2 SEMUEL 14:25 - Nanduk Ngget Tul Pidnak Wene

²⁵ Nde, Apsalom iri-ge ebe mondok tenaga men yidnak me, Isarael nap oboksa-nen erembel wanogolat woraiga-o. It ennggendumu-nen ap misiger-o luk at nggal mbi mondok lag-o. At iri-ge ijok mok kuri-nen anggulsu kuri-ge ebem ambut lak irit woragij-o.

2 SEMUEL 14:25 ပူးပေါင်းရင်းမြစ်များ

AYUP 2:7

Yosoloma, Sere iri na-ge Nagawan Indo eram-nen mborosolar-e, Ayup iri na ebem-e marigot ebem yela, ijok abis kuri-nen ereltel kuri irit woroksa yela keya bij-o.

NGGOMO WENE 31:30

Inndi wanugwi enpage iri-ge ap onmbol pem laso-nen yusu-o. Nde, entare konak iri na lag-et ma-t nde, Nagawan Indo indi aye worak kwe iri perak erembel wanurag-e ndak-net yusu-o.

YESAYA 1:6

Kir-e kinmbirisu kuri-nen kunuwok abis kuri kenpe-ge kenpem nggat ponok tak mbi worali bug-o. Kit kenpem-e karum nak yud lud, mbut ondoro yal pal mep nak yolo rak worasu-o. Kindidnak ud ereba-ge marigit na lak, nggitlik pigit na lak, iri-nen obat amburu na pigit lak worali-o.

NDANIEL 1:4

Ap sujwe ereba-ge enpem ambut lak, mondok enpe na sujwe enmawi min, sekola nggok yidnak, inndi tenggerak-nen mondok enaru nap, nagawan woraso sa mondok yabu wanurak nap irit len unpuruk, Aspenas kat-nen mul ondosolar-e, Mbabel wene iri na wonarogolat, mbarogolat yuwakluk mul undurag-o” luk ebem pij-o.

MATIUS 23:27

Kenesiget siget kwarugwi nap kit imiri mbarak pidnak wene kenaru nap min Parisi min wa-e. O, kenabuwa-o! Kir-e ap yapma inpidnak sa arem-e ap onowak nggilarak min emben to rak mende min worala-t nde, ombol nggwe umuruk nak loro ndarak me, konak yik kagwi iri nggal kit-nen yili-o.

EPESUS 5:27

Nde, iri kwat inpid iri-ge, lambuk tak inpidnak nap iri-ge at-net at ondomok eram enpeyekluk-nen yij-o. At eram onposolar-e, enabinal worak, enpem kopkap min siminggil min iri nggal erep na lag-et. Are, mondok marag-et, enpem ambut lak irit eram enpeyekluk-nen yij-o.

1 SEMUEL 16:7

Alat nde, Nagawan Indo-nen Semuel yak tosolar-e: ”Kar-e enpe konak min enpe mot min yik kaidnak pem nak kindi purungsa ebem pusu-ge meyog-o. An nindi-nen pigi-ge at iri-ge lag-o. An-nen-e ki nap-nen enabut yik kagwi nggal-e yik eneyaso bug-o. Ki nap-nen-e enpage ombol nggwe nak yik kali-t nde, an-nen-e inndi nak kaso-o” luk yij-o.

1 SEMUEL 9:2

Nde, Kis iri ambara unu-ge Saul irit woragii-o. Nde, Saul na-ge ap sujwe abage na konak, ebe na tenaga men yidnak irit woragij-o. Nde, Isarael nap oboksa ennggendumu-nen enpage min enpe min konak at nggal mbi woragit lag-o. Nde, Saul iri-ge ebe na mondok mot irit me, Isarael nap oboksa enanggul-e endakmbe kuri nag-o.