2 SEMUEL 16:16 - Nanduk Ngget Tul Pidnak Wene

¹⁶ Nggogola-ge, Ndaut anggam mondok tugup lak Usai iri na-ge Apsalom imin lambuk yogolat Usai-nen yosolar-e: ”Nagawan-e kar-er-o! Nagawan-e kar-er-o!” luk ene nggoksa yij-o.

2 SEMUEL 16:16 ပူးပေါင်းရင်းမြစ်များ

2 SEMUEL 15:32

Laigarik, ndobo yengen pem ap-nen Nagawan Indo erembel wanugwi sa wok yosoma-ge, Ndaut anggam indi kundik Areki nap Usai usum na ndelep ndalep tak, nggweyak anggul pem ndugud tak irit Ndaut imin lid pid yij-o.

2 SEMUEL 15:34

Alat nde, kat nde tuguruk o ma mborosola-ge, iri-ge yongga norosolar-e, kat-nen mburugundik Apsalom iri yak tosolar-e: ’An-e nanduk kat keid eyabu wanosolat tugup lak woraso iri na nggal-et yawo-ge kat keyabu wanimin-o’ luk yak turag-o. Iri nggal kwarosolar-e, kat-nen-e Agitopel-nen nggomo yak tuwa wene-ge oboksa ebe lak tak pugun-o.

2 SEMUEL 15:37

Yak tosoloma, Ndaut anggam Usai iri na-ge Yerusalem mbiridnggal-e, Apsalom na Yerusalem wok yosoma, ndak ndak irit wok yil mbirij-o.

1 NAGAWAN NAGAWAN-NEN KWARIDNAK WENE 1:25

Yawo na lomba min sapi kusi min sapi wam usul usul erep min worarik, nggok sagosolar-e, kat kambararak oboksa yonggo unpuruk, kat-nen idnak san ombo onowe Yoap min tepan ombo Abiyatat min yonggo enparik yawo-ge ir-e nggok sagili-o. Sakolar-e: ’Nagawan-e Andonia kar-er-o!’ luk enne nggu lak kagolat worali-o.

1 NAGAWAN NAGAWAN-NEN KWARIDNAK WENE 1:34

Waruk mburugupndig-e, iri me-nen Natan min Sandok min kit-nen-e Isarael nap enanggul pem nagawan tak pogolat, amburu anggul pem keler-o. Iri rak purug-e, posid poba ene pu yogolat, kek kok lel kagolat-nen yogolar-e: ’Nagawan-e Salomo kar-er-o!’ luk kenne lek ker-o.

NDANIEL 2:4

Yosoloma, it-nen onggo Aram wene bem yogolar-e: ”Nagawan kar-e pem irit kurug-et wolmin-o! Kat-nen nabi kaigen iri ndindera yak nindi-o. Iri yosola-ge, nabi iri ebe-ge iri nggal-o luk para yak kurul-o” luk yak tiga-o.

NDANIEL 5:10

Nde, nagawan min ap yok nggok ereba na min inni enne kulurug-e, nagawan ija iri na-ge o nggok sagili iri na me nggosolat-nen yosolar-e: ”An-nen idnak nagawan kar-e kuruk pem irit wolmin-o! Kindi kondok yi-o. Kerare nin yusu meyog-o.

NDANIEL 6:21

Wok yosolar-e, ene-ge ndoklele ene nggoksa yosolar-e: ”Uruk nak woraso Mbal Pem Nagawan ndegel oboso nap Ndaniel wa-e! Kar-e pempa tugup lak ndegel oboso Kembal Pem Nagawan iri na-nen ndak kimiri yid, lak?” luk yij-o.

NDANIEL 6:6

Iri ala karuk, it-nen yak kerak mbogolar-e: ”Ndaniel-nen lugud tak kwaroso buk me, at Embal Pem Nagawan erembel wanoso iri bem-net at meya rak purak nde ma-o” luk yiga-o.

MATIUS 21:9

Iri luk, at mborosola imin anggul mbitli nap min abok mbitli nap min-nen enne ngguloksa-t yogolar-e: ”Ndaud Ambara nak kek tag-o! Nagawan Indo unu bem lobok yusu nap yu-ge imbiringgat worak-nen yusu-o! At woraso sa mondok teram iri me-nen na at nak kek tag-o!” luk yiga-o.

1 SEMUEL 10:24

Iri luk, Semuel-nen ap ereba na yak ondosolar-e: ”Nagawan Indo-nen lenak pidnak nab-e yur-o. At yu nggal-e nit oboksa nennggendumu mbi worasu bug-o” luk yosoloma-ge, ap oboksa-nen enne nggoksa leksa yogolar-e; ”Nagawan irit wolmag-o!” luk yiga-o.