2 SEMUEL 23:5 - Nanduk Ngget Tul Pidnak Wene

⁵ Iri nggal kwasa an-nen wigarag-e Mbal Pem Nagawan-nen-e inmbiringgat tak unpuwa-o. At-nen an nimin urul yak niridnak wene-ge nden kujwa bug-o. Yi wene ndi wene bem-e mondok ndak ndak nak kwaroso-o. An-nen ombol nggwe yigi-ge Mbal Pem Nagawan-nen kwara tena woralat, an nindi-nen ukwe pidnak ndak tak nobosolat wolma-o.

2 SEMUEL 23:5 ပူးပေါင်းရင်းမြစ်များ

NDAK WIRIDNAK WENE 9:16

Yelepma na nggan nggan pem yarosola-ge, an-nen yik karug-e, an-e urugup worak nggweyak ma woraso imin urul owak mbara pigi iri na-t nindi yebet kamin-o.

2 SEMUEL 12:10

Kar-e an-nen yidnak keya buruk, Uria ogwe wanidnak me, kat-nen wigarak lolo pem woragolar-e, ereb-e san pem ondogolat wolma-o.

2 SEMUEL 18:14

Yosoloma, Yoap-nen yosolar-e: ”Kat kimin nak wene onggo onggo yik tenak mbot o ndamuk tak pusu-o” yak turuk yarig-e, tege kenan wanosolar-e, Apsalom iri na-ge e ondogwalma uruk ngonoksa tiong tak worasoma, imidwak arem pil nggwij-o.

2 SEMUEL 7:12

Kat nde kindi worak luk wat yosola-ge, komborak endam-et yapma kubukmu, kat kambararak misig-e nagawan tak ibimin-o. At iri-nen-e an nuwi wuruwa-o. Nde, at-nen tenagidnak wi-ge an-nen tugup lak tak pumu, at-nen tenagidnak wi irit wolma-o. Worala-ge, at-nen wigarak mbi-nen nagawan irit woralat at-nen tenagidnak wi-ge pempa tena irit wolma-o.

2 SEMUEL 7:18

Yak tosoloma-ge, Ndaut na-ge Nagawan Indo uwi sum-nen wiridnak iri na me nggosolat koreluk-nen tepan yosolat-nen yosolar-e: ”Nagawan Indo Mondok Kek tak wa-e. An min an nama woragwi nap inmin-nen-e kat-nen konak nak kwat noboso mende ereba wanurag-e nit nggal-nen-e nggesa-nen wanurag-o?

1 NAGAWAN NAGAWAN-NEN KWARIDNAK WENE 1:5

Apsalom na-ge wat yidnak me, Ndaut ambara Apsalom imbirik Andonia iri na-ge manggiya nggal kwat yij-o. Nde, ija unu-ge Agit. Nde, Andonia iri-ge mondok ebe-ge tenaga irit men yidnag-o. At-nen nde meya kwarosoma-ge, eid Ndaut-nen-e nggomo woroso buk irit woragij-o. Andonia iri-ge mondok nagawan men yurak irit wat tak posolar-e, at-nen idnak wim koma min kura wam min at ondomok yik karok wolmomtak san ombo-ge lima pulu (50) min irit lid lud tak pij-o.

1 NAGAWAN NAGAWAN-NEN KWARIDNAK WENE 11:38

Kat-nen nde an ndegel noboso nap Ndaut-nen kwaroso nggal, an-nen idnak imiri mbarak pidnak wene-nen yidnak yidnak kwarosolat, kindi ebis-et an-nen yidnak ndak ndak kwarosolat, an-nen kwarurak kebem pidnak ereba oboksa kwarosolat, an nindi alen tak posola-ge, an-e pempa kimin-et woramin-o. An-nen kar-e Isarael iri me nagawan tak kibimin-o. An-nen yongga korosola-ge, kat-nen wigarag-e an-nen Ndaut kwarak ibigi iri na nggal-et Isarael nap ennggendumu nagawan men yogolat wolma-o.

1 NAGAWAN NAGAWAN-NEN KWARIDNAK WENE 12:14

Yak ondosolar-e, ap sujwe at anggul mbilit-nen yak tiga ereya na-t yak ondosolar-e: ”An neid-nen-e angin worag-et kenpem pij-et nde, an-nen-e mondok nambena angin worag-e nggoksa-t kenpem pimin-o. At-nen-e linggamburok pem nak yembaksa kondoso-t nde, an-nen-e linggamburok posid-nen konidnak isile worak pem nggwin keneyamin-o” luk yak indij-o.

