2 SEMUEL 12:13 - Nanduk Ngget Tul Pidnak Wene

¹³ Yosoloma-ge, Ndaut-nen Natan yak tosolar-e: ”Ndemeret an-e Nagawan Indo imbiri bem mondok meya-t kwarigirig-o” luk yij-o. Yosoloma, Natan-nen yosolar-e: ”Nagawan Indo-nen-e kat-nen meya yidnag-e amberam tak pij-o. Kar-e wat yugun pug-o.

2 SEMUEL 12:13 ပူးပေါင်းရင်းမြစ်များ

NDAK WIRIDNAK WENE 39:9

Nde, o ma yu me yi mende ndi mende oboksa-ge at-nen tena woraso ndak ndag-et tena worasu-o. An-nen tena bigit lak misik mbi worasu-ge lag-o. Alat nde, kwe kat perak nde, kun ondomok inggem worasu-o. An-nen-e noluk-nen meya yu kwarosolat Mbal Pem Nagawan imin meya kwarimin-o?” luk yak tij-o.

1 NAGAWAN NAGAWAN-NEN KWARIDNAK WENE 13:4

Iri yosola, Yerobeam-nen kulurug-e, inggi ndum Mbal Pem Nagawan ene lomboksa yoso nap iri na wok tosolat-nen yosolar-e: ”Ap yu-ge mondok tenagurag-o” luk ene nggoksa yij-o. Alat nde, Yerobeam inggi ndum ap iri wok tosolat ndimirik pid inggi iri na-ge lud tak purak meya mondok nggwelsa labuk yij-o.

1 NAGAWAN NAGAWAN-NEN KWARIDNAK WENE 21:20

Nde, Akap-nen Elia karuk, yak tosolar-e: ”Nuwim nap wa-e. Kar-e an nebem kore yurak lobok yusu-a?” luk yak tij-o. Yosoloma-ge, Elia-nen yosolar-e: ”Ye! Ndemerer-o. Nap kar-e mondok kindi-net wat tak puruk, Nagawan Indo erengen pem mondok meya nggok kwaridnak me,

1 NAGAWAN NAGAWAN-NEN KWARIDNAK WENE 22:8

Yosoloma, Akap-nen onggo yosolar-e: ”Misik worasur-o. Iri-ge Yimla ambara Mika worasu-t nde, at iri-ge an nindi-n pidnak konak iri na-ge ’Iri nggal kwat ma-o’ luk yak noroso buk. Are, an nisili kaso ereba na nde ’Iri nggal kwat ma-o’ luk yak noroso me, an-e nisili rak poso-o” luk yak tij-o. Yosoloma, Yosapat-nen onggo yosolar-e: ”Kar-e iri nggal yusu-ge meyog-o” luk yak tij-o.

2 NAGAWAN NAGAWAN-NEN KWARIDNAK WENE 1:9

Yosolug-e, at-nen-e ap san ombo wari misik owosirak lima pulu (50) inmin-e Elia tenaguwakluk wirik pamu, san ombo wari iri na mbiridnggal-e, Elia iri na-ge ndobo misik pem koreyak worasoma, eram wok yosolat-nen yosolar-e: ”Mbal Pem Nagawan ndegel oboso nap wa-e. Nagawan-nen yosolar-e: ’Mbuwasug-o’ yak kirij-o” yak tij-o.

NDAWI ENGGA 103:12

Nde, nit meya kwarugwi mbo bosolar-e, erepma mo luwaso nggwe nggal-nen mo mboso nggwe nggal-et nit meya yugwi-ge erepma mbo boso-o.

NDAWI ENGGA 51:16

Kar-e kamanggim urusu mbara wosa bugwi ereba na kindingen kaso buk me, an-nen nde kamanggim kan pumu-ge iri-ge kar-e kindingen kagun pug-o.

NDAWI ENGGA 51:4

Ndemeret kat kimin, kat kimin nag-et meya kwarigi-o. An-e kat-nen meya-o luk yik kaso mende irit kwarigi-o. Iri bem-e kat-nen ap enpem wene konoso-ge mot mor-et mbenaroso me, kat-nen nebem angin worak pugun iri-ge il pem-et pugun-o.

