2 SEMUEL 19:11 - Nanduk Ngget Tul Pidnak Wene

¹¹ Nde, it-nen yidnak wene ereba na Ndaut-nen kulurug-e, Yewura nap ennggendumu enne kulugwi nap ereba na kin wok unpuwakluk tepan ombo Sandok min Abiyatat min yak ondosolar-e, yu nggal yak indij-o: ”Kit nanduk-net nagawan an-e ndegel nuburuk an woraso sa tuguruk nibil mbururag-et nde, noluk-nen kwatli bug-o?

2 SEMUEL 19:11 ပူးပေါင်းရင်းမြစ်များ

2 SEMUEL 15:29

Yak tosoloma, tepan ombo Sandok min Abiyatat min na-ge urul pidnak wene labu mbarak iri na-ge tuguruk Yerusalem waruk mbirigarik, iri me woraiga-o.

2 SEMUEL 18:14

Yosoloma, Yoap-nen yosolar-e: ”Kat kimin nak wene onggo onggo yik tenak mbot o ndamuk tak pusu-o” yak turuk yarig-e, tege kenan wanosolar-e, Apsalom iri na-ge e ondogwalma uruk ngonoksa tiong tak worasoma, imidwak arem pil nggwij-o.

2 SEMUEL 18:15

Iri rak purug-e, Yoap imin nugwi nap enpe sepulu iri-ge Apsalom na lop lop worogolar-e, wiril mbiriga mbiriga wosa biga-o.

2 SEMUEL 19:10

Apsalom iri na-ge nit nennggendumu nagawan mendak pige-t nde, wim pem wiriga-o. Iri ala-ge noluk-nen ap misiger-o luk tet enmawi luk tuguruk Nagawan Ndaut iri na inggi waga pil lobok yili bug-o?” luk yiga-o.

2 SEMUEL 19:41

Iri yamu-ge Isarael nap oboksa-nen Nagawan Ndaut eram lobok yogolat-nen yak togolar-e: ”Nit nennggamirak Yewura nap-nen yogolar-e: ’Ndaut ndegel uburuk ndil wagolat, at yik karok woragolat, at wok obogolat kwarurak iri-ge nit min nit nonowe nonowot min nak-nen kwarurag-o’ luk yili yu-ge noluk-nen-o?” yak tiga-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

2 TESALONIKA 3:9

Iri kwarige iri-ge, yi mende ndi mende wok nundurak meya ala-nen kwarige-ge lag-o. Are, nit nenpage nggal kwarobokluk, mirik konpogolat-nen kwarige-o.