2 SEMUEL 19:28 - Nanduk Ngget Tul Pidnak Wene

²⁸ Nde, an neid owe owot oboksa-ge kat-nen mondok pendega lak tak nunpurag-e ndag-et nde, an-e kat-nen ’An nimin nunggwi mende-ge norag-o’ yigenma, kat woraso sa iri me-nen naso me, an-nen tebesa yi mende ndi mende kebem nggi yurag-e kwiye-o” luk yij-o.

2 SEMUEL 19:28 ပူးပေါင်းရင်းမြစ်များ

NDAK WIRIDNAK WENE 32:10

An nggal-et nde kat-nen nabuwa kasolat, an nimin pem kundik worasu yu-ge mondok ijar-o. Nde, an nanduk mborosolat yi Yareren mbarosolar-e, silobulo mbi waruk mbirigir-e lag-o. Are, wangun nak ninggem mbirigi-t nde, yawo an tuguruk lobok yusu yu-nen-e kere mberen tak puruk lobok yusu-o.

2 SEMUEL 14:17

An nindi-nen-e nap kar-e Mbal Pem Nagawan-nen idnak aid nap nggal iri-ge meya kagi, nde, iri-ge konak kagi luk lombonoso me, kat-nen urul pigen iri-ge nimiri-t yugun-o luk perasu-o. Nde, nap kar-e Nagawan Indo Kembal Pem Nagawan-e kimin wolmag-o” luk yak tij-o.

2 SEMUEL 14:20

Alat nde, at-nen iri kwarid iri-ge wene iri kona ndama lak tak purak pem-et kwarij-o. Nde, nap kar-e Mbal Pem Nagawan-nen idnak aid nap enaru nggal, kwat yusu mende oboksa iri-ge mondok karu-o” luk yak tij-o.

2 SEMUEL 15:26

Alat nde, Nagawan Indo-nen nde an nde isili rak nobosolat na at nak-nen kwat nubuwa-o” luk yak tij-o.

2 SEMUEL 16:3

Yosoloma, Ndaut-nen kin wok obosolar-e: ”Kat-nen ndegel oboso nap Saul ombo Mebiboset iri na-ge ngge me worasu-o?” yosoloma, Siba-nen yosolar-e: ”At indi-nen yebet kasolar-e, at ombo Saul-nen nagawan woraso iri na-ge ’Isarael nap-nen yawo an ninggem puwa-o’ luk ar-e Yerusalem-et worasu-o” luk yak tij-o.

2 SEMUEL 19:29

Yosoloma, Nagawan Ndaut-nen onggo yosolar-e: ”Kat-nen tuguruk wene yilik ndilik yurak pug-o. Saul arengge yi mende ndi mende-ge an-nen kat min Siba min wok kindimin-o luk abu mbarak pigi iri nar-o” luk yak tij-o.

2 SEMUEL 9:10

Iri ala-ge, kat kilirak min kat yongga kurugwi nap min-nen-e nggweyak tuguruk wok tusu iri me yabu wanuruk, ebe mbatlug-e, konggo bidnak nap Saul ilirak-nen ukwe lak, ndak wolmakluk wok ondosolat wolmomtag-o. Alat nde, Mebiboset iri-ge nunggwi mende-ge pempa an woraso sa-nen nasolat wolma-o” yak tij-o. (Nde Siba iri na-ge ambararak enpe-ge lima belas, nde, yongga wurugwi nap enpe-ge dua pulu (20) irit woraiga-o.)

2 SEMUEL 9:13

Iri nggal kwasa Mebiboset owak mberensa wat yidnak iri na-ge Yerusalem woralar-e, pempa nunggwi mende-ge nagawan woraso sa-nen nasolat woragij-o.