2 SEMUEL 22:29 - Nanduk Ngget Tul Pidnak Wene

²⁹ Nagawan Indo wa-e. Kat-nen-e an neral pago bosolat, Nembal Pem Nagawan-nen-e an ndamuk woraso-ge lak tak poso-o.

2 SEMUEL 22:29 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 11:36

Enlem misiget at inggem keya bimin iri-ge an nerembel wanogolat wolmomtak o Yerusalem an-nen lenak pigi iri na me an ndegel noboso nap Ndaut-nen wigarak misig-e nderak pem lud Yerusalem iri me tena wolmakluk-nen enlem misik iri-ge at inggem keya bimin-o.

NDAWI ENGGA 112:4

Mot mot kwarugwi nap min ndak ndak kwarugwi nap min unpud kagwi nap min enabuwa kagwi nap min enambigir-e ndamuk arem-net nde, yaya abinal-e enpem poso-o.

NDAWI ENGGA 27:1

Nagawan Indo iri-ge an neyaya min an nimiri yoso min-nen yusu-o. An-e ap kwiye kamin pug-o. Nagawan Indo iri-ge an kurak yoso nondoro pak-nen yusu-o. An-e mondok kwiye kamin pug-o.

NDAWI ENGGA 84:11

Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

MIKA 7:9

Nir-e Nagawan Indo imin meya kwarige bem at-nen idnak isilepma-ge mondok nenpem-et mbuwag-o. Alat nde, ar-e yanem-et nit nenambigit yosolat, mot mot kwarugwi elem wok nondosolat, at-nen lesa wok nunpuruk, yaya bem ninpil mburuwa-o. Nit nondomok-nen na at-net ninmiri yosola, kul-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

YOANES 12:46

Nde, an nebem inndi angin tubu yuwa nap-nen-e ndamuk pem wolma naru, an-e nggweyak ma yu me yaya nggal-et lobok yigi-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

NAM PARA WENE 21:23

Nde, o siri iri me-ge Mbal Pem Nagawan abinal-nen yaya rak posolat, tal ebe-ge Lomba Wam Marik-net yusu me, o siri iri me-nen-e mo min waneya min eyaya ukwe-ge mondok lag-o.