2 SEMUEL 22:4 - Nanduk Ngget Tul Pidnak Wene

⁴ An-e Nagawan Indo eram wene mbo bil lasola, wim nap ininggem-nen mengga keya nubusu bem-e at nak erembel wanurag-o!

2 SEMUEL 22:4 ပူးပေါင်းရင်းမြစ်များ

NEMIA 9:5

Nde, iri tarem Nagawan Indo erembel wanugwi iri-ge it Lewi nap ya-nen tel kwiriga-o: Yesua, Katmiel, Mbani, Asapneya, Serebeya, Ondia, Sebania, Petaya it yu-nen yogolar-e: ”Menluk-nen Nagawan Indo Nenmbal Pem Nagawan nak kek tak puwog-o! Pempa at nak kek tak pogolat wolmog-o! At unu nggok kek tak iri nak mondok kek tak puwog-o. At kek tak ubugwi ereba-ge teberak puruk, At unu-ge terak minik kek tak-net yusu-o” luk yiga-o.

NDAWI ENGGA 116:13

At-nen yongga noroso ereba na bem wiwa-o yak tosolar-e, anggut engen amburu Nagawan Indo amanggim purak waruk lobok yimin-o.

NDAWI ENGGA 116:17

An-nen-e kat wiwa-o yak korosolat, kat kamanggim wosa pugwi mende pimin-o. Iri yosolar-e, kat keram tepan yimin-o.

NDAWI ENGGA 116:2

An-nen pempa at eram wene mbo bil lasola-ge, pempa koloso-o.

NDAWI ENGGA 116:4

Iri kwarosolar-e, an-nen Nagawan Indo emengen mbarosolar-e: ”Nagawan Indo wa-e. Nimiri yonokluk-nen kemengen mbarusu-o!” luk yak tigi-o.

NDAWI ENGGA 34:6

Ebe lak mende nggal yik eneyagwi nap ereba na-nen nde Nagawan Indo eram wene mbo bil lagola-ge, Nagawan Indo-nen kuluruk, enne erep nggarosolar-e, anggun panggun kagwi oboksa arem-nen wisirik onposo-o.

NDAWI ENGGA 96:4

Nagawan Indo-ge nggok me, mondok kek tak pugwi irit wolmag-o. Erembel wanugwi ereb-e aye kagwi-t nde, at nag-et aye kagolat wolmomtag-o.

OROMA 10:13

Mbal Pem Nagawan engga mbarak pem-nen yosolar-e: ”Nagawan Indo unu luk, at wene mbo buwa nap oboksa-ge inmiri yuwa-o” luk yij-o.

NAM PARA WENE 4:11

”Nagawan Indo Nembal Pem Nagawan wa-e! Yi mende ndi mende oboksa kat-nen ndak worak pigenma-o. Kat kindi-n pidnak pem nak yi mende ndi mende ndak wat yarik, uruk worasu bem-e kerembel wanogotlat kek tak kobogolat yurak ndak kamawi worag-e kat nag-o” luk yugwi-o.

NAM PARA WENE 5:12

enne nggoksa ndawi yogolar-e: ”Waridnak Lomba Wam Marik iri-ge o tena buruk wolmomtak amawi min yi mende ndi mende ombo yurak min inndi nggat nggat elem min amawi elem min at ambigit tebe yurak min at nak kek tak uburak min at erembel wanurak min iri mende oboksa at nak-nen wanurag-e abam-net yusu-o!” luk yiga-o.