2 SEMUEL 14:14 - Nanduk Ngget Tul Pidnak Wene

¹⁴ Nit oboksa-ge war-et mul-o. Nir-e yi sisiri bem kiril kaidnak tuguruk ndok wururak meya iri nggal-nen yusu-o. Mbal Pem Nagawan-nen na irit wat yidnak nab-e unluk tak unpuwa bug-er-o. Iri bem-e, nab-o. Mbo ibidnak nab-e tu kore yaga tuguruk ibil lobok yurag-o.

2 SEMUEL 14:14 ပူးပေါင်းရင်းမြစ်များ

2 SEMUEL 11:25

Yosoloma, Ndaut-nen ap wene waruk lobok yid iri na yak tosolar-e: ”Wim iri nggogolar-e, at iri wat ma-o luk nenaru-nen-e nggwigit lak me, Yoap iri indi kabak yuwa naru indi uwi yaburag-o. At yak tosolar-e: ’Wim iri-ge mondok enpem-et korerenak worakmu, wim nab-e urugwe nggwe rag-et unpuruk-nen keya unpurag-o’ yak ti-o” luk yak tij-o.

2 SEMUEL 14:15

Nde, an-e ap-nen nebem kore yuwokluk yogola karuk, kat keram lobok yigi-o. Nde, an-nen yebet kasolar-e: ’At imin wene yurak perak ndak-nen yusu-o’ luk nindi-ge wat tak puruk lobok yigirik, wene yak korosoma-ge, nene kulugun kasu-o.

1 NAGAWAN NAGAWAN-NEN KWARIDNAK WENE 11:39

Nde, Salomo-nen meya kwarusu bem-e an-nen-e Ndaut-nen wigarag-e angin worak enpem pimin-et nde, pem abu abu-ge kwat inpimin pug-o’ yij-o” luk yak tij-o.

AYUP 14:14

Ap wat lug-e, tuguruk unluk yugwi-a? An-e andi bandi kerenak worasu yu-ge mepme-nen lak ma-o luk, kup nggal keyam nggal tag-et yik karok worasu-o.

NDAWI ENGGA 22:14

An namawi-ge yi kirilsa mboroso nggal lak yosolat, nowak il oboksa yorok yil lobok yosolat, an nindi-ge kolpo pagosolat yi kwat yusu iri na nggal kwat yosolat,

NDAWI ENGGA 22:15

noronggolem-e abu le yosolat, nama-ge namanggaruk pem panggara labuk yusu-o. Nagawan Indo kat-nen-e ap lugwinik nggal mbo nak nubusu-o.

NDAWI ENGGA 90:10

Nit nunluk woragolar-e, olengen tuju pulu (70) nak worali-o. Nde, nit nde siyak nenmawi woragolat-nen-e olengen-e delapan pulu (80) nak worali-o. Alat nde, ereya woragolar-e, anggun panggun min andi bandi min nak worali-o. Nunluk marig-et worarug-e, nir-e mondok lak yili-o.

NDAWI ENGGA 90:3

Kat-nen ap yak tosolar-e: ”Kar-e tuguruk ndak wat kibidnak kerem nggal irit kwat min-o. Nanduk woraso nggal nggweyak kwat min-o” luk yak tigenma-o.

MBIRIGA WENE 21:13

Alat nde, indi-net usuwa woraguruk-nen wirigit lak-nen-e, kwiye an-nen ondoro misik mirik kinpimin sa mbutluk, inmiri yurak sa iri me wolmomtag-o.

AID WENE YOSO NAP 9:5

Unluk worali nap-nen-e ”Nir-e war-et mul-o” luk enaru worasu-o. Nde, wat yidnak nab-e mondok enaru buk woragolat, it-nen onggo wanurak na lak, unnu min abu meme rak worasu-o.

YESKIEL 18:23

Kat kindi-nen-e Nagawan Indo Mondok Kek tak an-e meya yugwi nap wat yogola-ge, an nindingen kasu-o luk yebet kasu-a? Mondok lag-o! An nindi-nen yebet kasolar-e: ’It meya kwatli keya buruk, kondok yogola, unluk wolmak lag-et nde-o!’ luk perasu-o.

MATIUS 22:16

Iri luk, it-nen wirik onpogolar-e, it inmin nugwi nap ereb-e Eroriani nap inmin luk, Yesus eram wok luk, at yak togolar-e: ”Nggomo Ondoso Nap wa-e. Kar-e lud tak nak yoso nap-nen yusu-o luk nir-e nenaru-o. Nde, Mbal Pem Nagawan urula mburugwi wene-ge nam-et nak ap mirik onposolat, ap entare mbenaroso buk me, kar-e kwiye lag-et mirik onposo-o.

YIDNAK YIDNAK WENE 10:34

Yosoloma, Peterus na tel korosolat-nen yosolar-e: ”Ndemeret, Mbal Pem Nagawan-e ap entare mbenaroso bug-o luk naru yigi-o.

OROMA 2:11

Nde, Mbal Pem Nagawan-e ap enpage lombonoso bug-o.

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

IBERANI 9:27

Ab-e misiget pem nak wat yugwi-o. Nde, wat luk ombol nggwe-ge enpem wene mbarurak worasu-o.

1 PETERUS 1:17

Kit-nen Mbal Pem Nagawan eram tepan yogolar-e: ”Nineij-o” luk yugwi-t nde, Mbal Pem Nagawan-e ap ondomoktak-nen kwaridnak ndak ndag-et entare limbinigit lak enpem wene mbaroso-o. Iri bem-e, kir-e nggweyak ma yu me woragolar-e, Mbal Pem Nagawan kek tak obogolat wolmer-o.