2 SEMUEL 19:39 - Nanduk Ngget Tul Pidnak Wene

³⁹ Yak turug-e, Ndaut min at imin nugwi nap oboksa inmin-e Yi Yareren mbatluk ndil laiga-o. Ndil larug-e, Ndaut na-ge Mbarasilai iri na paluk tarik, wa yak tosolat imbiringgat tak obosola-ge, Mbarasilai iri na-ge ama mbirij-o.

2 SEMUEL 19:39 ပူးပေါင်းရင်းမြစ်များ

NDAK WIRIDNAK WENE 14:19

Abaram na imbiringgat tak obosolat-nen yosolar-e: ”Mbal Pem Nagawan Mondok Kek tak mbal min nggweyak min ndak worak pid iri na-nen Abaram kimbiringgat tak kubuwag-o!

NDAK WIRIDNAK WENE 28:3

Mbal Pem Nagawan mondok amawi worak iri na-nen kat kogwe min wok kerak mbugup iri na imbiringgat tak kobosolar-e, kar-e ap kwarat onmbo irit kwat yonokluk kilirak kwarat wok kuruwag-o.

NDAK WIRIDNAK WENE 31:55

Nene luk, kubu kabu Laban-nen ararak min omborak ereba na min keya unpuruk, enarik tak mbururak me, paluksa wa yak indil lobok lug-e, Laban na-ge tuguruk ama mbirij-o.

NDAK WIRIDNAK WENE 45:15

Iri luk owerak yeba na ngonok unduruk, yip mak unduruk kwaril nij-o. Iri lug-e, at imin wene ndok ndok yiga-o.

NDAK WIRIDNAK WENE 47:10

Iri yak turug-e, Yakup-nen Pirayon imbiringgat tak puruk, mbirij-o.

NDAK WIRIDNAK WENE 47:7

Yusup-nen na: ”An neij-e yu-o” luk Yakup na imbiri bem nuk eyasola-ge, Yakup-nen-e nagawan iri na imbiringgat tak obosola-ge,

2 SEMUEL 14:33

Yosoloma-ge, Yoap iri na-ge Nagawan Ndaut eram mbirij-o. Mberarig-e, Apsalom-nen yid wene ereba na Ndaut yak tij-o. Yak tosoloma-ge, Ndaut-nen-e Apsalom iri na wene mbo obosola, Apsalom iri na lobok yosolar-e, Ndaut eram erare nggwe tud yosola-ge, Ndaut-nen-e paluksa wa yak tij-o.

2 SEMUEL 19:38

Yosoloma, Nagawan Ndaut-nen yosolar-e: ”Kimam yu-ge an waruk mbirimindik, kat kindi-n perasu mende irit kwat obosolat, kat-nen an nebem nggi yugun mende oboksa ndak ndag-et kwat kibimin-o” yak tij-o.

2 SEMUEL 6:18

Iri rak purug-e, Ndaut-nen-e Nagawan Indo Amawi Worak iri na unu bem Isarael nap oboksa imbiringgat tak unpuruk,

2 SEMUEL 6:20

Iri rak purug-e, Ndaut iri na-ge at woraso sa ogwela wa yak endeyekluk ama mbirij-o. Mborosoma-ge, Mikal iri na Ndaut eram wasolat-nen yosolar-e: ”Yawo-ge Isarael nap nagawan-e mondok kek yij-o. Ap inndi lak-nen kwarugwi nggal-et nagawan ndegel ubugwi nap-nen onnggo pidnak kwami ereba na inmbiri bem inggiri lag-et ngenwa woragij-o” luk yak tij-o.

1 NAGAWAN NAGAWAN-NEN KWARIDNAK WENE 19:20

Iri kwarosoloma-ge, Elisa na-ge esapi ereba na-ge ereya nak keya buruk, Elia imbirik muk karik, Elisa-nen Elia yak tosolar-e: ”Nab-o. An-e neid niya yak unduruk-nen kimbirik lobok yimin-o” luk yak tij-o. Yosoloma, Elia-nen yosolar-e: ”Ob-o. Iri kwarurak iri-ge kat kebem-o. An-nen lag-o yak kururag-e lag-o” luk yak tij-o.

WONARIDNAK WENE 24:25

Iri yosoluk yarig-e, Mbileyam na-ge lid lud tak puruk, ama mborosola-ge, Mbalak na mbirij-er-o.

LUKAS 2:34

Iri lug-e, Simeon na-nen it imbiringgat tak onposolat-nen la iri ija Maria yak tosolar-e: ”Isarael nap ap kwarat lak tak onposolat, ap kwarat na inmiri yosolat maklug-e, Mbal Pem Nagawan-nen la yu-ge len ibij-o. At yu-ge Mbal Pem Nagawan eram-nen lobok yidnak-nen yusu-o luk yenggerak purug-e, ap kwarat-nen at insili rak puwa-o.

YIDNAK YIDNAK WENE 20:37

Tepan yosola-ge, it pidsa yip kek yud lud mbogolar-e, Paulus na urusu ngonoksa tena buruk, wa yak togolar-e, erabengen porok ningga-o.

1 TESALONIKA 5:26

Nennggamirak oboksa wa yak ondogolar-e, marak kinpidnak pem-net manuksa wa yak ender-o.

URUT 1:14

Iri yak ondosola-ge, Urut min Oropa min-e yip kujwe mba yiga-o. Iri lug-e, Oropa na-ge Naomi na ngonok tarik, yip mak turug-e, ama mbirij-o. Alat nde, Urut na-ge ambap iri na ngonok turuk, lembe yij-o.

1 SEMUEL 24:22

Yosoloma, Ndaut-nen-e: ”Kat-nen yigen irit kwat inpimin-o” luk owak mbarij-o. Iri lug-e, tuguruk Saul na-ge ama mborosola-ge, Ndaut iri na imin nugwi nap inmin-e tuguruk kurak tak woragwi sa mbiriga-o.