2 SEMUEL 2:5 - Nanduk Ngget Tul Pidnak Wene

⁵ Kulurug-e, Ndaut-nen ap iri na me wirik onposolat-nen wene wosa enpem posolar-e: ”Kir-e kit-nen idnak nagawan iri na abuwa kagolat Saul yapma ibigep iri bem-e Nagawan Indo nen imbiringgat tak kunpuwag-o.

2 SEMUEL 2:5 ပူးပေါင်းရင်းမြစ်များ

NDAK WIRIDNAK WENE 14:19

Abaram na imbiringgat tak obosolat-nen yosolar-e: ”Mbal Pem Nagawan Mondok Kek tak mbal min nggweyak min ndak worak pid iri na-nen Abaram kimbiringgat tak kubuwag-o!

NDAK WIRIDNAK WENE 14:22

Alat nde, Abaram-nen wene erep nggarosolar-e: ”Mondok Kek tak Mbal Pem Nagawan, mbal min nggweyak min ndak wirid Nagawan Indo iri na imbiri bem yak kurusu-o.

2 SEMUEL 15:20

Kar-e nggeret lobok yigendik yu me kwara woragit lag-et nde, an-nen: ’An nimin yeba waring tenak wolmog-o’ yak kururag-e meya-o. Nde, an na iri me mburusu-o luk il kwarag-e lak me, kar-e kat kene bem san ombo ereba inmin-e tuguruk mberer-o. Nde, Nagawan Indo-ge tugup lak irit kat kabuwa kasolat wolmag-o” luk yak tij-o.

NDAWI ENGGA 115:15

Mbal min nggweyak min ndak worak pid Nagawan Indo-nen-e imbiringgat tak kunpuwag-o!

YOSUA 2:14

Yosoloma, ap mberen ereya na-nen wene onggo yak togolar-e: ”Nagawan Indo-nen nde o yu nit nininggem posola-ge, mondok konag-et kwat kunpul-o. Alat nde, mbigija-ge kat-nen nit nonpok lek kagit lak yugun iri nag-o. Nde, nit-nen kinmiri yurak yige iri nde kwarigit lak yogola-ge, Nagawan Indo-nen imbiri lamut tak nunpuwag-o” luk yiga-o.

URUT 1:8

Naomi-nen ilirak onkwela togwe ereya na yak ondosolar-e: ”Kir-e tuguruk kiniyarak endam mberer-o. Kit-nen an min it wat yiga ereya inmin konak nak kwat ninpigep nggal-et Nagawan Indo-nen na kit kinmin-e konak nak kwat kunpuwag-o.

URUT 2:20

Naomi-nen yosolar-e: ”Nowor-o. Ap iri-ge nit winder-o. Nit yongga nunduwa nab-e irir-o. At iri-ge Nagawan Indo-nen imbiringgat tak ubuwag-o. Nde, Nagawan Indo-ge unluk worali na irit wat yidnak na irit kwat kinpimin-o luk urul yak undurug-e, urul yak indidnak iri na ndak ndag-et kwaroso-nen yusu-o” luk yij-o.

URUT 3:10

Yosoloma, Mboas-nen yosolar-e: ”Nara-o. Nagawan Indo-nen imbiringgat tak kubuwag-o. Nde, kat-nen kun ija abuwa kaigen min yawo-nen kwarusu yu min ndak ndak tak pogolar-e, yawo-nen nenabuwa kasu-ge mondok terak minig-et kwarusu-o. Nde, ap kore yurak ala-ge, ap enarengge worak ennggendumu ala na, enarengge lak nap ennggendumu ala na, ap sujwe nggal mbi kore yurag-et nde, kar-e iri-ge kwarusu bug-o.

1 SEMUEL 11:1

Nde, misik tarem-e Amon nagawn Nas iri na-nen: ”O Yabes siri narurag-o” luk at-nen idnak san ombo yak endamu, Nggileat nggweyak pem o Yabes siri iri na lop lop indiga-o. Iri yogola, Yabes woragwi nap-nen Nas yak togolar-e: ”Nab-o, ninmim kundi-o. Iri yosola-ge, nir-e kat ndegel kubugwi nap kwat yuwog-o” luk yak tij-o.

1 SEMUEL 11:9

Nde, it-nen Yabes-nen yonggo wirik ibil lobok yiga nap ereba na yak ondogolar-e: ”Yabes woragwi nab-e yu yak indi-o: ’Kub-e mo lenggesilmu yekluk yosola ereya bem-e kinmiri yurak worasu-o’ luk yak undurag-o” luk yak indikma-o. Yak ondogola kulurug-e, mondok enalen kwarat yiga-o.

1 SEMUEL 15:13

Nde, Semuel na mberarik, Saul imin lambuk yosola-ge, Saul-nen Semuel yak tosolar-e: ”Nombo-o. Nagawan Indo-nen imbiringgat tak kubuwag-o. An-e Nagawan Indo-nen kwarurag-o luk nebem pidnag-e ndak ndag-et kwarigi-o” luk yak tij-o.

1 SEMUEL 24:19

Ap-nen unuwim nap inmin lambuk lug-e, keya unpugwi bug-et nde, kar-e keya nibidnak me, kat-nen yawo konak kwat nibigen iri bem-e Nagawan Indo-nen imbiringgat tak kubuwa-o!