2 SEMUEL 12:9 - Nanduk Ngget Tul Pidnak Wene

⁹ Noluk-nen kar-e an-nen kebem pidnak wene-ge tarusu-o? Noluk-nen kar-e meya kwarosolat, Uria iri na-ge wuruwakluk wim abi bem ibil ler-o yigenma wiriga-o? Kar-e Amon nap-nen wuruwakluk keya ibigen-o. Iri rak puruk ogwe iri na-ge kar-et wanigen-o!

2 SEMUEL 12:9 ပူးပေါင်းရင်းမြစ်များ

2 SEMUEL 11:4

Yogoloma-ge, Ndaut-nen-e: ”Kwe iri na-ge waruk lobok yer-o” yamu, waruk lobok yiga-o. (Nde, Mbatseba iri na-ge kwami karuk, ombol nggwe-ge mbektak wolmokluk-nen kwarugwi mende kwatluk-nen lobok yij-o.) Nde, kwe na-ge Ndaut-nen imin nene yamu, kwe iri na-ge ama mbirij-o.

2 SEMUEL 12:10

Kar-e an-nen yidnak keya buruk, Uria ogwe wanidnak me, kat-nen wigarak lolo pem woragolar-e, ereb-e san pem ondogolat wolma-o.

2 SEMUEL 16:7

Simei-nen Ndaut imbiri lamut tak obosolat-nen yosolar-e: ”Kar-e mbiri-o! Ap woroso nap, mondok meya kwaroso nap kar-e mondok mbiri-o!

1 NAGAWAN NAGAWAN-NEN KWARIDNAK WENE 21:19

Nde, mburungundik-nen yak tosolar-e. yu nggal yak ti-o: ’Nagawan Indo-nen yak korosolar-e: ”Ebe-t worosoluk, onnggweyag-et wanusu me, Nabot eyabi yengge-nen aben nuruk, lak tak pid sa iri me-net kat keyabi-ge yengge-nen aben nuruk, lak tak puwa-o!” luk yak kirij-o’ luk yak ti-o.”

NDAWI ENGGA 51:14

Nimiri yoso Mbal Pem Nagawan wa-e. Wat yugwi elem inggiyapma-nen mengga keya nibi-o. Iri yugunmu, an-e nalen min-et kat-nen mot mot kwaroso wene-ge wigarimin-o.

NDAWI ENGGA 51:16

Kar-e kamanggim urusu mbara wosa bugwi ereba na kindingen kaso buk me, an-nen nde kamanggim kan pumu-ge iri-ge kar-e kindingen kagun pug-o.

NDAWI ENGGA 51:4

Ndemeret kat kimin, kat kimin nag-et meya kwarigi-o. An-e kat-nen meya-o luk yik kaso mende irit kwarigi-o. Iri bem-e kat-nen ap enpem wene konoso-ge mot mor-et mbenaroso me, kat-nen nebem angin worak pugun iri-ge il pem-et pugun-o.

NDAWI ENGGA 90:8

Kat-nen-e nit-nen lugud tak kwarugwi ereba na waga nam tak posolat keram pusu-o. Nit-nen meya kwarugwi-ge kura ma-t nde, kat kerengen pem-e nam nak kasu-o.

YEREMIA 18:10

ap enlem iri na-nen nde an-nen yidnak yidnak kwarogolat, meya kwarogola-ge, an-nen-e it-nen tenagidnak wi nggok tak posolat, tugup lak tak purak wene yigi iri-ge tuguruk lak tak pimin-o” luk yij-o.

AMOS 2:4

Nagawan Indo-nen yosolar-e: ”Yewura nab-e pempa meya nak kwat tenak worali-o. Iri bem-e an-nen mondok angin worak enpem mberak pimin-o. It iri-ge an-nen mul indidnak wene-ge no mende nggal tak puruk, an-nen ’Iri nggal kwarurag-o’ luk enpem pidnak wene-ge kwid togolar-e, nin mbal pem nagawan onmborak-nen erembel wanugwi ereba na-nen enmberam lasola, inndi kabak tak pij-o.

1 SEMUEL 15:19

kar-e noluk-nen Nagawan Indo-nen kebem pij-e kwarigit lak yigen-o? Noluk-nen kat tet wirimikmik wim kugun pem yeba wanigen-o? Iri nggal kwarogolat Nagawan Indo indi abi kalak pigen-o” yak tij-o.

1 SEMUEL 15:23

Nagawan Indo imin eyak wurugwi iri-ge kugwi tu mbarugwi ndak ndak-net yusu-o. Nde, inndi kek yugwi iri-ge kugwiwak erembel wanugwi ndak ndak-net yusu-o. Kar-e Nagawan Indo ene tarigendik me, Nagawan Indo-nen-e kat-nen nagawan woraso iri na-ge lak tak kibij-o” luk yak tij-o.

1 SEMUEL 15:26

Alat nde, Semuel-nen onggo yosolar-e: ”An-e tuguruk nagawan kat kimin mbururag-e nimbir-o. Kar-e Nagawan Indo-nen yidnak wene taridnak me, Nagawan Indo-nen-e kat-nen nagawan woraso lak tak kibij-o” luk yak tij-o.