2 SEMUEL 15:8 - Nanduk Ngget Tul Pidnak Wene

⁸ Nde, an o Siria nggweyak pem o Nggesut woralar-e, an-nen Nagawan Indo imin urul posolar-e: ’Kat-nen nde an tuguruk Yerusalem nibil mborosola-ge, kat kerembel wanurak Eboron mbirimin-o’ luk urul pidnak me, mbirimin-o” luk yak tij-o.

2 SEMUEL 15:8 ပူးပေါင်းရင်းမြစ်များ

2 SEMUEL 14:23

Iri yak turug-e, Yoap na-ge o Nggesut wi Apsalom iri na inggi wil mberarik, waruk Yerusalem ibil lobok yij-et nde,

2 SEMUEL 14:32

Yak tosoloma, Apsalom-nen onggo yosolar-e: ”An-nen yimin wene waruk Nagawan eram mburugundik yak tonokluk wene mbo kibigi-t nde, kar-e larok yosola karuk-nen kan pikma-o. Nde, iri-ge yu yak turak nde yigi-o: ’An-e o Nggesut worayek lag-et nde, no amanggim-nen an-e tuguruk yu me lobok yigi-o?’ yak ti-o” luk yij-o. Yosoluk wene erep yosolar-e: ”Ndak an Nagawan eram wok yek-nen kamawi kundugundik tu kore yi-o. An nde meya yoso nab-et yik neyasola-ge, mondok nururag-e ndak-nen yusu-o” luk yij-o.

2 SEMUEL 15:9

Yosoloma, Nagawan Ndaut-nen-e: ”Ob-er-o. Konag-et mbiri-o” yak tij-o. Yosoloma-ge, Apsalom iri na-ge Eboron mbirij-o.

YESAYA 28:15

Kit-nen yogolar-e: ”Nir-e wat yugwi elem min ’Iri nggal kwat nunpurag-o’ luk urul purug-e, ap watluk ndok wiril mbugwi sa imin ninndi misiget tak pigerig-o” luk yili-o. Kit kinndi-nen peragolar-e: ”Nir-e nenkap ndagurak pem-e nenesiget enmberam lul yu bem-net lak tak onposo mende abok lobok yuwa iri-ge nenpem-e mbuwa bug-o” luk yebet kali-o.

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.

1 SEMUEL 1:11

Iri yosolat-nen Ana-nen urul posolar-e: ”Nagawan Indo Kamawi Worak wa-e. Ndegel koboso kwe an-e kwara yebet niyi-o. Ndegel koboso kwe an-e meme rak nuburak pug-o. An-nen nindi andi kasu-ge kat-nen ki-o. Kat-nen nde liap misik wok nurugunmu-ge, mondok abu abu wok kurumu kat kimin-et pempa wolma-o. Nde, anggulsu-ge mbarigit lak irit wolma-o” lul urul yak tij-o.

1 SEMUEL 16:2

Yosoloma Semuel-nen yosolar-e: ”Wene iri-ge nggesa-n kwarimin-o? Saul-nen kuluwarig-e, mondok nuruwa-o” yosoloma, Nagawan Indo-nen yosolar-e: ”Sapi mendaso misik waruk mbiri-o. Waruk mborosolat-nen ap ereba yak ondosolar-e: ’An-e Nagawan Indo amanggim wosa purak waruk lobok yusu-o’ luk yak indi-o.