NDAWI ENGGA 51:6

Kat-nen-e ndemeret ab-e mot mot wolmomtak irit perasu-o. An nindi-ge kindi nggat nggat elem-nen kobong tak nibi-o.

MBIRIGA WENE 9:27

Iri ala, Pirayon-nen Musa min Arun min wene mbo unpuruk-nen yak ondosolar-e: ”Yawo-n perak an-e ndemeret meya kwarigi-o. Nagawan Indo iri-ge ndemeret lud tak nak kwaroso-nen yusu-o. Nde, an min an-nen tenagidnak wi woragwi nap inmin-e ndemeret meya-t kwatli-o.

NGGOMO WENE 25:12

Enaru nap-nen nggomo ondogola, kulurak indingen nap ereba na yak indili iri-ge emas ininggi bem pugwi min unmuruk pugwi emas min nggal-nen yusu-o.

YESAYA 43:24

Kit-nen-e emben konak mende an namanggim onggo pigit lak, an namanggim wam wutluk omok an nindi-n pidnak ndak tak pili bug-o. Alat nde, kit-nen perak meya kwarugwi yeba na bem an angin tak nibili-o. Kit-nen lugud tak kwarugwi ereba bem-nen an anggun panggun tak nibili-o.

YESAYA 44:22

Kat-nen lugudtak kwaroso-ge an-nen nggan nggan nggal ko sa wirik pigi-o. Kat meya yidnag-e an-nen o age nggal pu yaga wirik pigi-o. Kar-e an-net wisirik kubukmu me, tuguruk an neram lobok yi-o!” luk yij-o.

MATIUS 14:10

Iri ala-ge, ap ndimirik enpamu, o kubu me iri me-nen Yoanes na urusu mbariga-o.

LUKAS 15:21

Iri kwarosola, ambara na-nen yosolar-e: ’Neid wa-e. An-e Mbal Pem Nagawan imin na, kat kimin na meya kwarosolat woragi-o. Iri bem-e an-e kat kambara momtag-e meya-o’ luk yij-o.

LUKAS 18:13

Alat nde, pemerinta enmanggim tol ndok woroso nap iri na-ge mboksa nggal mendak worasolat-nen at erengen-e mbal nggwe lik kudtak na kwiye me, at ambik imigwak lel kasolat-nen yosolar-e: ’Mbal Pem Nagawan wa-e. An-e meya yoso nap-nen yusu-o. Nabuwa ki-o!’ luk yij-o.”

YIDNAK YIDNAK WENE 2:37

Iri yosola kuluruk yigarig-e, it-nen inndi andi min-et Peterus min it wirik inpidnak nap erep na min yak ondogolar-e: ”Nowe nowot wa-e. Ngge kwarul-o?” luk yiga-o.

IBERANI 9:26

Kwarat pem wirik peyekluk-nen nggwidnggal-e, nggweyak yu ndak worak pid kuri-nen kwarat pem yane wat tenak woraleb-o. Alat nde, i worok tak purak tarem panggo yidnak worali yu tarem-nen Kerisut-e misik pem nak nam yid iri-ge at-net at iminep wesel koraruk, meya yogolat woraidnak iri-ge mondok lak tak peyekluk-nen nam yij-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

1 SEMUEL 15:20

Yosoloma, Saul-nen onggo yosolar-e: ”An-e Nagawan Indo-nen nebem pidnak ndak ndag-e mbirigirik wim mbarosolat, Amalek nap oboksa ondosolat, nde, nagawan Agak iri-ge uruk tenaga waruk lobok yigi-o.

1 SEMUEL 15:30

Yak tosoloma-ge Saul-nen onggo yosolar-e: ”An-e meya-t kwarigi-o. Alat nde, yongga norosolar-e, nab-o. An-e Nagawan Indo nombo Kembal Pem Nagawan erembel waneyek-nen tuguruk nenmberek mburuwog-o. Iri nggal kwasa nimin mborosola-ge, Isarael nap ennggendumu enne kulugwi nap min Isarael nap oboksa min enlengen pem-e kek tak nobosolat-nen kwarugun-o” luk yak tij-o.