, Isarael nap min Yewura nap min oboksa-nen-e Ndaut-nen-e pempa lit unpuruk nosolar-e, konak nak kwat onposolat worala karuk, Ndaut na-ge inndi-ge at ebem pogolat woraiga-o.

1 SEMUEL 18:5

Nde, Ndaut-nen-e Saul-nen yabu ebem pid ereba na kwara wanosolat irit woragij-o. Iri kwarosola karug-e, Saul-nen-e Ndaut na-ge san ombo onowe nggok irit mendak pij-o. Iri yamu-ge san ombo onowe oboksa-nen na irit, Saul ndegel ubugwi nap-nen na irit Ndaut na indingen tak pogolat woraiga-o.

1 SEMUEL 25:28

Nab-o. An-nen meya mbi kwaridnak ala-ge, meme rak puruk keya bi-o. Nde, kar-e Nagawan Indo amanggim nak wim poso me, Nagawan Indo-nen-e kat min kat-nen wigarak inmin-e Isarael nap enanggul pem nagawan tak kunpuwa-o. Nde, kat pem woralar-e, meya mondok kwarugun puk irir-o.

1 SEMUEL 25:30

Nde, Nagawan Indo-nen-e at-nen konak kwat onposo elem iri na bem ’Kwat kibimin-o’ luk urul yak kirid iri na-ge kwat kobosolar-e, nap kar-e Isarael nap enanggul pem nagawan tak kubuwa-o.

1 SEMUEL 9:16

”Kub-e yanem nggal kuplila an-nen elem Mbenyamin nap misik kat keram pil lobok yimin-o. Iri yosola-ge, amburu anggul pem kilik posolar-e, Isarael nap ennggendumu nagawan tak ibi-o. Iri rak ubugunmu-ge, at-nen-e an nilirag-e Pilisin nap ininggiyapma-nen inmiri yuwa-o. Nde, an-e an nilirak-nen yane worogolat, ’Yongga nindi-o’ luk yip togolat yili ereba-ge eneyasolat, kolosolat kwarusu-o” yak tij-o.