2 SEMUEL 15:3 - Nanduk Ngget Tul Pidnak Wene

³ Iri yak togola-ge, Apsalom-nen yosolar-e: ”Kat-nen waruk lobok yusu wene iri-ge ndemeret konag-et nde, meya-ge kat kene kwara kulurak nap Nagawan indipma nap lak iri nak meya-o” luk yak tij-o.

2 SEMUEL 15:3 ပူးပေါင်းရင်းမြစ်များ

2 SEMUEL 15:4

Iri luk, Apsalom-nen tuguruk yosolar-e: ”An nde ap enpem wene mbenaroso, nap kwat yeleptiknggal-nen-e ap ondomoktak-nen wene worala na, are, yuk puk mbidnak wene waruk lobok yogola na irit, it-nen waruk lobok yogola-ge, an-nen-e wene-ge mondok mot mor-et enpem wene kona lak tak peleb-o” yak ondosolat woragij-o.

MBIRIGA WENE 20:12

An-nen wok kindimin o iri me woragolat, kunluk mot pem-et woraboklug-e, kineid kiniya kek tak onpogolat wolmomtag-o.

MBIRIGA WENE 21:17

Ta-nen nde eid min ija min imbiri lamut tak onposola-ge, mondok wururag-o.

NGGOMO WENE 30:11

Ap erep-nen-e ineidtak imbiri lamut tak onpogolat, iniyarag-e kek tak inpigit lak yili-o.

NGGOMO WENE 30:17

Ta-nen eid ija inndi worak ereba na pesel onposola-ge, erengen-e towe ijamu-nen kela keya bosolat, nde, ebe-ge towe ud-nen mbarosolat makluk, mbo uburak ndag-et mbo ubuwa-o.

MATIUS 15:4

Mbal Pem Nagawan-nen yosolar-e: ’Kineid kiniya enne kulurag-o’, nde, ’ta-nen nde eid iya onpok puwa nab-e mondok wururag-o’ luk yij-et nde,

YIDNAK YIDNAK WENE 23:5

Yak togolikma-ge, Paulus-nen yak ondosolar-e: ”Nanggamirak wa-e. At iri-ge tepan ombo nggulok-nen yusu-o luk naru buk-nen yigi-o. Engga mbarak pem-nen yosolar-e: ’Kit kenlem nap nagawan imin-e wene meya yak turak pug-o’ luk mbarak worasu-o” luk yij-o.

1 PETERUS 2:17

Ap oboksa kek tak onpogolat, Kerisut ebem inndi angin tubu yidnak kennggamirak na enabuwa kagolat, Mbal Pem Nagawan aye kagolat, nagawan Kaisat kek tak pogolat wolmer-o.

2 PETERUS 2:10

Iri len unpuwa iri-ge it ondomok kopkap tobok tak onposo ukwe ukwe yugwi iri-nen yidnak yidnak kwarogolar-e, Mbal Pem Nagawan ene kulurak insili nap iri-ge len unpusu irir-o. Enesiget siget mul undugwi nap iri-ge kwiye lag-e, ondomok kek yogolar-e, teram woragwi enabinal worak nap iri na kwiye lag-et pesel inpili-o.