2 SEMUEL 11:11 - Nanduk Ngget Tul Pidnak Wene

¹¹ Yosoloma, Uria-nen onggo yosolar-e: ”Isarael nap san ombo min Yewura nap san ombo min urul pidnak wene labu mbarak iri na-ge inmin woralat, wim-e mondok kwiye worak nggogolat, nde, nit-nen idnak san ombo nonowe nggok Yoap min at indipma wim wari ereba na inmin-e o lije-ge karu me wirigarik woragola-t nde, an-e nomok worak kwasa nama mbirimindik, nunggwi mende nasolat, nogwe imin nene yosolat kwarimin-a? Mondok nenarik nonowag-o. An-e mondok iri kwarimin pug-o!” luk yij-o.

2 SEMUEL 11:11 ပူးပေါင်းရင်းမြစ်များ

2 SEMUEL 11:10

Iri yosola kulurug-e, Ndaut-nen Uria kin wok obosolar-e: ”Kar-e erepma-nen lobok yigen-et nde, noluk-nen kama mbirigit lak yusu-o?” yij-o.

2 SEMUEL 14:19

Ndaut-nen yosolar-e: ”Kar-e Yoap-nen kibil lobok yamu, lak?” luk yak tij-o. Yosoloma, kwe iri na-nen onggo yosolar-e: ”Kat karik worasu kowag-o. An-nen lag-o luk yubul purag-e meya-o. Nab-o. Ndemerer-o. An-nen yurak wene min an-nen kwarurak wene min-e Yoap-net yak neramu-o.

2 SEMUEL 7:2

Nde, Nagawan Ndaut-nen Mbal Pem Nagawan ene lomboksa yoso nap Natan yak tosolar-e: ”An-e nuwi-ge e Libanon-nen ngatluk lobok yidnak pem wiridnak wi konak arem-et worasu-t nde, urul pidnak wene labu mbarag-e sum-nen wiridnak wi o lije iri na arem nde worasu yu ki-o” luk yak tij-o.

2 SEMUEL 7:6

Mondok nanduk an-nen Isarael nap Mesira-nen wisirik inpigi kuri-net yawo kuri-ge o misik arem-e mondok woragit lag-o. Alat nde, waring kasolar-e, an-e o lije sum wi arem nag-et woraso-o.

YOANES 13:14

An-e kit-nen idnak Nagawan Indo min Mul Kondoso Nap min-et nde, kit kunuwog-e yawo marigi-o. Iri bem-e kit-nen na mondok kunuwok mat kerak mbogolat wolmer-o.

2 TIMOTIUS 2:12

Nde, nir-e neneyak linggirik nde wulmulndig-e, at imin nagawan wulmul-o. Nde, nit-nen nde at imin-e ’Naru bug-o’ luk yogola-ge, at-nen na nit ninmin-e ’Naru bug-er-o’ luk yuwa-o.

1 SEMUEL 1:26

Eram pil mborosolat-nen Ana-nen Eli yak tosolar-e: ”Nab-o. Kar-e an yenggerak nubusu, lak? An-e Nagawan Indo eram tepan yosolat yu me mendak woragi kwe iri na-net yusu-o.

1 SEMUEL 14:18

Tepan ombo-nen yurugwi sum epot iri na-ge iri tarem-e tepan ombo Agia nak Isarael nap anggul tak puruk nanduk waruk mbiridnak me, Saul-nen Agia yak tosolar-e: ”Epot iri na waruk lobok yi-o” yak tij-o.

1 SEMUEL 17:55

Nde, Ndaut na Nggoliat wereyekluk mborosola-ge, Saul-nen at-nen idnak san ombo onowe Apnet iri na kin wanosolar-e: ”At yu-ge ta ambara-o?” luk kin wanosola-ge, Apnet-nen yosolar-e: ”Ndegel koboso nap an na naru bug-er-o” luk yak tij-o.

1 SEMUEL 20:3

Yosoloma, Ndaut-nen Yonatan yak tosolar-e: ”Kat-nen an nebem kindi kundik worasu yu-ge kat keij-e aru me, kat kindi puru yugun naru yak kirigit lak kuragusu-o. Nagawan Indo Uruk nak Woraso owag-o. An-e mondok kan ndamak pem worasu-o” luk yak tij-o.

1 SEMUEL 25:26

Nab-o. Kar-e kat kwat kibidnak onggo posolat, kuwim nap undugun naru Nagawan Indo-nen tena kibij-o. Nde yawo-ge nab-o. Nagawan Indo Uruk nak Woraso owag-o. Kat kuwim nap oboksa min ap-nen kat kururak yugwi nap min it kwat unpurak iri-ge Nabal kwat ubuwa iri nggal-et it na kwat unpuwa-o.

1 SEMUEL 4:4

Iri lug-e, Nagawan Indo-nen idnak urul pidnak wene labu mbarak iri na-ge Silo iri me wil mbururak ap enpem pikma, Nagawan Indo Kek tak Amawi Worak iri na koreyak woraso ondoro nggal kwasa o Silo-nen waruk lobok yogola-ge, Eli elirak Opni min Pineas min-e urul pidnak wene labu mbarak waruk lobok yili iri na inmin-et waruk lobok yiga-o.