2 SEMUEL 19:14 - Nanduk Ngget Tul Pidnak Wene

¹⁴ Iri nggal kwasa Ndaut-nen Yewura nap oboksa inndi wanosola-ge, it-nen-e nagawan min-et at-nen idnak eyabu wanugwi nap min-et lambuksa nagawan woraso sa Yerusalem lobok yuwakluk wene wosa Ndaut eram pil mbiriga-o.

2 SEMUEL 19:14 ပူးပေါင်းရင်းမြစ်များ

2 SEMUEL 17:25

(Nde, Apsalom-nen-e Yoap ondolma Amasa iri na-ge san ombo onowe irit mendak pij-o. Nde, Amasa iri-ge Ismael nap Yitera iri na ambara-o. Nde, ija unu-ge Abigail. Nde, Abigail iri-ge ap Nagas ara-o. Nde, Abigail iri-ge Seruya iri na ineid iniya misiget-nen nderag-o.)

2 SEMUEL 22:44

Kat-nen-e eyak nak wurugwi nap ininggem-nen nimiri yosolat, ap enlem oboksa enanggul pem nagawan tak nobosolat kwarigen-o. Ap enlem eneyaso bug-et nde, an ndegel nubugwi nap kwat yili-o.

2 SEMUEL 5:1

Iri rak purug-e, Isarael nap ennggendumu enne kulugwi nap ereba na-ge Ndaut eram Eboron lobok yogolat-nen Ndaut yak togolar-e: ”Nir-e kat kemep minggirik-net yili-o.

YIDNAK YIDNAK WENE 4:32

It inndi Yesus ebem angin tubu yidnak nap pidsa-ge inndi misiget luk lambuksa woragolar-e, insilobulo-ge enariktak-nen-e ”Yu-ge an narengge-o” luk yigir-e lak. Are, ”Nit nenarengge-o” luk insilobulo-ge lambuksa irit winde woraiga-o.