2 SEMUEL 22:43 - Nanduk Ngget Tul Pidnak Wene

⁴³ Ir-e an-nen mabe nggal yigisa liring eneyaso-o. It iri-ge miril nggal an-nen ndowasa mbo onposo-o.

2 SEMUEL 22:43 ပူးပေါင်းရင်းမြစ်များ

2 SEMUEL 7:9

An-e pempa kat kimin woralat, kat nusu sa-ge pempa kimin-et mburusu-o. Kat-nen kuwim nap inmin wim mbarosola-ge, an net ndegera lak tak inpigi-o. Ap nggok nggweyak ma yu me-nen enanggu onpok mburusu nggal an-net kanggu kobok worak tak pimin-o.

YESAYA 41:2

Ombol nggwe yoso amawi worak mo luwaso (timur) nggwe woraso iri-ge ta-nen arem yabu wanosolat pempa ombol nggwe rak nak eberenak woraso-o? Ta-nen kwat obosola-nen yi nap ndi nap urugwe nggwe rak onposolat, nagawan nagawan-e yemndak unpuruk woraso-o? At agabo-nen ir-e mabe nggal tak onposo-o. Esan-nen ir-e magere engen o wija-nen puk yaga ndibi ndi rak poso nggal ndibi ndi rak onposo-o.

YESAYA 41:25

Mo luwaso (timur) nggwe-nen ap misik arem yabu wanigirik, abare (utara) nggwe-nen kenpem kore yil lobok yuwakluk wene mbo ibigi-o. Nde, lobok yosolar-e, enmawi worak nab-e ujok-nen yemnda miril tak unpuwa-o. Nggweyak yimbe konoso nap-nen mimi nggweyak ijok-nen al lebarusu iri na nggal enal lebara keya unpuwa-o.

NDANIEL 2:35

Iri kwarosolat ereya na-net ap ndak worak iri na-ge mbud yosolat, ndamera mbesi min mimi nggweyak min tembaga min perak min emas min ereba na-ge nggilara nggurusa labuk yid iri-ge o kibi bem-nen nggandum mbato yugurugwi sa abapno keya bidnak nggal kwasa labuk yij-o. Nde, o wija-nen puk kuruk mborosolar-e, mondok ondoro tet lak tak pij-o. Alat nde, ap nggal ndak worak iri na tibirid kerep iri na perak ndobo nggal-et mondosolar-e, yi wi ndi wi oboksa yebet yij-o.

MIKA 7:10

Nanduk nit nunuwim nap-nen pesel nonpogolat-nen yogolar-e: ”Kit-nen idnak Nagawan Indo, Kenmbal Pem Nagawan iri na-ge ngge me worasu-o?” luk yiga-t nde, yawo Nagawan Indo-nen nit nenmanggim kwarusu ereba na karug-e, ir-e innggiri yuwa-o. Nde, nit nunuwim nab-e urugwe nggwe rak unpuruk, tulama miril yumndugwi nggal unuwok tebere rak onpogolat, nenlengen-nen kul-o.

MALEAKI 4:1

Nagawan Indo Mondok Amawi worak iri na-nen yosolar-e: ”Inndi kek tak min meya yugwi nap min oboksa tusuangge kan pidnak nggal kan unpurak tarem-e wog-et ma-o. Nde, iri tarem-e erep mbi keya bigit lak, mondok oboksa kan paga lak tak unpuwa-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

TUGURUK YIDNAK WENE 32:26

An nindi-nen-e it iri-ge unnu mondok lak wolmakluk lak tak unpurak yebet kaleb-et nde,