2 SEMUEL 15:25 - Nanduk Ngget Tul Pidnak Wene

²⁵ Woragola, Ndaut-nen Sandok yak tosolar-e: ”Nagawan Indo-nen idnak urul pidnak wene labu mbarak iri-ge tuguruk Yerusalem pil mberer-o. Nagawan Indo-nen nde an Indingen tak nobosolar-e: ’Ndemeret tuguruk mbiri-o’ yak nuruwama, lobok yimindik, Nagawan Indo-nen idnak urul pidnak wene labu mbarak iri min at woraso o lije iri min-e kamin-er-o.

2 SEMUEL 15:25 ပူးပေါင်းရင်းမြစ်များ

2 SEMUEL 6:17

Urul pidnak wene labu mbarak iri na-ge Ndaut-nen urul pidnak wene labu mbarak iri purak ondoro sum wi wiridnak iri na me-t pil nggwiga-o. Iri luk, Ndaut-nen-e wam wosa Nagawan Indo amanggim kan posolat, at imin kundurak pem wam wosa kan posolat irit kwarij-o.

2 SEMUEL 7:2

Nde, Nagawan Ndaut-nen Mbal Pem Nagawan ene lomboksa yoso nap Natan yak tosolar-e: ”An-e nuwi-ge e Libanon-nen ngatluk lobok yidnak pem wiridnak wi konak arem-et worasu-t nde, urul pidnak wene labu mbarag-e sum-nen wiridnak wi o lije iri na arem nde worasu yu ki-o” luk yak tij-o.

NDAWI ENGGA 122:1

Ap-nen an yak norogolar-e: ”Nagawan Indo ama mburuwog-o” yogola-ge, an-e nalen kagi-o.

NDAWI ENGGA 122:9

Nagawan Indo Nenmbal Pem Nagawan uwi iri na amanggim ala karuk, kar-e konak kalen min-et woranokluk an-e tepan yusu-o.

NDAWI ENGGA 84:10

Seribu hari nin me wolmomtag-e ob-et nde, misik tarem nak kat kama wolmomtak iri-ge konak lombok-nen yusu-o. Meya yugwi nap enma wolmomtak nggal, Nembal Pem Nagawan uwi tu mende yik karok woraso nap kwat yurak perak an-e nindingen-o.

MBIRIGA WENE 15:13

Kat-nen ’Irit kwat kinpimin-o’ luk tul pigen iri na ndak ndag-et kwarosolar-e, kat-nen inmiri yigen nab-e lit unpuruk mburusu-o. Kamawi nggok pem-nen nggetlel unpuruk, kat woraso sa lenak iri na me lit unpuruk mburusu-o.

MBIRIGA WENE 33:12

Misik tarem Musa-nen Nagawan Indo yak tosolar-e: ”Nagawan Indo wa-e. Kat nen-e an nimin-e ’Isarael nap yu lit eneyaruk, an-nen urul yak kindigi sa mbiri-o’ yak nurusu-t nde, kat-nen neyasolat, kalen nebem posolat na kwarusu-t nde, an yongga nururak nab-e ’At iri-nen yongga kururak wirik pil lobok yigi iri-o’ luk yak nurusu buk yu-ge ngge-o?

MBIRIGA WENE 33:13

Iri ala-ge, Nagawan Indo wa-e. An-e pempa kat ndegel kobosolat kalen tak posolat worayek-nen kat-nen kwarurak kindi arem yemnak pigen iri mirik nibi-o. Nde, Isarael nap yu-ge kat-nen lena wok inpigen kat karengge nar-o” luk yak tij-o.

YEREMIA 7:4

Enesiget yugwi nap-nen yogolar-e: ”Nir-e yamuksa worali yu-ge ndemeret Mbal Pem Nagawan uwi-net yusu-o!” luk watsa kenan pem-et yogola-ge, ndemerer-o luk, kulurak pug-o.