2 SEMUEL 1:16 - Nanduk Ngget Tul Pidnak Wene

¹⁶ Wereyekluk-nen Ndaut-nen ap sujwe iri na yak tosolar-e: ”Kat kondomok-nen yosolar-e: ’Nagawan Indo-nen lenak pidnak nap iri na wirigi-o’ luk para yidnak me, kat kondomok-nen kwarigen pem-et onggo wat min-o” luk yak tij-o.

2 SEMUEL 1:16 ပူးပေါင်းရင်းမြစ်များ

2 SEMUEL 1:10

Yosoloma, an-nen lombot piginggal-e, abu amawi lak me, mbud lug-e, men momtag-e mondok meya, wat momtag-et kagi-o. Iri ala karuk, an-nen wirigi-o. Wutlug-e, nagawan at-nen poso topi iri na-ge anggul pem-nen yonggora wanuruk, manggo erabit pem iri na yonggora wanuruk, keram waruk lobok yigi yur-o” luk yak tij-o.

2 SEMUEL 16:8

Kar-e Saul-nen nagawan woraso iri na-ge mengga wanigen-o. Kar-e Saul owe owot min ilirak min kwarat indigen pem-e Nagawan Indo-nen-e onggo angin worak kebem mberak pusu irir-o. Iri kwarosolar-e, Nagawan Indo-nen-e kat-nen nagawan woraso iri na-ge kambara Apsalom wok tid irir-o. Yawo-ge ap woroso kar-e lak min-o” yak tij-o.

NGGOMO WENE 6:2

Iri nde ala-ge, kat-nen yigen wene ereba-ge kambik kare bigendik me, kat-nen ”Kwat kibimin-o” luk urul yak tigen iri na-net ngonok tak kobosola-ge,

YESKIEL 18:13

at arengge luru ap wok ondosolar-e: ’Siyak nambena puruk wok nururag-o’ luk wok ondosolat yoso-o. Ap iri nggal kwaroso-ge uruk wolma-o luk perali-a? Mondok uruk wolma bug-o. At iri-ge mondok yi meya ndi meya ereba na nak kwat tenak wolmarik, wat ma iri-ge at-nen meya kwat tenak wolma ereba na-net ndowaga wat ma-o.

MATIUS 27:25

Yak ondosoloma-ge, ap kwarat ereba na-nen enne misiget arem lek karuk, enne paleksa amawi min-et yogolar-e: ”At eyabi-ge nit nenpem na nit ninlirak enpem na wolmag-o” luk yiga-o.

LUKAS 19:22

Yosoloma-ge, eid na-nen at yak tosolar-e: ’Ndegel noboso nap meya yu-ge wa-e. Kat-nen yigen iri ndak ndag-et kebem wene mbarimin-o. An-e nindi amawi me, an-nen pigit lag-et nde wanosolat, an-nen yakit lak sa-t nde mbarosolat yoso iri-ge kar-e karu nar-o.

YIDNAK YIDNAK WENE 18:6

Yak ondosola-ge, it-nen-e at imin sirid mbarogolat, at obok pogolat ala karug-e, at-nen at usum pem mabe pil kasolat-nen it yak ondosolar-e: ”Kit keneyabi-ge kondomok kenpem-o! An meya-ge lag-o. Yawo kuri-net an-e enlem nin nap endam mbirimin-o” luk yak indij-o.

YIDNAK YIDNAK WENE 20:26

Iri bem-e, yanem-et nam-et yak kendeyeg-o. Kit pidsa keneyabi-ge an nebem-e lag-o.

OROMA 3:19

Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.

YOSUA 2:19

It ennggendumu-nen nde ap misik o ma yu me-nen wurungsa mburuwarik pem-nen nde unduwa iri-ge it ondomok nak meya-o. Iri-ge nit nenpem-e lag-o. Alat nde, ma yu-t worakmu-nen indidnak ala perak iri-ge nit nenpem-o.

1 SEMUEL 25:39

Nabal wat yidnak wene iri na kuluruk, Ndaut-nen yosolar-e: ”Nagawan Indo nak kek tak wolmag-o! Nabal-nen an erengenma nggal tak nibid iri na-ge Nagawan Indo-nen nemepnggo posola-ge, ndegel oboso nap an-nen meya kwaruwa naru larok tak nibij-o. Nabal-nen meya kwaroso bem-et Nagawan Indo-nen wirij-o” luk yij-o. Iri luk misik tarem-e Ndaut-nen-e Abigail iri na at wok uburak pem-e ene kulil ab-e Abigail eram wirik inpil mbirij-o.