2 SEMUEL 11:6 - Nanduk Ngget Tul Pidnak Wene

⁶ Kulurug-e, Ndaut-nen-e ndag-et nak wene Yoap amanggim posolar-e: ”Et nap Uria iri-ge ndag-et nak an neram lobok yuwag-o” luk wene wosa pil mbirij-o. Pil mberamu-ge, Yoap-nen-e Uria iri na-ge Ndaut eram pil mbirij-o.

2 SEMUEL 11:6 ပူးပေါင်းရင်းမြစ်များ

NDAK WIRIDNAK WENE 4:7

Kat-nen nde konag-et kwarigennggal-e, kerare-ge yek tag-et woraleb-o. Alat nde, kat-nen meya kwarosola-ge, meya elem karem nggweyekluk mondok komo panggo rak worasu-o. Meya elem-nen inggiyapma rak kebeyekluk worasu-t nde, kat-nen-e iri-ge urugwe nggwe rak pi-o” luk yak tij-o.

2 SEMUEL 11:5

Nde, siyak woralar-e, kwe iri na-ge abila alama-ge, iri na wene-ge Ndaut eram wene wosa pil lobok yij-o.

2 SEMUEL 11:7

Iri yamu, mberarig-e, Ndaut eram wok yij-o. Wok yosola, Ndaut-nen kin wok obosolar-e: ”Isarael nap san ombo min Yoap min-e ngge kwarak worali-o? Nde, wim-e ngge kwatli-o?” luk kin wanij-o.

MATIUS 26:70

Alat nde, it pidsa inmbiri bem at Peterus-nen yubul posolar-e: ”Kat-nen yusu wene yu-ge an-e naru bug-o” luk yij-o.

MATIUS 26:72

Iri yosoloma-ge, Peterus na-ge tuguruk yubul posolar-e: ”Ap iri-ge an naru bug-o” luk owak mbarij-o.

MATIUS 26:74

Yak togolikma-ge, Peterus na-nen-e: ”Ap iri-ge an-e mondok naru bug-o” luk owak mbarosoma ereya na-net towe wam kusi ene yij-o.

1 SEMUEL 15:30

Yak tosoloma-ge Saul-nen onggo yosolar-e: ”An-e meya-t kwarigi-o. Alat nde, yongga norosolar-e, nab-o. An-e Nagawan Indo nombo Kembal Pem Nagawan erembel waneyek-nen tuguruk nenmberek mburuwog-o. Iri nggal kwasa nimin mborosola-ge, Isarael nap ennggendumu enne kulugwi nap min Isarael nap oboksa min enlengen pem-e kek tak nobosolat-nen kwarugun-o” luk yak tij-o.