2 SEMUEL 22:7 - Nanduk Ngget Tul Pidnak Wene

⁷ An-e pabik pabok woralar-e, Nagawan Indo eram wene mbo bil lasolar-e: ”Yongga niri-o” luk Nembal Pem Nagawan eram nggi yigi-o. Iri yosola, at ama-nen-e an nene-ge kuluruk, an nene mbo bil laidnak kwara kulij-o.

2 SEMUEL 22:7 ပူးပေါင်းရင်းမြစ်များ

NDAWI ENGGA 107:6

Anggun panggun iri nggal woragolar-e, it-nen Nagawan Indo eram wene mbo bil lagola-ge, Nagawan Indo-nen anggun panggun iri nggal arem-nen inmiri yij-o.

NDAWI ENGGA 116:4

Iri kwarosolar-e, an-nen Nagawan Indo emengen mbarosolar-e: ”Nagawan Indo wa-e. Nimiri yonokluk-nen kemengen mbarusu-o!” luk yak tigi-o.

NDAWI ENGGA 27:4

An-nen nindi perasu-ge misiget yu nak Nagawan Indo ebem nggi yusu-o. Misiget ukwe yusu-ge yu nag-o: Nagawan Indo-nen konak nak kwat noboso elem iri na-ge an nerengen-nen kasolat, ndemel nuburuk noso elem nggi yosolat yurak pem an woralar-e, kat kama nak wolmomtak irit ukwe-o.

NDAWI ENGGA 34:6

Ebe lak mende nggal yik eneyagwi nap ereba na-nen nde Nagawan Indo eram wene mbo bil lagola-ge, Nagawan Indo-nen kuluruk, enne erep nggarosolar-e, anggun panggun kagwi oboksa arem-nen wisirik onposo-o.

MBIRIGA WENE 3:7

Nde, Nagawan Indo-nen yosolar-e: ”Mesira iri me-nen an nilirak iri andi bandi rak inpili iri-ge an-e abu eneyagi-o. ’Nit anggun panggun tak ninpili nap ininggiyapma-nen wisirik nunpurag-o’ luk enne nggoksa nemengen mbarogola kuligi-o. It-nen andi bandi kali oboksa-ge an-e mondok ndemeret naru-o.

YUNUS 2:4

Nindi arem nak-nen yosolar-e, Nagawan Indo-nen-e at eram-nen langgara wirik nebamu me, at woraso sa at uwi marak iri na-ge an-e mondok tugurug-e kamin pug-er-o luk peragi-o.

ABAKUK 2:20

Nagawan Indo-ge at uwi marak iri na me-t worasu-o. Iri ala-ge, nggweyakma nap oboksa-nen enne laksa at indipma nak wolmomtag-o.

LUKAS 22:44

Nde, Yesus na kwiye-nen indi andi kwarat yosolar-e, tepan kwarat yij-o. Nde, irigak na eyabi nggal ndung ndung mbij-o.]

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

YAKOBUS 5:4

Kir-e kit keneyabu wanili nap iri onggo wok indili bug-o. Iri ala karuk, nggi kererenak worali iri koler-o. Kunmburu kenmanggim ndakwi nap-nen-e: ”Wok nender-o” luk kum mbo bili iri-ge Mbal Pem Nagawan Amawi worak Nagawan Indo na eyanggo ma nggwij-o.