NDAWI ENGGA 111:9

At-nen at ilirak wisirik onposolar-e, pem irit inmin kundik wolmomtak urul yak indij-o. Ar-e Nagawan Indo kek tak amawi worak-nen yusu-o!

NDAWI ENGGA 27:4

An-nen nindi perasu-ge misiget yu nak Nagawan Indo ebem nggi yusu-o. Misiget ukwe yusu-ge yu nag-o: Nagawan Indo-nen konak nak kwat noboso elem iri na-ge an nerengen-nen kasolat, ndemel nuburuk noso elem nggi yosolat yurak pem an woralar-e, kat kama nak wolmomtak irit ukwe-o.

NDAWI ENGGA 89:3

Kat-nen yosolar-e: ”An-e an-nen lenak pidnak nap imin urul pigi-o. An-nen owak mbara ndegel noboso nap Ndaut imin urul posolar-e:

YESAYA 11:1

Ndaut-nen wigarag-e e ndaridnak undugul iri nggal-nen yusu-o. E ndaridnak undugul pem-nen isit laso iri nggal, Ndaut-nen wigarak enpem-nen nagawan misik men ma-o.

YESAYA 54:10

Ndobo min ndobo amun min ereba-ge lewo yuwa-t nde, an-nen kit kenabuwa kasu yu-ge pok tak pimin pug-o. Lambuksa konak wolmomtak urul pigi iri-ge mborok tak pimin pug-o” luk kit kenabuwa yoso Nagawan Indo-nen yij-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YESAYA 61:8

Nagawan Indo-nen yosolar-e: ”An-e mot mot nak kwarugwi irit nindingen tak pusu-o. Nde, anggun panggun tak unpugwi min meya kwarugwi min-e an-e nisili rak pusu-o. An-nen tugup lak onggo wok kondosolat, ’Mondok pem irit kinmin kundik woramin-o’ luk urul yak kondosolat yimin-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YESKIEL 37:26

It-nen pem irit yamuksa konak irit wolmakluk, an-nen-e it inmin urul pimin-o. An-nen-e it inmbiringgat tak posolat, it enpe na kwarat tak pimin-o. It unuwi nggweyak pem iri me-ge an nuwi-ge pem irit tugup lak wolmakluk nuwi wirimin-o.

AMOS 9:11

Nagawan Indo-nen yosolar-e: ”Ndaut-nen tenagidnak wi iri na-ge an-nen tuguruk nanduk woraso nggal ondolma rak purak tarem-e wog-et ma-o. Nde, yawo-ge at-nen tenagidnak wi iri na-ge o tud yidnak nggal tud tak worasu-o. Alat nde, an-nen-e o iri na worosolat, kebet tuguruk konimin-o. Konumu-ge, o iri-ge nanduk worasu iri na nggal-et ondolma rak pimin-o.

YIDNAK YIDNAK WENE 13:34

Nde, Mbal Pem Nagawan-nen wat yidnak nap ennggendumu-nen uruk tak pidnak me, tuguruk piri yurag-e mondok lak tak pidnak pem-nen at yak tosolar-e: ’Pem-et wolma marak wene Ndaud urul yak tidnak wene iri-ge kar-et wok kirimin-o’ luk yak tij-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

IBERANI 6:19

Nit ninndi ebem mbung mbung tak pige wene iri-nen-e e koma tugup lak tak poso posid nggal nit ninndi-ge pem tugup lak tak poso-o. Ninndi ebem mbung mbung tak pige wene iri-nen-e o mondok marak Mbal Pem Nagawan woraso sa iri na me sum kuri worak pidnak iri na kwidsa nggwij-o.

1 SEMUEL 2:35

Iri luk ombol nggwe-ge an-nen tepan ombo mondok tugup lak, an-nen yidnak yidnak oboksa kwaruwa nap misik lenak pimin-o. At-nen wigarag-e tepan omborak unpumu, tepan ombo-nen wanugwi yabu wanogolar-e, nagawan an-nen lenak inpimin ereba na endam yabu pempa wanogolat wolma-o.

1 SEMUEL 25:28

Nab-o. An-nen meya mbi kwaridnak ala-ge, meme rak puruk keya bi-o. Nde, kar-e Nagawan Indo amanggim nak wim poso me, Nagawan Indo-nen-e kat min kat-nen wigarak inmin-e Isarael nap enanggul pem nagawan tak kunpuwa-o. Nde, kat pem woralar-e, meya mondok kwarugun puk irir-o.