2 SEMUEL 1:2 - Nanduk Ngget Tul Pidnak Wene

² Worasoma-ge, kub-e ap sujwe misik wim nggogolat-nen Saul woraso sa iri na me-nen lobok yij-o. Lobok yosolar-e, indi kalok yogolat tabun puruk woragolat-nen kwarugwi kwarosolar-e, usum ndela keya buruk, nggweyak anggul pem ndatluk Ndaut eram wok yosolar-e, Ndaut eram erare nggwe irit tud yij-o.

2 SEMUEL 1:2 ပူးပေါင်းရင်းမြစ်များ

NDAK WIRIDNAK WENE 22:4

Nde, mborogolar-e, mberen nene luk, kenan tarem tak posolat-nen yik kil mbiridnggal-e, ndobo Mbal Pem Nagawan-nen yak tid iri na-ge erepma-t yik kagaij-o.

NDAK WIRIDNAK WENE 37:29

Iri rak pikma nde, at Uruben na-ge lobok yarik, yi mbun emnde mbaridnak sa iri na me wok yarik, lombot pidnggal-e, Yusup lak alama karug-e, indi andi-nen usum ndela bela keya bij-o.

NDAK WIRIDNAK WENE 37:34

Iri yosolar-e, Yakup na-ge usum ndela bela keya buruk, indi abi kalak woragolat-nen yurugwi sum karung nggal yutluk, ambara iri na ubud-nen tabun puruk, kwarat woragij-o.

NDAK WIRIDNAK WENE 43:28

Yosoloma, it-nen yogolar-e: ”Nab-o. Nit nineid ndegel koboso iri-ge ob-et worasu-o” luk at eralu yud tud mbiga-o.

2 SEMUEL 1:3

Iri yosola, Ndaut-nen at yak tosolar-e: ”Kar-e ngge me-nen lobok yusu-o?” luk yak tij-o. Yosoloma, at-nen yosolar-e: ”Nab-o. An-e Isarael nap wim nggogolat-nen woragwi sa-nen an-e mengga lobok yusu-o” luk yak tij-o.

2 SEMUEL 14:4

Yak tosoloma-ge, kwe iri na-ge Ndaut eram mbirij-o. Mberarik, Ndaut eram erare nggwe tud yosolat-nen yosolar-e: ”An-nen idnak nagawan wa-e. Yongga niri-o!” luk yij-o.

2 SEMUEL 15:32

Laigarik, ndobo yengen pem ap-nen Nagawan Indo erembel wanugwi sa wok yosoma-ge, Ndaut anggam indi kundik Areki nap Usai usum na ndelep ndalep tak, nggweyak anggul pem ndugud tak irit Ndaut imin lid pid yij-o.

ESET 4:16

”Kar-e Yawuri nap o Susan worali oboksa ndok worak unpuruk, an namanggim tepan yogolat wolmer-o. Lengge-nen kubu-nen kenan pem ereya woragolar-e, nunggwi mende ninggit lak, tepan nak yogolat wolmer-o. Nde, an min an ndegel nubugwi kweyap ndugum inmin na nit na tepan-et yogolat wulmul-o. Iri luk, pem-nen kwarugwi wene iri na kwid turuk, an-e nagawan eram mbirimin-o. Iri kwarosola karuk, norosola-ge, war-et yimin-o!” luk wene wosa bil mborosoloma-ge,

ESET 5:1

Nde, tepan yogolat woragolar-e, kenan pem tak pogolar-e, kwe Eset iri na-ge kweyap nagawan-nen yurugwi sum yutluk, nagawan woraso sa o mborom arem nggwe wok yij-o. Wok yarik, o mborom iri na me worasola-ge, nde, nagawan iri na-ge at koreyak woraso sa iri na me-nen erengen-e tu wirik koreyak worasoma-ge, Eset iri na-ge tumende bem men yil mbirij-o.

OSEA 6:2

Nde, o mberen pem, lak, kenan pem, lak ya woragolar-e, at-nen ki rak nunpuwama, at indipma wulmul-o.

YOEL 2:13

Kunsum ndela keya bili iri na-ge ndag-e lag-o. Are, niri nera-o luk yip min-et kinndi puru yurag-o” luk yij-o. Nden karuk Nagawan Indo Kenmbal Pem Nagawan eram lobok yer-o. At iri-ge mamak puruk worasolat, enabuwa kasolat, ndag-et nak isilepma yoso buk, indi konak unpud kaso-nen yusu-o. Ap meya yidnak emberam tak poso indingen, ndag-et nak enpem wene mbarurak isili-nen yusu-o.

MATIUS 12:40

Nde, Yunus na-ge keyane nggulok iri arem woralar-e, kubu-nen lengge-nen kenan tarem woragaij-o. Nde, iri nggal-et Ap Ambara na-ge nggweyak arem woralar-e, kubu-nen lengge-nen kenan tarem wolma-o.

MATIUS 16:21

Iri tarem-nen Yesus na tel korosolat, at owosirak yak ondosolar-e: ”An-e mondok Yerusalem mbirimin-o. Mburumu-ge, ogore yidnak nap nde tepan omborak nagawan nde imiri mbarak pidnak wene enaru nap nde it-nen mondok lel mberel nubuwa-o. Iri luk, nuruwa-t nde, mberen nene luk, kenan tak purak pem-e nuruk tak puwa-o” luk nam-et yak indij-o.

YOSUA 7:6

Iri yogola-ge, Yosua min Isarael nap ennggendumu enne kulugwi nap ereba na min-e mondok inndi kalok luk, inndi kalok yogolat-nen kwarugwi mende unsum ndelabela keya buruk, mabe ndatluk, iri tarem-e aptusa tag-et Nagawan Indo-nen idnak labu mbarak iri na eralu entare nggwe tud tak nak woraiga-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.

1 SEMUEL 20:41

Iri na kwatluk mborosola-ge, Ndaut kerep umut mbarak ombol nggwe kurak tak woragid iri na-ge wasolar-e, kenan pem-et erare nggwe tud yurug-e, Yonatan min Ndaut min ya na ngonoksa labuk lug-e, wa yak kerak mbogolat yip mak kerak mbiga-o. Nde Yonatan-nen indi puru yij-e ija-t nde, Ndaut-nen indi puru yij-e mondok terak minig-er-o.

1 SEMUEL 25:23

Abigail-nen Ndaut yik kagaidnggal-e ndag-et nak kelerai ombol pem-nen kapsa mbij-o. Iri kwarosolar-e, Ndaut indipma erare nggwe nggweyak pem tud

1 SEMUEL 4:12

Iri tarem-e Mbenyamin nap misig-e wim nggugwi sa-nen kwiye Silo lobok yosolar-e, iri na tarem-et o Silo wok lug-e, indi abi kalok yogolat-nen kwarugwi usum ndela keya bosolat, nggweyak anggul pem ndarosolat kwarij-o.

1 SEMUEL 4:16

Ap iri na-nen Eli yak tosoiar-e: ”An-e wim nggugwi sa-nen yanem-et lobok yusu yur-o” yosoloma, Eli-nen wene kin wanosolar-e: ”Nambara-o. Wene-ge ngge kwarag-o?” luk kin wanij-o.