2 SEMUEL 18:31 - Nanduk Ngget Tul Pidnak Wene

³¹ Worakmu-ge Yoap ndegel oboso nap iri na lobok yarik, Nagawan Ndaut yak tosolar-e: ”Ndegel koboso nap an-e konak wene-t kamanggim waruk lobok yusu-o. O yawo-ge kat kondolma nggurak puruk kebem mbud yili nab-e Nagawan Indo-nen urugwe nggwe rak unpuruk, ombol nggwe rak kibij-o” luk yak tij-o.

2 SEMUEL 18:31 ပူးပေါင်းရင်းမြစ်များ

2 SEMUEL 18:19

Nde, Sandok ambara Agimas-nen Yoap yak tosolar-e: ”Nab-o. An-e Nagawan Ndaut eram mbirimindik Nagawan yak tosolar-e: ’An-e konak wene-t waruk lobok yusu-o. Nagawan Indo-nen kar-e wim nap ininggem-nen kimiri yij-o’ luk yak teyek-nen an ndaget mbururag-e op, lak?” luk yak tij-o.

2 SEMUEL 18:28

Nde, Agimas-nen-e erepma ereba-nen ene nggoksa Nagawan Ndaut iri na wa yak til lobok luk-nen erare nggwe tud luk-nen yosolar-e: ”Kat kondolma nggurak puruk kebem mbud yili nap kegera kat kinggem pid Nagawan Indo Kembal Pem Nagawan nak kek tak uburag-o!” luk yak tij-o.

2 SEMUEL 18:30

Iri yosola-ge, Nagawan Ndaut nen yosolar-e: ”Iri me men yil mbiri-o” yak tosoloma-ge, Agimas na-ge iri na me men yil mbirij-o.

NDANIEL 4:19

Ndaniel, unu misig-e Mbelsasat, iri na-nen wene iri na kulurug-e, wendet lug-e, kwiye-nen ene lak siyak woragij-o. Iri yosola, Nagawan Nebukatnesat-nen Ndaniel yak tosolar-e: ”Kar-e nabi iri min nabi ebe iri min pem-e kar-e kwiye kudtag pug-o” luk yak tij-o. Yosoloma, Mbelsasat-nen onggo yosolar-e: ”Nab-o. Nabi kaigen iri ebe kwat momtak mende ereba-ge kat kuwim nap enpem nggal mbosola, kat kebem mbigit lak yurak-nen-e ob-er-o.

WENE MBENARUGWI NAP-NEN KWARIDNAK WENE 5:31

Nagawan Indo wa-e. Kuwim nap oboksa-ge Sitera lak yid iri nggal-e lak mag-o. Alat nde, kat kanggamirak oboksa-ge molengen kona bil wasolat konak eyaya worag-et wasu iri nggal-et wolmag-o. Iri lug-e o iri na kona yamuksa woragolar-e, olengen empat pulu (40) irit woraiga-o.